Gerðir kirkjuþings - 01.01.2015, Blaðsíða 65

65
Erindisbréf fyrir stjórn Skálholtsstaðar
Biskup Íslands og kirkjuráð hafa forræði um framkvæmdir og starfsrækslu á Skálholtsstað samkvæmt
lögum. (Lög um heimild handa ríkisstjórninni til þess að afhenda þjóðkirkju Íslands Skálholtsstað,
nr. 32/1963). Ennfremur ber kirkjuráð stjórnunarlega og fjárhagslega ábyrgð á rekstri skólans fyrir
hönd þjóðkirkjunnar. Gerður skal samningur um þátttöku ríkissjóðs í rekstri hans. Kirkjuráð skipar
skólaráð Skálholtsskóla, (sbr. lög um Skálholtsskóla nr. 22/1993) og setur samþykktir um starfsemi
hans.
Kirkjuþing 2014 samþykkti þingsályktun um stjórn Skálholtsstaðar sem skal annast í umboði biskups
og kirkjuráðs, ásamt vígslubiskupi uppbyggingu og rekstur staðarins í samræmi við ofangreind lög
um afhendingu Skálholts frá 1963, starfsreglur kirkjuþings og samþykktir kirkjuráðs.
1.gr.
Samkvæmt samþykkt Kirkjuþings 2014 skipar kirkjuráð þriggja manna rekstrarstjórn Skálholtsstaðar
til fjögurra ára í senn og þrjá til vara. Endurskoða skal samsetningu stjórnar að ári liðnu.
2. gr.
Stjórn Skálholtsstaðar annast daglega stjórn og rekstur Skálholtsstaðar í umboði Kirkjuráðs
og í samstarfi við vígslubiskup Skálholtsumdæmis, skrifstofustjóra Skálholtsstaðar, skólaráð
Skálholtsskóla, sóknarprest Skálholtsprestakalls og sóknarnefnd Skálholtssóknar. Almennt fyrirsvar
Skálholtstaðar sé áfram í höndum vígslubiskups eins og samþykktir Kirkjuráðs frá febrúar 2012,
mæla fyrir um.
3. gr.
Vígslubiskup og skrifstofustjóri sitja fundi stjórnarinnar. Skrifstofustjóri ritar fundargerð og heldur
utan um ákvarðanir stjórnar.
4. gr.
Stjórn Skálholtsstaðar skal leggja fram markviss áform um að auka tekjur staðarins og ná jafnvægi í
fjármálum 2017. Stjórnin gerir árlega starfs - og rekstraráætlun og leggur fyrir kirkjuráð til samþykktar
fyrir lok septembermánaðar. Starfs- og rekstrarár er almanaksárið.
5. gr.
Reikningshald skal vera á Biskupsstofu.
6. gr.
Stjórn Skálholtsstaðar fundar svo oft sem þurfa þykir en eigi sjaldnar en mánaðarlega.
Fundargerðir skulu sendar kirkjuráði reglulega.
7. gr.
Stjórnin geri tillögur um nýtingu Skálholtsjarðarinnar í tengslum við gerð nýsdeiliskipulags fyrir
Skálholt í samvinnu við leigutaka jarðarinnar og leggi fyrir kirkjuráð.
8. gr.
Stjórnin gangi frá samkomulagi um rekstur Skálholtsdómkirkju milli Skálholtssóknar og
Skálholtsstaðar og um afnot annarra af kirkjunni eins og t.d. til helgiathafna, tónleika eða
tónlistarupptöku. 2
9. gr.
Stjórn Skálholtsstaðar eigi samstarf við stjórn Skálholtsfélags hins nýja um stefnumál félagsins.
10. gr.
Erindisbréf þetta skal endurskoðað í ársbyrjun 2016.