Dagblaðið Vísir - DV - 14.10.2016, Qupperneq 4

Helgarblað 14.–17. október 20164 Fréttir
PLUSMINUS OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
PLUSMIN OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
20%
kynningar-
afsláttur
Sérhönnuð
skjávinnugler
s vernda augun
Geimvísinda-
tillaga samþykkt
Eitt af síðustu verkum þing­
manna áður en Alþingi var slitið
í gær, fimmtudag, var að sam­
þykkja þingsályktunartillögu Helga
Hrafns Gunnarssonar Pírata um
aðild Íslands að Geimvísindastofn­
un Evrópu. Tillagan vakti nokkra
kátínu þegar hún var lögð fram í
sumar enda nokkuð fjarlægt flest­
um Íslendingum að taka þátt í
geimferðum eða geimvísindastarfi.
Helgi Hrafn benti hins vegar á
að fjöldi verkefna í hugbúnaðar­
geiranum tengdist stofnuninni,
hún stæði fyrir jarðfræðiverkefn­
um og líklegt væri að aðild gæti
skapað fjölbreyttari atvinnutæki­
færi og möguleika á menntun.
Þá gæti aðild að stofnuninni auk­
ið áhuga barna og ungmenna á
raungreinum. Fór svo að þings­
ályktunartillagan var samþykkt
með öllum greiddum atkvæðum.
H&M opnar í
Kringlunni
Reitir fasteignafélag hf., eigandi
Kringlunnar, tilkynnti í dag að
viðræður við tískurisann H&M
væru á lokametrunum.
Greint er frá málinu í Við­
skiptablaðinu en þar kom fram
að ráðgert sé að H&M verði
opnað á síðari hluta næsta árs
í Kringlunni. Líkt og DV hef­
ur áður greint frá hefur þegar
verið tilkynnt um opnun H&M
í Smáralind og á Hafnartorgi.
Verslunar keðjan hefur notið mik­
illa vinsælda hjá Íslendingum
sem hingað til hafa þurft að sækja
verslanirnar heim í verslunar­
ferðum erlendis.
F
járfestingafélag í eigu Einars
Arnar Ólafssonar, fyrrverandi
forstjóra Skeljungs, hefur
eignast rúmlega 2% hlut í
Tryggingamiðstöðinni (TM)
og er komið í hóp stærstu hlut­
hafa tryggingafélagsins. Miðað
við gengi bréfa TM í lok viðskipta
í gær, fimmtudag, er markaðsvirði
eignarhlutarins um 365 milljónir
króna.
Í samtali við DV segir Einar Örn að
hann hafi byrjað að kaupa bréf í fé­
laginu fyrir nokkrum vikum. „Eftir að
hafa skoðað markaðinn leist mér best
á TM af tryggingafélögunum þremur
og ég hef trú á öflugum stjórnendum
fyrirtækisins.“ Aðspurður hvort hann
hyggist byggja upp stærri stöðu í TM
á næstunni, meðal annars í því skyni
að sækjast eftir sæti í stjórn félagsins á
aðalfundi á næsta ári, segir Einar Örn
of snemmt að segja fyrir um það, en
á þessari stundu séu engin slík áform
uppi. Fjárfesting Einars Arnar í TM er
gerð í gegnum félagið Einir ehf., sem
áður hét Einarsmelur, en 2,05% hlutur,
samkvæmt hluthafalista TM í lok síð­
ustu viku, gerir félagið að 14. stærsta
hluthafa tryggingafyrirtækisins.
Á sama tímabili og Einar Örn
var að kaupa upp bréf í TM stækk­
aði fjárfestingafélagið Helgafell ehf.,
sem er í jafnri eigu Bjargar Fenger,
Ara Fenger og Kristínar Fenger Ver­
mundsdóttur, hlut sinn í TM um ríf­
lega 1,3 prósentustig þegar félagið
keypti 9,8 milljón hluti í TM þann
30. september síðastliðinn. Helgafell
og F eignarhaldsfélag, sem eru í eigu
sömu aðila, eru í dag skráð fyrir sam­
tals 6,05% hlut í tryggingafélaginu.
Sá sem stýrir fjárfestingum félag­
anna er Jón Sigurðsson, fyrrverandi
forstjóri FL Group og eiginmaður
Bjargar, en hann hætti störfum hjá
fjármálafyrirtækinu GAMMA Capi­
tal Management fyrr á árinu. Jón var
meðal annars um tíma stjórnarfor­
maður TM en sagði sig úr stjórn fé­
lagsins árið 2010.
Fjórir stórir einkafjárfestar
Stærstu hluthafar TM eru Lífeyris­
sjóður verslunarmanna, Gildi
lífeyris sjóður og hlutabréfasjóður í
rekstri sjóðastýringarfyrirtækisins
Stefnis. Ríflega 6% hlutur Helgafells
og F eignarhaldsfélags þýðir að fé­
lögin eru stærsti einkafjárfestirinn
í hluthafahópi TM. Aðrir umsvifa­
miklir einkafjárfestar á meðal
eigenda tryggingafyrirtækisins eru,
fyrir utan fjárfestingafélag Einars
Arnar, félögin Riverside Capital
ehf., sem er í eigu Örvars Kærne­
sted fjárfestis, með 2,63% hlut og
Þrír GAP ehf., sem er í eigu Kjartans
Gunnarssonar, fyrrverandi fram­
kvæmdastjóra Sjálfstæðisflokksins,
með 2,15% hlut. Örvar er jafnframt
stjórnarformaður TM.
TM hefur skilað góðri rekstrar­
niðurstöðu síðustu misseri og hefur
fyrirtækið skorið sig úr í samanburði
við önnur tryggingafélög á markaði.
Hagnaður félagsins meira en tvö­
faldaðist á fyrri árshelmingi og nam
1.174 milljónum króna á meðan af­
koma hinna tryggingafélaganna –
VÍS og Sjóvár – versnaði á milli ára.
Þannig voru bæði tekjur TM af fjár­
festingar­ og vátryggingarstarfsemi
betri á tímabilinu en áætlanir höfðu
gert ráð fyrir. Gengi bréfa í félaginu
hefur hækkað um 5,7% frá ársbyrjun
en á sama tíma hefur úrvalsvísitala
Kauphallarinnar lækkað um 7,4%.
Hagnaðist á sölu Skeljungs
Einar Örn var ráðinn forstjóri Skelj­
ungs vorið 2009 en hætti þar störf­
um fimm árum síðar þegar fyrirtæk­
ið var selt til framtakssjóðs í rekstri
Stefnis fyrir samtals átta milljarða.
Við söluna á Skeljungi og færeyska
olíufélaginu P/F Magn, dótturfélagi
Skeljungs, innleysti Einar Örn um
830 milljóna króna hagnað en fé­
lag hans hafði átt 22% hlut í Heddu
eignarhaldsfélagi. Það félag átti 66%
hlut í P/F Magn og fjórðungshlut í
Skeljungi. Fjárfestingafélag Einars
Arnar, Einir ehf., á jafnframt enn í
dag 0,6% í Skeljungi.
Eftir að Einar Örn lét af störfum
sem forstjóri Skeljungs hefur hann
komið að ýmsum fjárfestingum,
meðal annars í gegnum félagið Fiski­
sund ehf. sem er í jafnri eigu hans,
Höllu Sigrúnar Hjartardóttur, fyrr­
verandi stjórnarformanns FME, og
Kára Þórs Guðjónssonar fjárfestis.
Þau tvö síðastnefndu áttu sömuleiðis
22% hlut í Heddu eignarhalds félagi.
Fiskisund kom að kaupum á Fjarða­
lax í árslok 2013 og í kjölfarið gerðist
Einar Örn framkvæmdastjóri félags­
ins. Fyrr á þessu ári var síðan tilkynnt
um sameiningu félaganna Arnar­
lax og Fjarðalax undir nafni Arnar­
lax en samhliða því bættist Salmar,
eitt stærsta laxeldisfyrirtæki í heimi,
í hluthafahópinn ásamt nýjum ís­
lenskum fjárfestum. Fiskisund á
núna um 15% hlut í sameinuðu fé­
lagi og situr Einar Örn í stjórn þess.
Á síðasta ári skilaði fjárfestinga­
félagið Einir 92 milljónum króna
í hagnað. Félagið er nánast skuld­
laust og var eigið fé þess um 1.079
milljónir króna í árslok 2015. n
Hörður Ægisson
hordur@dv.is
TM Hlutur Einars
Arnar í tryggingafé-
laginu er metinn á
365 milljónir. Fyrrverandi
forstjóri Skeljungs
í hópi stærstu
hluthafa TM
n Einar Örn Ólafsson eignast rúmlega 2% hlut
í tryggingafélaginun Er 14. stærsti hluthafinn
K
ona sem sýknuð var af kyn­
ferðisbroti gegn annarri konu
mun þurfa að mæta aftur fyr­
ir dóm en Hæstiréttur hefur
ómerkt úrskurð Héraðsdóms Suður­
lands í málinu.
Var umræddri konu gefið að sök
að hafa haft munnmök við aðra
konu í ágúst 2014 en sú hafi ekki get­
að spornað við verknaðinum sökum
ölvunar og svefndrunga. Fram kom
fyrir dómi að konurnar tvær höfðu
áður átt í kynferðislegu sambandi um
nokkurra mánaða skeið.
Framburður brotaþolans var
talinn trúverðugur fyrir héraðsdómi
og þá þótti framburður vina hennar
styðja hennar mál, auk vitnisburðar
sálfræðings. Á meðan þótti framburð­
ur hinnar ákærðu ekki í samræmi við
framburð hennar hjá lögreglu.
Talið var sannað að hún hefði haft
munnmök við brotaþolann en hún
var þó sýknuð á þeim grunni að hana
hefði skort ásetning til að fremja kyn­
ferðisbrot, meðal annars vegna fyrri
samskipta þeirra tveggja.
Fram kemur í úrskurði Hæsta­
réttar að verulegir annmarkar séu
á meðferð málsins fyrir héraði. Til
að mynda hafi ekki verið stuðst við
ákveðin málsgögn, á borð við rafræn
samskipti brotaþola og ákærðu, og
matsgerð geðlæknis sem tók viðtal
við ákærðu. Hefur málinu því verið
vísað heim í hérað. n
Kona hafði munnmök við svefndrukkna konu
Kynferðisbrot aftur í hérað