Dagblaðið Vísir - DV - 13.10.2017, Blaðsíða 52

28 sakamál Helgarblað 13. október 2017
B
runo og Odile Zuliani, frá
Zuydcoote í Dunkirk í Frakk­
landi, höfðu verið gift í fjölda
ára og eignast saman þrjú
börn. Frá því að hjónin rugluðu
saman reytum hafði Odile ekki far­
ið í grafgötur um að Bruno væri af­
brýðisamur maður, en hún taldi sér
trú um að ástæðan væri sú mikla ást
sem hann bar í brjósti til hennar.
Bruno hafði verið tekið opnum
örmum af allri fjölskyldu Odile
sem gerði sér ekki grein fyrir hvaða
mann hann hafði að geyma.
Bruno vel vakandi
Árin liðu og börnin fæddust, tveir
synir og ein dóttir. Smám saman
fékk Odile á tilfinninguna að veru­
lega væri farið að þrengja að henni.
Bruno fylgdist grannt með öllu því
sem hún tók sér fyrir hendur.
Hann fékk sér vinnu hjá sama
fyrirtæki og hún til að geta haft
auga með henni þar. Odile gat ekki
heimsótt ættingja sína án þess að
Bruno væri með í för; hann vildi
heyra allt sem þar yrði sagt.
Skilorðsbundinn dómur
Á gamlárskvöld 2010 dró til tíð­
inda. Þá þrengdi Bruno að hálsi
Odile með sippubandi og mátti
litlu muna að hún fengi ekki séð
nýtt ár renna upp.
Odile hafði samband við lög­
reglu í kjölfarið og eiginmaðurinn
fékk átta mánaða skilorðsbundinn
dóm. Við tók jafnlangur tími án
stórvægilegra tíðinda, en umsvifa­
laust að átta mánuðum liðnum tók
Bruno að niðurlægja Odile og mis­
bjóða.
Í blíðu og stríðu
Seinna sagði Odile aðspurð hví
hún hefði ekki kvartað yfir honum
aftur: „Í blíðu og stríðu er það
sem hjónabandið snýst um.“ Og „í
stríðu“ einkenndi svo sannarlega
hjónabandið því 26. nóvember
2011, mátti litlu muna að hún léti
lífið þegar Bruno reyndi að kyrkja
hana aftur – í þetta skipti fyrir
framan börn þeirra.
Odile ákvað að halda að sér
höndum: „Að senda föður barn­
anna minna í fangelsi fannst mér
óhugsandi.“
Nóg komið
Bruno var í meðferð hjá sál­
fræðingi sem upplýsti Odile um að
Bruno væri andlega veikur. Odile
stakk þá upp á því að hann fengi
meðferð á viðeigandi stofnun, en
ekkert varð úr því.
Nýtt ofbeldistímabil rann upp
og í kringum áramótin 2011/2012
komst Odile að þeirri niðurstöðu
að við það yrði ekki unað lengur.
Hún pakkaði niður og fór, staðráð­
in í að sækja um skilnað, þetta yrði
að taka enda.
Blóðbað
Næstu sex vikurnar hélt Odile til
hjá foreldrum sínum en ákvað að
kíkja til barnanna á afmælisdaginn
sinn, 9. febrúar. Þegar Odile gekk
inn á heimili fjölskyldunnar í
Zuyd coote mætti henni óhugnan­
leg sýn. Yngsta barn hennar,
dóttirin Emi, fimm ára, lá eins og
slytti í sófanum, böðuð blóði.
Odile sneri sér við í hryllingi og
sá þá Bruno þar sem hann hékk í
snöru í stigaganginum.
Ekkert lífsmark
Odile var þess fullviss að Bruno
hefði einnig myrt syni þeirra;
Nino, 16 ára, og Limo, 14 ára. Hún
treysti sér ekki til að kanna það og
í fullkomnu losti hljóp hún vein­
andi út á götu.
Síðar kom í ljós að ályktun Odile
reyndist á rökum reist; Bruno
hafði stungið öll börn þeirra til
bana áður en hann brá snörunni
um háls sér og batt þannig enda á
eigið líf.
Sárt að glata penna
Einhverju síðar setti Odile sig í sam­
band við fyrrnefndan sálfræðing og
spurði hví Bruno hefði ekki ver­
ið vistaður á viðeigandi stofnun í
ljósi þess að hann var, að sögn sál­
fræðingsins, veikur á geði og með­
ferðin engan árangur borið.
Sálfræðingurinn bar af sér alla
sök. „Hann lagði að jöfnu að ég
missti börnin mín og að einhver
glataði penna. Hann sagði við mig
„Ef þú týnir penna finnst þér það sárt
líka. Þér finnst sárt að að týna penn­
anum, alveg eins og þér finnst sárt
að missa börnin þín“,“ sagði Odile í
sjónvarpsþætti sem hún kom fram í.
Þannig er það. n
Afbrýðisemi dAuðAns
n Bruno vakti yfir öllum athöfnum eiginkonu sinnar n Dag einn fékk Odile nóg
Fjölskyldan
Afbrýðisemi og
andleg veikindi
Brunos höfðu
dauðann í för
með sér.
Odile Zuliani Var ekki alls kostar sátt við
sálfræðing eiginmannsins.
Fiskur er okkar fag
- Staður með alvöru útsýni
Opið allt árið, virka daga,
um helgar og á hátíðisdögum
Kaffi Duus v/ Smábátahöfnina í Keflavík - Aðeins 5 mínútur frá Leifstöð, lítið við í leiðinni • Sími: 421 7080 • duus@duus.is • Opið frá kl. 10:30 - 23:00 alla daga
Allt það besta í íslenskri og indverskri matargerð