Morgunblaðið - 07.04.2017, Blaðsíða 41

MENNING 41
MORGUNBLAÐIÐ FÖSTUDAGUR 7. APRÍL 2017
Baltasar Kormákur mun leikstýra
kvikmynd byggðri á bók norska rit-
höfundarins Jo Nesbø, Ég er
Victor. Fréttir þess efnis birtust á
erlendum kvikmyndavefjum í
fyrradag og sendi fyrirtæki Baltas-
ars, RVK Studios, Morgunblaðinu
staðfestingu í gær á því að þær
væru réttar.
Handritshöfundar kvikmyndar-
innar eru Neal Purvis og Robert
Wade, sem m.a. skrifuðu handrit
James Bond-myndanna Skyfall og
Casino Royale. Baltasar mun fram-
leiða myndina í gegnum RVK Stud-
ios og Fredrik Wikström Nicastro
fyrir sænska fyrirtækið SF Studios.
Verkefnið hefur verið í undir-
búningi í þó nokkurn tíma, skv.
svari RVK Studios við fyrirspurn
Morgunblaðsins, og komu Purvis,
Wade og Nesbø hingað til lands í
fyrra og áttu fund með Baltasar.
Bók Nesbø fjallar um siðspilltan
skilnaðarlögfræðing, Victor, sem
er ranglega sakaður um að hafa
framið fjölda morða. Purvis og
Wade segjast hæstánægðir með að
fá að vinna með Baltasar og SF
Studios að kvikmyndinni, í yfirlýs-
ingu sem þeir sendu frá sér. Victor
sé einstök persóna og þeir hlakki til
að verja tíma með honum.
SF Studios hefur m.a. framleitt
kvikmyndina Maður sem heitir Ove
og brátt verður frumsýnd nýjasta
kvikmynd fyrirtækisins, Borg/
McEnroe með Sverri Guðnasyni,
Shia LaBeouf og Stellan Skarsgård
í aðalhlutverkum.
Leikstýrir kvikmynd eftir bók Nesbø
Jo Nesbø Baltasar Kormákur
Fiðluleikarinn Laufey Jensdóttir
heldur tónleika í Mengi í kvöld kl.
21. Hún mun flytja efnisskrá sem
samanstendur af barokktónlist í
bland við nýtt efni.
Laufey er einn stofnenda
Barokksveitarinnar Brákar og hef-
ur komið fram á tónleikum með
fjölmörgum kammerhópum og
sveitum, svo sem Strengjasveitinni
Skark, Kammersveit Reykjavíkur,
Alþjóðlegu barokksveitinni í Hall-
grímskirkju, The Okkr Ensemble
og Sinfóníuhljómsveit Íslands. Hún
hefur leikið inn á upptökur með
ýmsum sveitum og listamönnum og
má þar nefna Björk, Hjaltalín, Ólaf
Arnalds og múm.
Jóhann Sebastian Bach og Georg
Pisendel eru fulltrúar 18. aldar-
innar á efnisskrá Laufeyjar í kvöld
auk þess sem hún flytur einleiks-
verkið Solitude (2006) eftir Svíann
Albert Schnelzer og Fluctuations
(2016) fyrir fiðlu, bassatrommu og
rafhljóð eftir Sigrúnu Jónsdóttur
en Frank Aarnink kemur fram
með Laufeyju í síðastnefnda
verkinu.
Laufey leikur barokk og ný verk
Samstillt Frank Aarnink og Laufey Jens-
dóttir. Frank leikur í einu verki með Lauf-
eyju á tónleikunum í Mengi í kvöld.
Ghost in the Shell byggir ásöguheimi japanskramanga-myndasagna frátíunda áratugnum. Fyrsta
kvikmyndin sem unnin var upp úr
manganu kom út árið 1995 og er ein-
hver frægasta anime-mynd fyrr og
síðar enda sannkallað meistara-
stykki.
Þessi nýja mynd gerist í framtíð
þar sem meirihluti mannkyns hefur
látið endurbæta sig með vélrænum
uppfærslum frá fyrirtækinu Hanka
Robotics, til þess að efla þætti á borð
við sjón, heyrn og líkamlegt atgervi.
Aðalpersónan, Majór, er með
mennskan heila en vélræn að öllu
öðru leyti. Hún leiðir sérsveit lög-
reglunnar sem kallast Deild 9 og
þegar einhver tekur að hakka sig inn
í vélmenni og sæborgir er deildin
kölluð út til þess að finna sökudólg-
inn.
Majórinn er fyrsta vel heppnaða
tilraunin til þess að flytja mennskan
heila í tilbúna skel og telst vel
heppnuð þar sem andi hennar eða
sál lifði flutninginn af. Í henni býr
sem sagt „andinn í skelinni“ sem tit-
ill verksins vísar til og í þessu felst
jafnframt meginviðfangsefni sög-
unnar; hversu langt má ganga í að
vélvæða líkamann án þess að sálin
eða „andinn“ tapist?
Þekki maður til Ghost in the Shell
frá 1995 er erfitt að standast freist-
inguna að bera hana saman við
þessa. Það sem heillar við eldri
myndina er ekki síst sviðsmyndin,
sem er hryssingsleg sýn á ofur-
tæknivædda asíska stórborg, inn-
blásin af stíl franska teiknarans
Mœbius. Sviðsmyndin í nýju mynd-
inni er hreint afbragð og tæknibrell-
um er haganlega beitt til að endur-
skapa hana á ferskan og nútíma-
legan hátt.
Þar með er það góða við þessa
endurgerð eiginlega upptalið. Farið
er á mis við þá siðferðislegu tvíræðni
sem einkenndi persónurnar í upp-
runaverkinu og þess í stað einblínt á
fremur dæmigerðan og á tíðum illa
skipulagðan söguþráð um baráttu
góðs og ills. Heimspekilegar vanga-
veltur um eðli vitundar, mennsku og
minninga á tímum tæknivæðingar
mannsins, sem voru miðlægar í
frumverkinu, eru hér soðnar niður í
neytendavænar einingar og klaufa-
lega troðið inn á stöku stað.
Myndin hefur verið gagnrýnd fyr-
ir „hvítþvott“ og þykir mörgum
undarlegt að ekki sé japönsk leik-
kona í aðalhlutverkinu. Það verður
þó ekki af Scarlett Johansson tekið
að hún er stórfín í hlutverki Majórs-
ins og úr því að myndin gerist í al-
þjóðlegri framtíðarborg, þar sem
borgarar eru af hinum ýmsu kyn-
þáttum, er ekkert endilega óraun-
sætt að hún sé hvít. Þegar upp-
runasaga Majórsins fer að skýrast
renna hins vegar á mann tvær
grímur. Það er í það minnsta dap-
urlegt að meiriháttar Hollywood-
myndir þori ekki að taka þá
„áhættu“ að fá japanska leikara til
að leika japanskar persónur, af ótta
við að tekjutap.
Út af fyrir sig er nýja Ghost in the
Shell ágætis vísindaskáldskapur og
prýðileg skemmtun. Hún kemst þó
ekki undan því að vera heldur þunn
úrvinnsla á þeim magnaða efniviði
sem hún sækir í. Það er svolítið eins
og gamla myndin sé andinn og sú
nýja sé skelin, skelin er líflaus og
köld og það eina sem gæðir hana lífi
er eimurinn af sál frumverksins.
Sæborg Scarlett Johansson í hlutverki Majórsins í Ghost in the Shell, með mennskan heila en vélræn að öðru leyti.
Andlaus skel
Sambíóin Egilshöll, Álfabakka
og Kringlunni og Laugarásbíó
Ghost in the Shell bbbnn
Leikstjórn: Rupert Sanders. Handrit:
Masamune Shirow og Jamie Moss. Kvik-
myndataka: Jess Hall. Klipping: Billy
Rich og Neil Smith. Aðalhlutverk: Scar-
lett Johansson, Pilou Asbæk, Takeshi
Kitano, Juliette Binoche, Michael Pitt.
Bandaríkin, 2017. 106 mín.
BRYNJA
HJÁLMSDÓTTIR
KVIKMYNDIR
Ármúli 8, 2. hæð - 108 Reykjavík
Sími: 414-4466 - www.draumahus.is
Föst söluþóknun - Allt innifalið *
399.900
Föst söluþók - Allt innifalið
AnnaTeitsdóttir
Nemi til löggildingar
787-7800
Lárus Óskarsson
Fasteignasali
823-5050
*
* gildir fyrir eignir
undir 60.000.000 kr.
í einkasölu.
Miðasala og nánari upplýsingar
5%
TILBOÐ KL 5
TILBOÐ KL 4
TILBOÐ KL 4
SÝND KL. 5, 8, 10.35 SÝND KL. 8, 10.15
SÝND KL. 4, 6SÝND KL. 8, 10.15
SÝND KL. 4, 6