Dagblaðið Vísir - DV - 11.11.2016, Blaðsíða 54

Helgarblað 11.–14. nóvember 201638 Fólk
B
ræðurnir Jóhann Fjalar og
Nökkvi Fjalar sitja aldrei
auðum höndum og hafa
brasað ýmislegt, bæði
saman og hvor í sínu lagi á
undanförnum árum. Jóhann starfar
sem flugfjarskiptamaður hjá Isavia
en Nökkvi sér um sjónvarpsþáttinn
Áttuna. Bræðurnir eru orkumiklir og
glaðir og hafa mjög gaman af nýjum
áskorunum. Létu þeir því ekki sitt
eftir liggja þegar vinir þeirra, Haf-
steinn Vilhelmsson og Gyða Krist-
jánsdóttir, eignuðust dóttur sína,
Elísu Margréti Hafsteinsdóttur árið
2012. Nú hafa þeir sent frá sér bók
um hana.
Elísa Margrét fæddist með heila-
sjúkdóm sem heitir Lissencephaly
og olli því að hún var fjölfötluð,
bundin við hjólastól og lærði ekki að
tala á sinni stuttu ævi en Elísa Mar-
grét lést vegna sjúkdómsins fyrr á
þessu ári.
Hreyfði við öllum
„Elísa Margrét hreyfði við öllum
sem kynntust henni og vorum við
bræður svo heppnir að tilheyra
þeim hópi. Eins og segir í bókinni
þá var Elísa Margrét fordómalaus
stelpa sem kenndi okkur svo margt.
Okkar von er að sá boðskapur skili
sér til lesenda í gegnum bókina þ.e.
að sumir eru frá öðru landi, búa við
mismunandi fjölskyldumunstur eða
eru með einhvers konar fötlun. Við
viljum vekja krakka til umhugsunar
um að allir eru öðruvísi og það er frá-
bært og getur verið heilmikill styrk-
ur,“ segir Jóhann Fjalar sem er með
fyrstu eintök bókarinnar í skottinu
á bílnum sínum á meðan hann ræð-
ir við blaðamann. Stoltið leynir sér
ekki enda verkefnið tilfinninga-
þrungið og búið að vera í vinnslu um
nokkra stund.
„Þessi bók varð til eftir að við
héldum styrktartónleika í fyrra til
styrktar fjölskyldu Elísu Margrétar.
Tónleikarnir gengu vel og við, vin-
ir Elísu Margrétar, sáum hvað það
er í rauninni hægt að gera mikið
til þess að hjálpa til við svona að-
stæður. Í kjölfarið kom upp um-
ræða um hvernig mætti styðja bet-
ur við Barnaspítalann sem var annað
heimili Elísu Margrétar á meðan hún
lifði. Þá datt okkur bræðrum í hug að
skrifa barnabók þar sem Elísa væri
aðalpersónan og allur ágóði bókar-
innar myndi renna til Barnaspítal-
ans. Við fengum Ingunni Kristjáns-
dóttur, móðursystur Elísu Margrétar,
til liðs við okkur en hún teiknaði allar
myndirnar í bókina.“
Reynsla og þekking úr
mismunandi áttum
Bókin var á lokametrunum þegar
Elísa Margrét kvaddi þennan heim í
apríl síðastliðinn. Var bókin þá sett á
bið um stund en hafist handa að nýju
í sumar að ósk foreldra hennar sem
vildu nota þessa leið til þess að halda
minningu stelpunnar sinnar á lofti.
„Við reyndum eftir bestu getu að
endurspegla karakter og sérstöðu
Elísu Margrétar sjálfrar í bókinni.
Hún er í hjólastól á öllum myndun-
um og hún segir aldrei neitt heldur
koma aðeins hugsanir hennar fram í
textanum því Elísa Margrét gat ekki
talað í eigin lífi. En hún hafði tilfinn-
ingar og gat gert sig skiljanlega með
öðrum hætti. Í bókinni kemur það
einmitt fram, t.d. að hún veit að það
er ljótt að skilja út undan og stríða.“
Bræðurnir segja að samstarf
þeirra við gerð bókarinnar hafi geng-
ið afar vel en þeir hafi verið að renna
blint í sjóinn enda hvorugur komið
nálægt bókarskrifum áður. Þeir segja
samt að ólík reynsla þeirra hafi kom-
ið að góðum notum, t.d. vann Jó-
hann lengi með börnum og ung-
lingum og Nökkvi hefur töluverða
reynslu af fjölmiðlum.
„Við sátum saman þegar við skrif-
uðum bókina, köstuðum á milli
okkar hugmyndum og hnoðuðum
saman textann í bókinni. Við nýttum
reynslu og þekkingu úr mismunandi
áttum og reyndum svo að byggja
þetta sem mest á Elísu Margréti
sjálfri. Við erum mjög ánægðir með
árangurinn og aldrei að vita nema
við höldum samstarfinu áfram.
Hvort sem það verður í formi fleiri
bóka um Elísu Margréti eða með
öðrum hætti, það kemur bara í ljós.“
Það er augljóst að þeir bræð-
ur eru með fleiri verkefni í pípun-
um. Útgáfuhóf vegna bókarinnar,
Vinir Elísu Margrétar, verður haldið
í Hagkaupum í Kringlunni sunnu-
daginn 13. nóvember klukkan 15.00
og hvetur Jóhann sem flesta til þess
að mæta. n
Tilboð þér að kostnaðarlausu
Uppl. í síma: 820 8888 eða markmid@markmid-ehf.is
ALHLIÐA
FASTEIGNAVIÐHALD
Smíðavinna · Pípulagnir · Raflagnir
Málningavinna · Múrvinna · Flísalagnir
Hellulagnir · Jarðvinna · Lóðavinna
Fordómalaus stelpa
„Öðruvísi er frábært og getur verið mikill styrkleiki“
„Við reyndum eftir
bestu getu að
endurspegla karakter og
sérstöðu Elísu Margrétar
sjálfrar í bókinni.
Út fyrir
kassann
Kristín Tómasdóttir
skrifar
Vinir Jóhann Fjalar og Elísa
Margrét á góðri stundu.
Jóhann Fjalar „Við viljum vekja
krakka til umhugsunar um að allir
eru öðruvísi.“ Mynd SigTRygguR ARi