Dagblaðið Vísir - DV - 09.06.2017, Blaðsíða 8

8 Helgarblað 9. júní 2017fréttir
Eldbakaðar pizzur
hafnargata 36a, kEflavík / nálægt flugstöðinni
salur
fyrir
hópa
sími 557 1007
hamborgarar,
salöt, pasta,
kjúklingavængir
og flEira
Nefndin tók til starfa þann 19. desember
og fundaði sex sinnum fram að ára-
mótum. Eftir áramót var stokkað upp í
nefndinni sem fundaði fjörtíu sinnum til
viðbótar fram að þinglokum.
Þórunn Egilsdóttir var formaður
nefndarinnar á sex fundum fyrir áramót
og mætti 100 prósent. Eftir áramót
tók Áslaug Arna Sigurbjörnsdóttir við
keflinu sem formaður nefndarinnar. Hún
mætti á 36 fundi af 40, alls 90 prósenta
mæting. Í þau skipti sem hún forfallað-
ist þá var kallaður til varamaður.
Sá samviskusami: Pawel Bartozek -
Viðreisnarþingmaðurinn mætti í 37 skipti
af 40 sem er 93 prósenta mæting. Ef
hann forfallaðist þá var undantekningar-
laust varamaður kallaður til.
Skussinn: Vilhjálmur Árnason - Sjálf-
stæðismaðurinn var 2. varaformaður
nefndarinnar allt þingtímabilið og því
kemur slök mæting hans á óvart. Hann
mætti á 33 fundi af 46 sem gerir aðeins
um 72 prósenta mætingu. Sjö sinnum
var varamaður kallaður til, Vilhjálmur
skrópaði sex sinnum.
Atvinnuveganefnd
Nefndin tók til starfa þann 26. janúar
og var formennskan í höndum Páls
Magnússonar, þingmanns Sjálfstæðis-
flokksins. Páll var með slæma mætingu
í fjárlaganefnd en tók hlutverk sitt í
atvinnuveganefnd fastari tökum. Alls
fundaði nefndin 29 sinnum en Páll
mætti 27 sinnum eða í 93 prósentum
tilvika. Í eitt skipti af þessum tveimur
láðist að kalla til varamann.
Sá samviskusami: Ásmundur Frið-
riksson - þingmaður Sjálfstæðisflokks-
ins gegndi hlutverki 1. varaformanns
og sinnti því af samviskusemi. Hann
mætti á 28 af 29 fundum. Í eina skiptið
sem hann forfallaðist var kallaður til
varamaður.
Skussinn: Sigurður Ingi Jóhannsson
- leiðtogi Framsóknarmanna mætti
aðeins á 17 fundi af 29. Það er mæting
upp á 59 prósent. Fimm sinnum var
kallaður til varamaður en í sjö skipti var
sæti Sigurðar Inga autt.
Nefndin hóf störf þann 25. janúar
síðastliðinn og fundaði 32 sinnum alls
á tímabilinu. Formaður nefndarinnar
var Valgerður Gunnarsdóttir, þingkona
Sjálfstæðisflokksins, sem státaði af
óaðfinnanlegri mætingu.
Sú samviskusama: Formaðurinn á
þennan titil skuldlaust. Að auki má taka
fram að Pawel Bartoszek, þingmaður Við-
reisnar, og Einar Brynjólfsson, þingmaður
Pírata, mættu í 31 skipti af 32.
Skussinn: Bryndís Haraldsdóttir, þing-
maður Sjálfstæðisflokksins og 2. varafor-
maður nefndarinnar var með lélegustu
mætinguna eða 81 prósent; 26 skipti af
32. Í sex skipti var hún stödd erlendis að
sinna öðrum þingstörfum en enginn vara-
maður var kallaður til. Ásmundur Friðriks-
son, þingmaður Sjálfstæðisflokksins, var
með flestar óútskýrðu fjarvistirnar eða
þrjár talsins. Mæting hans var hinsvegar
91 prósent.
„Þetta er
starfið okkar“
„Þetta eru ánægjulegar fréttir
enda hafði ég ekki yfirsýn
yfir allar mætingar. En þetta
er starfið okkar. Þingflokks-
formaðurinn okkar, Svandís
Svavarsdóttir, skipuleggur
okkar starf vel og við leggjum
áherslu á að mæta á fundi
fastanefnda og kalla til vara-
menn ef einhverjir árekstrar
eru. Þetta er mikilvægur
hluti af starfi þingmanns
því í nefndunum mótast
undirstaða þeirrar afstöðu
sem við tökum í þingsal,“ segir
Katrín Jakobsdóttir, formaður
Vinstri grænna. Þingflokkur
VG bar af varðandi mætingu í
fastanefndir Alþingis, með 98
prósenta mætingu.
Að hennar sögn þarf þó að
taka tillit til smærri þingflokka
því um gríðarlega fundarsetu
er að ræða og erfitt fyrir
fámennan hóp að vera með
fulltrúa á öllum vígstöðvum.
Sigmundur Davíð Gunnlaugsson Lét aðeins sjá sig á átta fundum af 24 hjá utanríkismálanefnd. MynD SiGtryGGur Ari
Allsherjar- og menntamálanefnd
Umhverfis- og samgöngunefnd