Gerðir kirkjuþings - 01.01.2015, Blaðsíða 61

61
Til þess að sinna vaxandi fjölda ferðamanna þarf að reisa þjónustuhús. Gestastofan litla gagnast
ekki til þess. Leita þarf styrkja til þess að bæta aðstöðuna m.a. í sjóði til uppbyggingar ferðamanna-
staða. Ný lög um verndarsvæði í byggð (frá júlí 2015) gefa nýja möguleika til að fá framlög úr
ríkissjóði til viðhalds og framkvæmda á staðnum. Lykillinn að því að geta sótt um styrki er nýtt
deiliskipulag.
Deiliskipulag.
Kirkjuráð samþykkti að nýta framlag ríkisins til stofnkostnaðar í Skálholti á þessu ári, sem er 4 m.
kr. til þess að halda áfram með deiliskipulagsvinnuna. Í því sambandi er rétt að minna á að þetta
framlag til Skálholts byggir á lögunum um afhendingu Skálholts frá 1963 og er ekki sambærilegt
við framlög ríkisins til höfuðkirkna Hóladómkirkju, Hallgrímskirkju og Dómkirkjunnar í Reykjavík, þó
að það sé nú sett á sama stað í fjárlögum. Þarna hefur saga málsins gleymst. Nauðsynlegt er að
stjórnin fylgi þessu máli eftir við fjármálaráðuneytið og minni á hvers kyns þetta framlag er.
Fasteignasviðið.
Fasteignasvið hefur fyrir hönd kirkjumálasjóðs á sinni könnu eftirtalin verkefni á
staðnum:
o Viðgerðir og endurbætur á húsnæði Skálholtsskóla (lokið að mestu)
o Endurnýjun dælubúnaðar og aðstöðu við Þorlákshver
o Endurnýjun vatnslagna um staðinn
o Endurbætur á húsnæði Skálholtsbúða og þriggja húsa þeim tengdum.
Skálholtsjörðin.
Svo segir í 7. grein erindisbréfs stjórnarinnar:
Stjórnin geri tillögur um nýtingu Skálholtsjarðarinnar í tengslum við gerð nýs deiliskipulags fyrir
Skálholt í samvinnu við leigutaka jarðarinnar og leggi fyrir kirkjuráð.
Búskapurinn.
Fyrir liggur sú ákvörðun að áfram sé kúabúskapur á Skálholtsjörðinni. Ljóst er að stærð og umfang
búskaparins er á mörkum þess sem dugar að framfleyta fjölskyldu og hefur svo verið um allmörg
ár. Þess vegna hefur bóndinn gengt stöðu staðarráðsmanns í hlutastöðu þar sem stærstur hluti
verkefna hans hefur verið að tryggja að heitt vatn úr Þorlákshver sé til staðar til upphitunar á
staðnum. Um önnur verkefni fer eftir starfslýsingu.
Tilgangurinn með áframhaldandi búskap hefur fyrst og fremst verið sá að tryggja að hið ræktaða
land í Skálholti sé í góðri hirðu. Sá skilningur hefur verið ríkjandi að best sé að tryggja þetta með
þeim hætti að landnytjar nýtist bónda sem býr á staðnum og hefur hlutverk gagnvart honum.
Nú liggur fyrir að við ábúendaskipti þurfti að endurnýja kúastofninn meir en vitað var fyrirfram.
Sömuleiðis þrengja nýjar reglur um mjólkurframleiðslu og kúabúskap meir að rekstrinum en vitað
var. Þetta vekur upp spurningar sem stjórnin þarf að glíma við og svara til þess að kirkjuráðið geti
tekið ákvörðun um framhald búskapar í Skálholti.