Dagblaðið Vísir - DV - 11.04.2017, Page 2

2 Páskablað 11. apríl 2017fréttir
Engar upplýsingar um
notkun ráðherrabústaðarins
n Forsætisráðherra hefur Þingvallabæinn til einkaafnota n Kostnaður á bilinu 3,3 til 4 milljónir árlega
E
ngar upplýsingar eru til-
tækar um notkun á ráð-
herrabústaðnum á Þing-
völlum, hvorki hvað varðar
einkaafnot forsætisráðherra
af bústaðnum né opinber afnot.
Rekstrar kostnaður vegna bústaðar-
ins síðustu fimm ár hefur verið á bil-
inu 3,3–4 milljónir króna.
Forsætisráðherra hefur til ára-
tuga haft ráðherrabústað á Þing-
völlum til einkanota og til opinberra
nota. Strax á fjórða áratugnum fór
það að tíðkast að ráðherrar dveldu
í bústaðnum. Sem fyrr segir fást
engar upplýsingar úr forsætisráðu-
neytinu um notkun á bústaðnum. Í
svari ráðuneytisins kemur fram að
„forsætisráðherra hefur ráðherra-
bústaðinn á Þingvöllum til frjálsra
afnota allt árið. Ekki er haldin skrá
yfir notkun á bústaðnum eða tilefni
notkunar.“
Notkun líklega takmörkuð
Sé litið á rekstrarkostnað vegna ráð-
herrabústaðarins síðustu fimm ár er
margt sem bendir til að hann hafi ver-
ið í takmarkaðri notkun. Þannig var
bókfærður kostnaður vegna hrein-
lætis- og ræstingavara um fimmtán
þúsund krónur árin 2012 og 2013 og
um fimm þúsund árin 2014 og 2015.
Enginn kostnaður við þann lið er bók-
færður árið 2016. Kostnaður vegna
ræstinga er tiltekinn árið 2013 rúmar
átta þúsund krónur og árið 2015 rúm-
ar sjö þúsund krónur. Kostnaður við
þann lið er ekki bókfærður árin 2012,
2014 og 2016.
Stærstu kostnaðarliðir eru laun
og launatengd gjöld sem eru á bil-
inu 1,5 til 1,8 milljónir króna rúmar,
lítið eitt mismunandi eftir árum. Þá
er rafmagnskostnaður á bilinu 1,2 til
1,5 milljónir króna. Annar kostnaður
er í flestum tilfellum talinn í þús-
undum eða tugum þúsunda króna.
Snjómokstur og gas
Athygli vekur að árið 2013 er til-
greindur kostnaður upp á 85 þús-
und krónur við liðinn eldhúsáhöld
og rúmar átta þúsund krónur við
liðinn gas og súr. Ekki er ólíklegt
að það ár hafi verið keypt gasgrill í
ráðherrabústaðinn og nýr gaskútur.
Önnur ár er enginn kostnaður til-
tekinn við þá liði. Þá hefur einhvern
tíma verið farið í bústaðinn veturinn
2013 því það ár er tilgreindur kostn-
aður við snjómokstur, tæpar 26 þús-
und krónur. Önnur ár fellur enginn
slíkur kostnaður til.
Telur bústaðinn mikilvægan
Sigurður Ingi Jóhannsson, fyrrver-
andi forsætisráðherra, segir í sam-
tali við DV að hann hafi sjálfur notað
ráðherrabústaðinni í tví- eða þrígang
í einkaerindum. „Ég man eftir því að
í minni forsætisráðherratíð kom til
greina að nota ráðherrabústaðinn til
opinberrar móttöku í fjórum tilvik-
um. Það var þegar Ban Ki-moon, að-
alritari Sameinuðu þjóðanna, kom
í opinbera heimsókn, þegar Nicola
Sturgeon, fyrsti ráðherra Skotalands,
kom til landsins, þegar forsætisráð-
herra Svartfjallalands kom hingað og
þegar utanríkisráðherrar Eystrasalts-
landanna komu til landsins. Ráð-
herrabústaðurinn á Þingvöllum var
valkostur í dagskránni í öllum þess-
um heimsóknum en var ekki not-
aður. Í þremur heimsóknanna gafst
ekki tími og í tilfelli Ban Ki-moon
hafði hann komið á Þingvelli þegar
hann kom hingað til lands áður. Þar
af leiðandi skipulögðum við öðruvísi
ferð fyrir hann.“
Sigurður Ingi segir að honum
þyki mikilvægt að hafa bústaðinn
sem valkost í opinberum heimsókn-
um. „Það er mjög gaman að geta far-
ið með þjóðhöfðingja og aðra sem
hingað koma á Þingvelli, sýna þeim
þjóðgarðinn og vöggu lýðræðis á Ís-
landi og geta haft móttöku í bústaðn-
um í slíkum ferðum. Mín skoðun er
að bústaðurinn sé mjög mikilvægur
í þessu tilliti.“ n
Freyr Rögnvaldsson
freyr@dv.is
Notaði bústaðinn í tví- eða þrígang Sigurður Ingi Johannsson segir að hann hafi not-
að bústaðinn í tví- eða þrígang þegar hann var forsætisráðherra. Hann hafi nokkrum sinnum
verið hugsaður til opinberrar móttöku en ekki hafi orðið af því. MyNd SigTRygguR ARi
Bústaður forsætisráðherra Forsætisráðherra hefur Þingvallabæinn til einkaafnota og til opinberra nota allt árið um kring. MyNd ÓMAR VilhelMSSoN„Ég man eftir því að
í minni forsætis-
ráðherratíð kom til greina
að nota ráðherrabústað-
inn til opinberrar móttöku
í fjórum tilvikum.