Dagblaðið Vísir - DV - 09.06.2017, Blaðsíða 34

Fæddur og uppalinn?
Ég er Reykjavíkurdrengur – ólst aðal-
lega upp í Seljahverfinu þannig að ég
er fyrrverandi villingur sem hékk út í
sjoppu og hrækti á gangstéttina.
Mér Finnst gaMan að …
búa til grín og fíflast. Hláturinn lengir
lífið, nema að þú deyir úr hlátri það er
að segja.
síðasta kvöldMáltíðin?
Pítsa með ananas. Bara til að pirra
alla.
Brenndur eða graFinn?
Henda mér í ofninn eins og Dom-
ino's-pítsu og ég vil að það verði sent
SMS á alla ættingja mína: „Þórhallur
er kominn í ofninn, þið getið sótt
hann eftir 15 mínútur.“
Hvað gerirðu Milli kl. 17–
19? Þá kem ég heim beint eftir vinnu
og fer út með hundana mína áður en
ég sofna og hrýt uppi í sófa eða bara
fer beint í að hrjóta uppi í sófa.
saMFélagsMiðlar eða
dagBlöðin? Samfélagsmiðlar,
þoli ekki svona pappírsrusl.
Hvað ertu Með í vinstri
vasanuM? Ekki nokkurn skap-
aðan hlut.
Bjór eða Hvítvín? Bjór allan
daginn.
Hver stjórnar Fjarstýr­
ingunni á þínu HeiMili?
Hundarnir, þeir hafa allavega nagað
tvær í gegn.
Hvernig var Fyrsti koss­
inn? Fyrsti rómantíski kossinn eða
bara fyrsti koss lífs míns frá mömmu
sín? Báðir frekar vandræðalegir þar
sem fæðingarlæknirinn var að fylgjast
með.
Hver væri titill ævisögu
þinnar? Kærulausi kvíðasjúk-
lingurinn.
Hver er drauMaBíllinn?
Það væri svona blár bíll með allavega
fjórum dekkjum (veit ekkert um bíla).
Fyrsta starFið? Fyrir utan
unglingavinnuna þar sem ég hraut
í görðum hjá ókunnugu fólki þá var
það málningarvinna eitt sumar þegar
ég var sextán. Ég fékk aldrei útborgað
og útskýringin sem yfirmaðurinn gaf
stéttarfélaginu mínu var að hann væri
með vírus í hausnum og gæti því ekki
borgað laun.
Fallegasti staður á
landinu? Einhvers staðar á Vest-
fjörðum. Fallegasta landslagið.
Hvaða oFurkraFt værir
þú til í að vera Með? Væri
til í að vera ofurhetja sem kallast
„Ofurdúllan“ og ég myndi berjast
við vondu kallana með því að kasta
krúttsprengjum á þá.
gist í FangakleFa? Nei, ekki
verið svo heppinn.
sturta eða Bað? Sturtubað. Þá
liggur maður í baðkeri og skrúfar frá
sturtunni. Það er „gebbað“.
HúðFlúr eða ekki? Já, tvö
stykki í heild hvort á sínum upphand-
leggnum.
Hvaða leynda HæFileika
HeFur þú? Get blásið lofti út um
augum, látið augun hristast, hermt
eftir fílum og dansað cha cha cha.
Hvað Fékk þig til að tárast
síðast? Marley and Me, gjörsamlega
hágrenjaði með hristandi höku og læti.
Annars er ég farinn að grenja yfir öllu í
dag. Held að það komi með aldrinum.
Ég má ekki sjá auglýsingu um fólk sem
þarf að vakna á nóttunni til að pissa án
þess að tárast og hugsa „Þetta fólk fær
aldrei nægan svefn“.
FyrirMynd í líFinu? Ég myndi
segja foreldrar mínir. Ég hef lært að
koma vel fram við náungann og að
maður fær ekki hlutina upp í hendurn-
ar. Þú þarft að skapa þér þín tækifæri
sjálfur.
Hvaða sögu segja For­
eldrar þínir endurtekið
aF þér? Ég hef oft fengið að heyra
söguna af því þegar ég var bara ponsu
kríli og við fjölskyldan vorum stödd í
Munaðarnesinu í sumarbústað og ég
fór eitthvað að klifra upp á borð og
Halli frændi skammaði mig eitthvað
svona létt. „Þú mátt ekki vera upp á
borðinu, Þórhallur minn“ og ég sneri
mér víst við og stappaði löppum og
steytti hnefann að Halla frænda og
sagði „Þú ræður ekkert yfir mér, ég
má gera það sem ég vil fyrst að
pabbi er ekki búinn að skamma
mig.“ Þá litu allir orðlausir á
þennan litla Hitler og sprungu
svo bara út hlátri. Og svo
fæ ég reyndar oft að heyra
þegar ég reyndi að segja
„Hemmi frændi“ þá
sagði ég alltaf „Hemmi
fjandi“. Og eftir það
hét Hemmi, bróðir
hans pabba, alltaf
Hemmi fjandi hjá
okkur.
ertu Með
einHverja
FóBíu? Veit ekki
hvort það er fóbía eða
ekki en ég þoli ekki hljóðið
sem kemur þegar verið er að
þrífa potta eða pönnur. Fæ
alveg hrikalega mikinn hroll.
Og get ekki snert bómull, alltof
þurr eitthvað. Fæ meira að segja
bara hroll núna við að segja þetta.
Hver er Besta ákvörðun
seM þú HeFur tekið? Að fara
upp á svið í fyrsta sinn og vera með
uppistand. Var skíthræddur og hafði
enga trú á mér. En ég uppskar hlátur
og þá var ekki aftur snúið.
Furðulegasti Matur seM
þú HeFur Borðað? Ætli það
séu ekki froskalappir og sniglar.
Hvað er neyðarlegasta
atvik seM þú HeFur lent í?
Hef lent í svo mörgu neyðarlegu að ég
er hættur að taka eftir því. Núna verð
ég bara spenntur og hugsa „Hei, ég get
notað þetta í uppistand“.
klukkan Hvað Ferðu á
Fætur? Yfirleitt um 10, á morgnana
sko.
leigirðu eða áttu? Leigi.
Hvaða Bók er á nátt­
Borðinu? Það er að sjálfsögðu
sjálfsævisaga föður míns „Laddi –
Þróunarsaga mannsins sem kom okkur
til að hlæja.“ Mæli með henni (plögg
plögg).
Með HverjuM, líFs eða
liðnuM, Myndir þú vilja
verja einni kvöldstund?
Úff, það er afar erfitt að velja. Það
yrði einhver grínsnillingur. Charlie
Chaplin … ég vel Charlie Chaplin.
Hver er Fyrsta endur­
Minning þín? Þegar ég slas-
aði mig þegar ég var 2–3 ára gamall
og var næstum búinn að missa
miðfingur hægri handar. Það hefði
verið skrýtið líf að vera án „fokkjú“-
puttans.
líFsMottó?
Þetta redd-
ast.
uppáHaldsútvarps­
Maður/­stöð? Ég hlusta eigin-
lega bara ekkert á útvarp. Í denn var
það samt Tvíhöfði og Ding Dong. Svo
hlustaði maður á Radíusbræður seinna
þegar það var komið á netið.
uppáHaldsMatur/­drykk­
ur? Ég er algjör pítsu/hamborgara/
kók-kall. En ég elska líka gott nauta-
kjöt og rauðvínsglas með.
uppáHaldstónlistarMað­
ur/­HljóMsveit ? Þetta er held
ég erfiðasta spurning
allra tíma. Ég
fæ bara
valkvíða og er byrjaður að hnipra mig
saman og tala tungum.
uppáHaldskvikMynd/­
sjónvarpsþættir? Aftur er
valkvíðinn kominn á fulla ferð og ég er
byrjaður að froðufella.
uppáHaldsBók? „Laddi – Þró-
unarsaga mannsins sem kom okkur
til að hlæja.“ Mæli með henni (plögg
plögg).
uppáHaldsstjórnMála­
Maður? Að spyrja um uppáhalds-
stjórnmálamann er eins og að spyrja
um uppáhaldskynsjúkdóm. Sem
er klamedía að sjálfsögðu.
SíðaSta kvöldmáltíðin;
pítSa með ananaS
Uppistandarann og sprelligosann þórhall þórhallsson þekkja margir grínunnendur. Hann var valinn fyndnasti maður Íslands árið 2007 og
hefur síðan þá starfað sem uppistandari, ásamt því að hafa verið með morgunþáttinn Magasín á FM957 og leikið í nokkrum sjónvarpsþáttum og
kvikmyndum. Þórhallur heldur úti vefsíðunni vitleysa.is ásamt félögum sínum og er duglegur að setja inn grín á samfélagsmiðla. Þórhall má finna á
Facebook undir Þórhallur - uppistandari og á Snapchat toto1983. Þórhallur svarar spurningum vikunnar.