Dagblaðið Vísir - DV - 13.10.2017, Qupperneq 26
Gunnlaugur
Guðmundsson hefur
starfað sem stjörnuspekingur
í áratugi. Hann er
spáskyggn og næmur
með eindæmum enda
leita bæði einstaklingar og
fyrirtæki til Gunnlaugs til að
fræðast um framtíðina og
framvindu mála.
Birta leitaði til Gunnlaugs í von um að fá svör við því hvort himintunglin gætu
haft áhrif á óróleikann sem við
höfum fundið fyrir í stjórnmálum
síðustu ár. Gunnlaugur segir heim-
inn allan ganga í gegnum gríðarlegt
breytingaskeið og að breytingarnar
nái hámarki á árabilinu 2018–2024.
Hann segir stjórnmálakerfin
eins og við þekkjum þau ekki virka
lengur enda séu þau byggð á úreltri
heimsmynd.
„Hefðbundin stjórnmálakerfi
virka ekki á 21. öldinni vegna
þess að þau voru skrifuð fyrir 200
árum af körlum, fyrir karla. Það
sama gildir um skiptinguna milli
hægri og vinstri flokka sem við
höfum þekkt úr stjórnmálunum
undanfarnar aldir. Hana má rekja
til frönsku stjórnarbyltingarinnar
árið 1789 hvar íhaldsmenn, aðall og
konungssinnar sátu hægra megin
í þingsal Parísarborgar og hinn
lýðræðissinnaði almúgi sat vinstra
megin. Karlar allt saman. Karlar
sem skrifuðu lög og leikreglur fyrir
sjálfa sig,“ segir Gunnlaugur og
rifjar í þessu samhengi upp þróun
kosningaréttar á Íslandi.
„Á Íslandi var kosningarétti
komið á árið 1844. Réttinn til að
kjósa höfðu karlmenn 25 ára og
eldri, að uppfylltum skilyrðum
um eignir, það er að segja bænda-
höfðingjar og synir þeirra. Konur
og eignalausir karlar fengu fyrst
kosningarétt árið 1915 að því
gefnu að fólkið væri orðið fertugt.
Og nú, þegar einstaklingurinn í
heimsþorpi tækni- og upplýsinga-
byltingar í lok 20. aldar og byrjun
þeirrar 21. vaknar til meðvitundar
um stöðu sína blasir við óréttlæti
sem hefur lengi verið við lýði. Kon-
ur eiga til dæmis enn undir högg
að sækja víðast hvar í heiminum
og sömuleiðis karlar sem ekki eiga
ættir að rekja til „bændahöfð-
ingja“.“
Mynd dV ehf / Sigtryggur Ari
Heimskerfin á breytingaskeiði
og millistéttin að kafna
Til hvers að pikka þegar þú getur talað?
Stundum breytist lífið með ógnarhraða og stundum hægt. Breytingarnar geta
verið kærkomnar og stundum
þolum við þær ekki. Verst þykir
mér þegar hefðirnar henta ekki
raunveruleikanum lengur og
hlutirnir eru gerðir með einhverj-
um óheppilegum hætti „… af því
svona hefur þetta alltaf verið.“
Þetta er samt önnur pæling
sem ég ætla að fara betur í seinna.
Síðustu árin hefur internetið
breytt tilveru okkar hraðar en
við höfum í sjálfu sér náð að gera
okkur grein fyrir. Margir treysta
allt of mikið á netið. Halda meira
að segja að umræður geti
farið fram á netinu með
uppbyggilegum hætti.
Reynslan hefur gert mig
algjörlega ósammála
þessu. Kommentakerfi
og svokölluð samtöl á
netinu eru mögulega
versti samskiptamáti sem
hægt er að hugsa sér.
Tjáning, eða miðlun skilaboða,
getur aldrei verið til fyrirmynd-
ar þegar samskiptin fara fram í
örstuttum setningum sem eru
gjarna pikkaðar af mikilli hvatvísi
á lyklaborð.
Ef tjáskipti eiga að vera
góð þá duga ekki bara
orðin til. Það er svo margt
annað sem skiptir máli í
sam skiptum. Til dæmis
raddblærinn, svipbrigðin,
látbragðið, meira að segja
andardráttur getur sagt til
um hvort manneskjan sem
þú ert að tala við er afslöppuð eða
ekki. Kaldhæðin eða ekki.
Bestu samskiptin eiga sér stað
þegar fólk kemur saman. Næst-
bestu samskiptin eru mögulega
símtal þar sem hægt er að hafa
manneskjuna í mynd líka,
Facetime, eða þess háttar. Þriðji
besti valkosturinn er líklegast
símtalið og síðast á listanum eru
svo þessi innpikkuðu skeyti, hvort
sem er á Messenger eða í sms-um.
Athugaðu að nú er ég að tala
um samskipti milli tveggja eða
fleiri einstaklinga, ekki tjáningu
einnar manneskju sem fer skrif-
lega fram í status, bréfi eða pistli
sem þessum.
Manneskjur eru eins ólíkar
og þær eru margar. Við erum
misjafnlega skrúfuð saman og
stundum sjáum við lífið með
alveg afskaplega ólíkum hætti. Til
að forðast misskilning og koma
skilaboðum frá sér á sem allra
bestan máta er mjög nauðsynlegt
að fólk hittist og tali saman.
Það er líka nauðsynlegt að gefa
sér góðan tíma til að hlusta. Og
spyrja, ef maður er ekki viss um
að hafa skilið viðmælanda sinn
rétt.
Margrét H. Gústavsdóttir
vikublað - Ritstjóri: Margrét H. Gústavsdóttir Ábyrgðarmenn: Sigurvin Ólafsson og kolbrún bergþórsdóttir Markaðssamstarf: Svava kristín Gretarsdóttir s: 690 6900 Birta á Instagram: birta_vikublad