Dagblaðið Vísir - DV - 19.04.2016, Qupperneq 21

Vikublað 19.–21. apríl 2016 Umræða Stjórnmál 21
„Down“ en
ekki „out“
Friðjón Friðjónsson, almannatengill og einn eigandi KOM
E
ftir mótmæli, afsögn og núna leyfi er staða Sigmundar Davíðs
sérkennileg. Tveir þingmenn hafa tekið fram hnífana, Frosti Sig-
urjónsson og Karl Garðarsson, og komið með gagnrýni af tagi
sem ekki hefur sést áður í þingflokki Framsóknar í garð Sig-
mundar Davíðs. Þá hefur hann jafnframt fengið gagnrýni úr eigin kjör-
dæmi. Harðasta gagnrýnin kom þó frá Akureyri en þar sækir Höskuldur
„heppni“ sitt fylgi þannig að það er ekki hægt að segja að það séu fyrr-
verandi stuðningsmenn formannsins sem hamast gegn honum.
En það er ólíklegt að hnífar Frosta og Karls dugi í verkið, meira þarf
til. Ef fleiri flokksmenn fara að snúast gegn honum, að maður tali ekki
um varaformaðurinn, þá verður þetta mjög þungt fyrir Sigmund. Það
er ekki ólíklegt að mál þróist þannig að það megi segja að Sigmundur
sitji í skjóli Sigurðar Inga. En það ætti enginn að afskrifa Sigmund Dav-
íð. Hann hefur sýnt það áður að hann er afgerandi stjórnmálamaður
og er ýmislegt til lista lagt. Ef Sigmundur fylgir grunnreglum almanna-
tengslanna og opnar mál sitt upp á gátt, sýnir að ekkert óeðlilegt hafi
verið á ferð og allir skattar og gjöld hafi verið greidd er hægt að sjá fyr-
ir sér sviðsmynd þar sem Sigmundur nær aftur vopnum sínum í að-
draganda kosninga.
Erfitt að sætta sig
við samráðsleysi
Stefán Bogi Sveinsson, lögfræðingur og bæjarfulltrúi
Framsóknarflokksins á Fljótsdalshéraði
S
umt af því sem komið hefur fram undanfarnar vikur er storm-
ur í vatnsglasi, en öðru er erfitt að líta framhjá. Það að forsætis-
ráðherra skyldi ekki gefa upp hagsmuni eiginkonu sinnar sem
kröfuhafa í þrotabú bankanna var dómgreindarbrestur. Það
að skrá Wintris ekki í hagsmunaskráningu Alþingis 2009 voru einnig
alvarleg mistök. En erfiðast er að sætta sig við leikina sem Sigmund-
ur lék án samráðs við flokksfélaga sína, þá einkum þingflokkinn. Sá sem ekki treystir flokksfélögum sínum getur
ekki búist við því að njóta trausts þeirra á móti, og traust er einfaldlega lykilatriði í stjórnmálum.
Það má með réttu efast um að það auki trúverðugleika Framsóknarflokksins út á við að Sigmundur verði
áfram í forystusveit. En það skiptir jafnvel meira máli að atburðir síðustu vikna, bæði fram komnar upplýsingar
og viðbrögð við þeim, hafa skekið það traust sem nauðsynlegt er að almennir flokksmenn beri til formanns
flokksins. Slíkan skaða er ekki auðvelt að laga eftir á.
Þingmenn eiga
mikið undir
Stefanía Óskarsdóttir, dósent við stjórnmálafræðideild HÍ
Þ
að hvort Sigmundur
Davíð á afturkvæmt í
stjórnmálin ræðst fyrst
og fremst af afstöðu
áhrifafólks innan Framsóknar-
flokksins. Meti það stöðuna
svo að það skaði fylgi flokks-
ins að hann leiði Framsóknar-
flokkinn áfram mun verða
hart lagt að honum að segja
af sér sem formaður. Kjörn-
ir fulltrúar flokksins eiga til
dæmis mikið undir því að há-
marka fylgið því annars missa
einhverjir þeirra þingsætin. Takist Sigmundi og stuðningsmönnum
hans hins vegar að sannfæra framsóknarmenn um að of hart hafi ver-
ið gengið fram gegn honum og að hann hafi enn mikinn kjörþokka fær
hann annan séns. Hvort verður ofan á skýrist mjög fljótlega. En hætti
Sigmundur sem formaður Framsóknarflokksins hættir hann jafnframt
á þingi. Sjálfur virtist Sigmundur þess fullviss dagana eftir hinn fræga
Kastljósþátt að honum myndi takast að skýra mál sitt gagnvart kjós-
endum. Á kjörtímabilinu hefur honum þó ekki tekist sérlega vel að nýta
sér fjölmiðla til styrkja ímynd sína. Ýmsir hafa líka orðið afhuga honum
vegna þess að hann hefur átt það til að fríspila og hleypa málum í upp-
nám. Nægir til dæmis að nefna að hann ráðfærði sig ekki við þingflokk-
inn áður en hann hélt á fund forsetans til að óska eftir þingrofi.
Allt bendir til
óánægju innan
flokksins
Eva Heiða Önnudóttir, nýdoktor í stjórnmálafræði við HÍ
F
lokkurinn getur auðvitað
gert það sem hann vill en
spurningin er hvort flokk-
urinn muni ekki tapa á því
að fara inn í kosningar með Sig-
mund Davíð í formannssætinu.
Skoðanakönnun sem Félagsvís-
indastofnun gerði á dögunum
sýndi að um þriðjungur þeirra
sem hugðust kjósa Framsóknar-
flokkinn vildi að Sigmundur
segði af sér þingmennsku. Bara
það bendir til þess að það gæti
skaðað flokkinn hvað varðar
fylgi ef hann verður áfram for-
maður, og jafnvel ef hann verð-
ur áfram frambjóðandi til þings.
Við höfum séð flokksmenn
koma fram síðustu daga sem
hafa gagnrýnt Sigmund; Höskuld Þórhallsson og oddvita flokksins á
Norðurlandi, svo dæmi séu tekin. Það að þeir komi fram opinberlega
bendir eindregið til að það sé óánægja innan flokksins því sjaldnast tala
menn nú svona opinskátt gegn formanni.
Út frá pólitískri leikjafræði væri óráð á fara inn í kosningar með
Sigmund sem formann. En þetta er auðvitað allt miðað við stöðuna í
dag. Mögulega tekst Sigmundi að skýra mál sitt á næstu mánuðum og
hreinsa borðið. Það er ekki hægt að útiloka það.
M
y
n
d
R
EU
TE
R
S
/
Si
g
TR
y
g
g
U
R
a
R
i
LÍFRÆN EGG
nesbu.is
Í FYRSTA SINN Á ALMENNUM
NEYTENDAMARKAÐI
NESBÚ
EGG