Dagblaðið Vísir - DV - 02.06.2017, Side 16

16 Helgarblað 2. júní 2017fréttir - erlent
Alhliða veisluþjónusta
Kökulist | Firðinum í miðbæ Hafnarfjarðar | Sími: 555 6655 og 662 5552 | kokulist@kokulist.is
Valgeirsbakarí | Hólagötu 17 | Reykjanesbæ | Sími: 421 2630 | kokulist@kokulist.is
Eingöngu fyrsta flokks hráefni
Tertur – Tapas snittur – Spjót – Súrdeigsbrauð
Konfekt – Kransakökur – Súpur – Brauðréttir
Gerðu daginn eftirminnilegan
l li veisl j st
Kökulist | Firðinum í miðbæ Hafnarfjarðar | Sími: 555 6655 og 662 5552 | kokulist@kokulist.is
Eingöngu fyrsta flokks hráefni
Tertur – Tapas snittur – Spjót – Súrdeigsbrauð
Konfekt – Kransakökur – Súpur – Brauðréttir
i fti i il
Útskrift · Brúðkaup · Skírn · Ferming Útskrift · Brúðkaup · Skírn · Ferming
n Sekta foreldra sem bólusetja ekki börn sín n Leikskólar tilkynni forráðamenn til yfirvalda
Þ
ýsk stjórnvöld hafa skorið
upp herör gegn foreldrum
sem velja að bólusetja ekki
börn sín í ljósi mislinga-
faraldurs í landinu sem
þegar hefur kostað nokkur manns-
líf. Heilbrigðisráðherra Þýskalands
boðar herta löggjöf sem tekur gildi
strax í næsta mánuði þar sem and-
stæðingar bólusetningar geta átt yfir
höfði sér þungar sektir.
„Það getur enginn með réttu ráði
hunsað lengur endurtekin dauðsföll
af völdum mislinga,“ sagði Hermann
Gröhe, heilbrigðisráðherra Þýska-
lands, í samtali við dagblaðið Bild á
dögunum.
Í burðarliðnum er lagafrumvarp
sem herðir verulega á löggjöf varð-
andi bólusetningar og ber með sér
að hægt verði að sekta foreldra og
forráðamenn barna um allt að 2.500
evrur, eða sem nemur 280 þús-
und krónum, neiti þeir að bólusetja
börnin sín.
Eftirlitshlutverk leikskóla
Leikskólar munu leika lykilhlut-
verk í eftirfylgni með hinni hertu
löggjöf þar sem stjórnvöld vilja að
skólar tilkynni um alla foreldra eða
forráðamenn sem ekki geta fram-
vísað læknisvottorði fyrir bólusetn-
ingu barna sinna. Geri þeir það ekki
getur það þýtt að barninu verði vikið
úr skóla samkvæmt hinum endur-
skoðuðu lögum sem búist er við að
taki gildi, sem fyrr segir, strax í næsta
mánuði.
Þriggja barna móðir í Essen í
Þýskalandi lést eftir að hafa smitast
af mislingum í síðustu viku og var
það eitt af nokkrum dauðsföllum á
undanförnum misserum sem tengja
má við einn af þeim mörgu sjúk-
dómum sem bólusett er fyrir.
Sláandi tölfræði
Tölfræðin í Þýskalandi er nokkuð
sláandi og gefur ráðamönnum tilefni
til að tala um faraldur. Um miðjan
apríl síðastliðinn voru 410 staðfest
mislingasmit í landinu, samanborið
við 325 allt árið í fyrra samkvæmt töl-
fræði Robert Koch Institute í Þýska-
landi. Stofnunin leggur sömuleiðis
til að auk barna ættu allir fullorðnir
Þjóðverjar og íbúar Þýskalands sem
fæddir eru eftir 1970 að láta bólu-
setja sig fyrir mislingum. Jafnvel þótt
þeir hafi verið bólusettir sem börn,
þá þurfi að endurnýja.
Herör gegn kreddum á Ítalíu
Mislingar hafa valdið usla víðar og
á Ítalíu hafa þrisvar sinnum fleiri
mislingatilfelli verið staðfest það
sem af er þessu ári en allt árið í
fyrra. Ríkisstjórnin greip til þeirra
aðgerða að skylda foreldra og for-
ráðamenn barna til að bólusetja
börnin sín fyrir tólf algengum sjúk-
dómum, áður en börnin fengju inn-
göngu í ríkisskóla á Ítalíu. Á Ítalíu
hafa ráðamenn og sérfræðingar
þurft að skera upp herör gegn því
sem kallað hefur verið „andvísinda-
legar kenningar“ um afleiðingar
bólusetninga, sem reglulega láta
á sér kræla. Þessar kenningar hafa
náð til fólks með þeim afleiðingum
að bólusetningartíðni á Ítalíu hefur
fallið langt undir þau viðmið sem
talin eru örugg til að koma í veg fyrir
faraldur hinna ýmsu smitsjúkdóma.
Þessar andvísindalegu kenningar
eru sem fyrr hinar margafsönnuðu
fullyrðingar um að bólusetningarlyf
tengist með einhverjum hætti ein-
hverfu í börnum.
Mislingasmit á Íslandi
Hér á Íslandi greindi Landlæknir frá
því í mars síðastliðnum að tvö tilfelli
af mislingasmiti hefðu greinst í 10
mánaða gömlum tvíburasystkinum.
Börnin höfðu dvalist með fjölskyldu
sinni á Taílandi en komið aftur til
landsins 2. mars síðastliðinn. Þann
21. mars greindi sóttvarnarlæknir
frá smiti fyrra barnsins en tíu
dögum síðar var staðfest að systk-
in þess hefði einnig smitast. Fram
kom í tilkynningu frá sóttvarnar-
lækni að þetta væri í fyrsta skipti í
um aldarfjórðung sem mislingasmit
kæmi upp á Íslandi. Hafa ber í huga
að börnin í þessu tilfelli höfðu ekki
verið bólusett sökum ungs aldurs. n
Bólusetningar-
stríð Þjóðverja
Sigurður Mikael Jónsson
mikael@dv.is
Áhyggjufull Angela Merkel, kanslari Þýskalands, ræðir hér við heilbrigðisráðherrann Her-
mann Gröhe. Þjóðverjar ætla að grípa til aðgerða til að sporna við mislingafaraldrinum. Mynd EPA
„Það getur enginn
með réttu ráði
hunsað lengur endur­
tekin dauðsföll af völdum
mislinga.
Bólusetjið
börnin
Skilaboð þýskra
stjórnvalda eru
skýr; bólusetjið
börnin ykkar
eða takið af-
leiðingunum.
Mynd 123rf.coM