Gerðir kirkjuþings - 01.01.2015, Page 109

109
Fylgiskjal með 16. máli
Sáttmáli um
móttöku flóttafólks
Frá Þjóðmálanefnd
Kirkjuþing 2015 hvetur söfnuði þjóðkirkjunnar til að kynna sér aðstæður
flóttafólks og umsækjenda um alþjóðlega vernd og setja málefni þeirra á
dagskrá. Slíkt er bæði gert á landsvísu, eins og með málþinginu „Hver er þá
náungi minn?“ sem þjóðmálanefnd stóð fyrir 22. október í Norræna húsinu, og
með starfi heima í héraði þar sem söfnuðir þjóðkirkjunnar gegna lykilhlutverki.
Hvers vegna?
Vegna þess að Ísland er ekki ósnortið af vaxandi fjölda flóttafólks í heiminum
og einum stærstu þjóðflutningum í heims hluta okkar frá því að síðari
heimsstyrjöldinni lauk. Vaxandi samfélagsleg fjölbreytni og nýir Íslendingar
kalla á ný viðhorf og brýningu í félagslegri þjónustu þjóðkirkjunnar úti um allt
land.
Í ljósi þessa hvetur kirkjuþing söfnuði landsins til að setja málið á dagskrá og
ræða hvort eftirfarandi sáttmáli þjóni þeim tilgangi að standa sem best að því
verki að taka á móti flóttamönnum og hælisleitendum.
Það sem hér fylgir er tillaga að sáttmála sem söfnuðir geta notað sem grundvöll
að umræðu og gert að sínum. Kirkjuþing hvet ur söfnuði þjóðkirkjunnar til að
standa fyrir fræðslu og samtali um málefni flóttafólks með þeim hætti sem
hentar á hverjum stað
Sáttmáli um móttöku flóttafólks
Við í _______________________sókn viljum taka vel á móti nýjum Íslendingum
vegna þess að:
» Grunngildi í kristinni trú er að vaka yfir velferð þeirra sem standa höllum
fæti í þjóðfélaginu, m.a. vegna félagslegra, heilsufarlegra, efnahagslegra
þátta. Við erum sérstaklega kölluð til að reynast þeim náungar og elska eins
og okkur sjálf.
» Við vitum að enginn leggur á flótta frá heimalandi sínu án brýnnar þarfar
eða ógnar sem steðja að honum sjálfum og ástvinum hans.