Dagblaðið Vísir - DV - 13.10.2017, Blaðsíða 49

fólk 25Helgarblað 13. október 2017
þetta var bara þrælfínt svo ég skipti
ekkert og kláraði námið.“
Byrjaði að þjálfa af
því hann var svo lítill
Heimir æfði fótbolta upp alla yngri
flokka en hætti þegar hann var kom-
inn í 2. flokk. „Ég hætti að æfa 17
ára gamall og æfði ekki í tvö ár. Ég
var svo lítill og stækkaði svo seint
að ég taldi mig ekki eiga möguleika
að fá að spila með öðrum flokki ÍBV,
hann var svo sterkur á þeim tíma.
Þannig að ég fór þá að þjálfa og féll
fyrir því strax. Á þeim tíma höfðu
Eyjamenn ráðið Pólverjann Gregor
Bielatowicz sem yfirþjálfara yngri
flokka. Auk þess var ákveðið að ráða
unga þjálfara til að aðstoða hann og
læra af honum. Ég var ráðinn sem
einn af þessum ungu og varð hug-
fanginn af þessum manni og þeim
aðferðum sem hann beitti við þjálf-
un. Það skipti hann til dæmis engu
máli hvort leikmaður var lítill eða
stór eða hvernig leikurinn fór, hann
var bara að hugsa um að búa til betri
leikmenn.“
Heimir vann með Gregor í tvö ár
og þjálfaði yngstu flokkana. Á sama
tíma tók hann vaxtarkipp og ákvað
að byrja aftur að æfa fótbolta, þá
á elsta ári í öðrum flokki. „Þá varð
kallinn alveg brjálaður. Þá sá hann
fyrst að ég gat eitthvað í fótbolta og
að ég væri búinn að hanga í tvö ár
utan vallar á meðan ég hefði get-
að æft undir hans stjórn. Það fannst
honum alger sóun enda hefði ég
einmitt verið kjörið verkefni fyrir
hann sem leikmaður.“
Leyndur markaskorari
Það rættist því úr Heimi sem leik-
manni og ferill hans í meistara-
flokki spannar u.þ.b. 20 ár, frá
1986 til 2005. Hann lék rúmlega
100 leiki, flesta fyrir ÍBV, en sam-
kvæmt skráningu leikjanna tókst
honum aldrei að skora mark á
ferlinum. Við spyrjum Heimi
hvort það geti virkilega staðist.
„Sko, það voru ekki komnar tölv-
ur á þeim tíma þannig að þetta
hefur eflaust verið slegið eitthvað
vitlaust inn,“ segir Heimir og hlær,
en viðurkennir svo að hann hafi
aldrei skorað mark með ÍBV. „Ég
var ekki einu sinni nálægt því.“
Heimi til varnar þá spilaði hann
lengst af sem aftasti varnarmaður
með ÍBV. Hann vill þó meina að
þegar hann skipti í neðri deildar
liðið KFS hafi hinn skeleggi þjálf-
ari Hjalti Kristjánsson séð í hon-
um leyndan og algerlega ónýtt-
an markaskorara og að þar hafi
Heimir raðað inn mörkum. Blaða-
mönnum DV tókst ekki að finna
staðfestingu á því og verða því
að taka orð Heimis trúanleg. En
hvernig leikmaður var Heimir?
„Það var eflaust frekar auðvelt
að leikgreina mig. Ég var ekki
teknískur, ekki hraður en ég las
leikinn ágætlega og var þokka-
lega harður. Þannig að ég hafði
ekki mikið fram að færa sem
leikmaður, enda var ég í ÍBV
þegar gekk sem verst hjá liðinu.
Ef liðið hefði verið betra þá hefði
ég eflaust ekki spilað svona marga
leiki,“ segir Heimir hógværðin
uppmáluð.
Vill sjá fleiri unga
leikmenn í Pepsi-deildinni
Heimir segir að íslenski boltinn
hafi breyst nokkuð síðan hann
sópaði upp í vörninni fyrir ÍBV.
Hann fylgdist vel með Pepsi-
deildinni í sumar og leist vel á
en er svekktur yfir hversu fáir
ungir leikmenn spila reglulega
í deildinni. „Í mörgum tilfellum
held ég að ungir leikmenn hafi
gott af því að spila leiki í meistara-
flokki og vera þá mögulega keyptir
út sem meistara flokksleikmenn.
Ef þeir eru keyptir sem unglinga-
flokksleikmenn, eins og gjarnan
gerist, þá lenda þeir oft í stór-
um hópum efnilegra ungra leik-
manna í viðkomandi liði sem
erfitt er að vinna sig upp úr. Við
tókum saman tölfræði um þetta
atriði og ég held að um helm-
ingur þeirra leikmanna sem fara
utan sem unglingar komi aftur
til íslenskra félagsliða. Þótt það
sé einstaklingsbundið myndi ég
vilja sjá unga og efnilega leik-
menn spila lengur hérna heima,
en þá verða íslensku liðin auðvit-
að að gefa þeim tækifæri til þess.“
Metnaðarfullur
þjálfari frá upphafi
Sem fyrr segir byrjaði Heimir strax
17 ára gamall að þjálfa börn og
unglinga í Eyjum, en síðar stýrði
hann meistaraflokki ÍBV, bæði í
karla- og kvennaflokki. Það orð fór
snemma af honum, eins og í dag,
að hann væri mjög skipulagð-
ur, metnaðarfullur og nákvæmur
þjálfari. „Ég hef alltaf verið rosa-
lega metnaðarfullur í því sem ég
er að gera, ég þoli ekki hálfkláruð
verk. Ég var snemma byrjaður að
vídeó-leikgreina, áður en öll þessi
klippiforrit í tölvum voru komin.
Mér fannst gaman að geta sagt
leikmönnum hvað ég sá athuga-
vert í þeirra leik og geta þá sýnt
þeim það líka. Svo er það bara
þannig að þegar þú kemur frá litlu
liði á Íslandi þá þarftu að leggja
mikið á þig sjálfur sem þjálfari. Ég
hef alltaf gert það.“
Sem gott dæmi um þennan
mikla metnað er þegar Heimir og
Íris, konan hans, þjálfuðu saman
6. flokk ÍBV. „Þá létum við helm-
inginn af æfingatímanum fara
í tækniæfingar og bjuggum til
myndband af æfingunum. Mér
skilst að strákarnir séu ennþá að
horfa á það, nú orðnir yfir 20 ára
gamlir. Í lok sumarsins buðum við
foreldrum strákanna í bíó til að sjá
afraksturinn. Við lögðum gríðar-
lega vinnu og metnað í hvaða ver-
kefni sem var á þessum tíma og ég
hef haldið því áfram síðan.“
Heimir þjálfaði ÍBV til ársins
2011 en ári síðar var hann ráð-
inn aðstoðarþjálfari íslenska
landsliðsins en það er lýsandi
fyrir metnað Heimis að hann leit
aldrei á þá ráðningu sem enda-
stöð. „Það var alltaf í huga mín-
um að taka við landsliðinu sem
aðalþjálfari eða nota þetta starf í
eitthvað ennþá stærra. Ég stefndi
ekki að því að verða besti að-
stoðarþjálfari í heimi.“
Lars var einmitt rétti gæinn
Það er óþarfi að fjölyrða um
árangur landsliðsins síðustu árin,
hann hefur verið súrrealískur. Það
er hins vegar svo margt fleira sem
hefur breyst í tengslum við lands-
liðið, bæði er öll umgjörð orðin
mun faglegri og nálgun leik-
manna mun heilbrigðari. Þessi
umbylting hefur tekið ótrúlega
skamman tíma því um það leyti
sem Heimir byrjaði var ýmis legt
að hjá KSÍ. „Ég kom til KSÍ frá ÍBV
og mér fannst í fyrstu ekki vera
mikill munur á stjórnun hjá sam-
bandinu og ÍBV. Mér blöskraði
margt, til dæmis þótti mér sam-
skiptin við fjölmiðla í ólestri. Ég
tók að mér að reyna að breyta
því þannig að við gæfum meira af
okkur til fjölmiðla og stuðnings-
manna. Það er svo mikil vægt að
segja öllum, stuðningsmönnum
og blaðamönnum, hvað við erum
að reyna að gera. Þegar þú seg-
ir frá því hvað þú ert að reyna að
gera þá ertu dæmdur út frá því en
ekki út frá því hvað einhver ann-
ar vill að þú gerir. Þetta gildir líka
varðandi stuðningsmenn liðsins,
á þessum tíma var varla til nokk-
ur stuðningsmannaklúbbur svo
að við ákváðum að reyna að ýta
undir hann og gera það sama
gagnvart stuðningsmönnum, gefa
þeim eins miklar upplýsingar um
liðið og hægt var.“
Heimir nefnir einnig að um-
hverfið og umræðan í kringum
landsliðið hafi verið sérlega nei-
kvæð á þeim tíma sem hann hóf
störf. „Nánast allar fréttir um liðið
voru neikvæðar, hvort sem þær
vörðuðu agamál, árangur liðsins,
hvað menn sögðu eða hvernig
menn höguðu sér. Á þessum tíma
virtist það ekki vera stökkpallur
að taka við þjálfun landsliðsins
því þjálfarar á undan okkur fengu
yfir leitt ekki betri störf eftir að þeir
hættu sem landsliðsþjálfarar. Það
mætti telja upp ansi marga sem
hreinlega gufuðu upp að starf-
inu loknu eða komu laskaðir út
úr því. Það var ekki af því að þeir
væru orðnir verri þjálfarar en þeir
voru þegar þeir voru ráðnir held-
ur hafði umhverfið og kúltúrinn
þessi áhrif.“
Heimir segir að ráðning Lars
Lagerbäck hafi verið vendip-
unkturinn hvað varðaði aukna
fagmennsku hjá KSÍ. „Það góða
við að fá Lars í starfið var að hann
var vanur ákveðinni fagmennsku
og hún kom með honum inn í
knattspyrnusambandið. Hann
var akkúrat rétti gæinn, því það
hefði líka verið hægt að fá ein-
hvern annan frægan útlending
sem hefði fljótlega orðið brjálaður
út í allt og alla. Lars var hins vegar
frá upphafi kurteis og rólegur og
allar þessar jákvæðu breytingar
á kúltúrnum síuðust inn hægt og
bítandi. Ég held að menn sjái að
aginn, bæði innan vallar og utan,
hefur breyst til hins betra og ég
held að leikmönnum líði á end-
anum miklu betur í skipulögðu og
öguðu umhverfi. Atvinnumaður-
inn í dag verður að hafa svoleiðis
umhverfi.“
Agaðri leikmenn í dag
Það er þekkt að í gegnum tíðina
hafa knattspyrnumenn, líka
landsliðsmenn, verið gjarnir
á að njóta lífsins óhóflega, til
dæmis hvað varðar áfengis- og
tóbaksneyslu, mataræði, svefn-
venjur og annað. Það virðist sem
það sé lítið vandamál hjá íslenska
liðinu í dag og Heimir staðfestir
það. „Leikmenn í dag eru miklu
agaðri en áður. Ég er ekki í neinum
vafa um að kúltúrinn hjá félögun-
um sem leikmennirnir koma frá
hefur lagast, og kúltúr í fótbolta
almennt. Ég held að þekkingin á
því sem fær mann til að standa sig
vel hafi aukist svo mikið, menn
eru meðvitaðri um það í dag að
óregla getur ekki gengið til lengd-
ar. Það breytir því þó ekki að það
getur tekið langan tíma að búa
til agað umhverfi í tilteknum lið-
um. Nú erum við komnir með
kúltúr sem okkur finnst frábær
enda hefur það sýnt sig að hann
skilar miklum árangri. Svo skipt-
ir líka máli að þegar við veljum í
landsliðið þá horfum við sérstak-
lega á karakter og hugarfar leik-
manna. Það ræður oft þónokkru
um hvernig hópurinn er skipað-
ur hverju sinni. Það skiptir því
ekki öllu máli að skoða hvort leik-
menn séu að blómstra með sín-
um félagsliðum heldur metum
við líka hvað þeir leggja til hóps-
ins utan vallar.“
Síðastliðið vor fjölluðu fjöl-
miðlar töluvert um meint
agabrot framherjans Viðars Arnar
Kjartans sonar og gengu blaða-
menn á köflum nokkuð hart fram
við að fá nánari upplýsingar um
það mál frá Heimi. Hvað hefur
Heimir um það að segja?
„Þetta var í raun aldrei agabrot
en þetta var ekki „professional“.
Það eru engar reglur um þetta
„Mikilvægt að
eiga fjölskyldu
sem skilur
starfið“
„Ég stefndi
ekki að því
að verða besti
aðstoðarþjálfari í
heimi
Ósvikin gleði Heimir og Aron Einar Gunnarsson fagna því þegar sætið til Rússlands var í höfn. Mynd dAVíð ÞÓr GuðLAuGsson
sækir hvíld í tannlækningar
„Stundum þegar mér finnst að ég
þurfi að slíta mig frá fótboltanum,
þá tek ég tvo eða þrjá daga í vinnu
á tannlæknastofunni og næ að
hreinsa hugann.“ Mynd siGtryGGur Ari