Gerðir kirkjuþings - 01.01.2015, Page 53

53
sótt sér nauðsynlega fræðslu til að geta verið undirbúnir undir óvæntar aðstæður
sem kunna að koma upp í starfinu. Á öld upplýsingatækni er vert að skoða
möguleika sem standa leiðtogum opnir fyrir þá sem gera sér ekki kleift á að mæta
á fræðsluna í kjötheimum með fjarskiptabúnaði.
Jafnframt þarf af gefnu tilefni að ítreka mikilvægi þess að öflun upplýsinga úr
sakaskrá sé sinnt samkvæmt Siðareglum Þjóðkirkjunnar sem samþykktar voru á
kirkjuþingi 2009 og með vísan í 10. gr. æskulýðslaga nr. 70/2007 svo og 36. gr.
barnaverndarlaga nr. 80/2002.
Kirkjuþing unga fólksins 2015
4. mál – þskj. 19
Þingsályktun
um umhverfisstefnu Þjóðkirkjunnar
Tvívegis áður hefur verið lagt fram þingmál þar sem brýnt er fyrir umhverfismálum
innan Þjóðkirkjunnar. Þeim málum hefur ekki verið sinnt og er bent á Ljósaskrefið,
handbók Þjóðkirkjunnar um fyrir umhverfisstarf í söfnuðinum, sem hefur ekki verið
að skila sér í verki í söfnuðina
Lögð er fram tillaga um endurskoðun handbókarinnar, kannað sé af hverju
handbókin er ekki nægilega mikið nýtt og fundnar séu leiðir til að ýta undir eflingu
hennar. Tillögur um eflingarúrræði eru eftirfarandi;
1. Endurskoðuð útgáfa er send í allar kirkjur og hvatt til þess að tilnefndur sé
tengiliður sem sér um innleiðingu umhverfisstarfsins. Sé tengiliðurinn sá sem
hægt er að hafa samband vegna eftirfylgni.
Komið sé á fót umhverfisnefnd sem sér um þau málefni sem snúa að
umhverfisstarfinu s.s. könnun á gengi og eftirfylgni. Umhverfisnefnd verði skipuð
sem samanstendur af a.m.k. einum aðila úr hverju prófastdæmi fyrir sig. Nefndin
sér um ofangreinda hluti ásamt því að móta nýja umhverfisstefnu og taka þá
grænfánann sem fyrirmynd og standi að fræðslu um umhverfismál í öllum
prófastdæmum.
Unnið sé að stofnun grænkirkjunets þar sem kirkjur starfa saman í samstarfi við
hvor aðra og samstarfssamtök að vinna að því að grænka starfsemi sína.
2. Unnið sé að því að fá tilboð í hentugar lausnir og vörur sem samræmast
umhverfisstarfinu til að auðvelda kirkjum að innleiða umhverfisstarfið í söfnuðinum.