Gerðir kirkjuþings - 01.01.2015, Page 83

83
4. mál kirkjuþings 2015
Flutt af starfshópi kirkjuþings 2014
Áfangaskýrsla starfshóps um stefnumótum þjóðkirkjunnar
Kirkjuþing 2015 samþykkir að haldið verði áfram vinnu við stefnumótun þjóðkirkjunnar
út frá hugmyndum sem koma fram í skýrslu starfshóps um stefnumótun þjóðkirkjunnar
og í umræðu í allsherjarnefnd og á kirkjuþingi. Einnig verði tekið mið af eldri stefnumótun
þjóðkirkjunnar frá 2003 til 2010.
Skýrsla um stefnumótun þjóðkirkjunnar
Formáli
Á kirkjuþingi 2014 var samþykkt að skipa fimm manna starfshóp til að vinna að
stefnumótun Þjóðkirkjunnar. Í starfshópinn voru skipuð sr. Guðrún Karls Helgudóttir,
formaður, Ragnheiður Ásta Magnúsdóttir, Steindór Runiberg Haraldsson, sr. Þorgrímur
Daníelsson og Þórunn Júlíusdóttir. Nefndin hittist fyrst 30. janúar og hóf þá störf.
Að baki þessarar skýrslu liggur mikil vinna og greining á stöðu kirkjunnar en það er
ljóst að enn er mikil vinna er framundan. Það er of mikið verk fyrir einungis fimm aðila
að gera tillögur að stefnu þjóðkirkjunnar en nefndin telur sig vera búna að safna nægum
upplýsingum til þess að geta farið að kynna hugmyndir sínar fyrir fleiri aðilum og fá í
kjölfarið fleira fólk til þess að vinna mótunina áfram.
Nefndir gerði könnun meðal prófasta og meðlima í héraðsnefndum prófastsdæmanna
til þess að reyna að fá fram álit þeirra á stöðu prófastsdæmanna eins og þau líta út nú og
til þess að kanna hug þeirra til breytinga. Þar kom fram að meiri hluti prófasta og félaga í
héraðsnefndum eru ósátt við núverandi skipan prófastsdæma en það kom einnig fram að
flestir geta séð fyrir sér breytt hlutverk prófasta og prófastsdæma.
Í þessari skýrslu koma fram megin hugmyndir nefndarinnar í stórum dráttum og
hvetur nefndin kirkjuþingsfólk til þess að ræða hugmyndirnar.
Nefndin óskar eftir því að haldið verði áfram að vinna út frá hugmyndunum sem fram
koma í skýrslunni.
Inngangur
Tilvistargrundvöllur þjóðkirkjunnar
Kirkjan er samfélag fólks sem á það sameiginlegt að trúa á Jesú Krist sem frelsara.
Tilvistargrundvöllur þjóðkirkjunnar er Jesú Kristur og boðskapur hans.
Tilgangur þjóðkirkjunnar er að boða kristna trú, efla og viðhalda kristnu samfélagi á
Íslandi. Þetta gerir kirkjan í meginatriðum með þrennum hætti: