Morgunblaðið - 30.06.2017, Qupperneq 58

58
MORGUNBLAÐIÐ FÖSTUDAGUR 30. JÚNÍ 2017
Eina meðlætið sem þú þarft
Þetta sætkartöflusalat sættir jafn-
vel sundraða vinahópa og tjúlluð ætt-
armót um miðnætti. Það er nefnilega
staðreynd að vondur matur gerir fólk
illt! Sætar kartöflur eru dásamlegar
en þetta salat sameinar kalda sósu,
kartöflur og salat og er í raun eina
meðlætið sem þú þarft ef hugmyndin
er að hafa einfalda máltíð eða jafnvel
útbúa meðlæti í grillveislu í útilegu
eða sumarbústað. Það má vel gera það
daginn áður og hella bara sósunni yfir
áður en herlegheitin eru borin á borð.
500 g sætar kartöflur, bakað í teningum
með olíu og salti
100 g spínat
50 g vorlaukur, saxaður
1/2 rautt chillí fræhreinsað, saxað
1/2 búnt ferskt kóríander, saxað
Sósan:
1 dós sýrður rjómi
3 msk. grísk jógúrt
1-2 tsk. dijon-sinnep
1 msk. hunang
Blandið öllum hráefnunum saman og
hrærið sósuna saman við.
Grillspjót með
tígrisrækju í mangó
Fljótlegur forréttur sem jafnvel
rækjuhatarar munu borða! Ég veit
allt um það því móðir mín hatar
rækjur af mikilli sannfæringu en þó
borðaði hún þennan rétt með bestu
lyst.
Forréttur fyrir 4
400 g tígrisrækja, pilluð
1 box smátómatar
Salat
Ferskt mangó
Marinering:
2 msk. appelsínumarmelaði eða mangó-
chutney
1 msk. ólífuolía
1 tsk. sítrónusafi
1/2 rautt chillíaldin, fræhreinsað og sax-
að
2 msk. ferskt kóríander, saxað
Öllu blandað saman í skál.
Rækjurnar eru látnar liggja í leg-
inum í 1-24 tíma.
Appelsínujógúrtsósa:
200 g grísk jógúrt
2 msk. appelsínusafi
1 msk. appelsínumarmelaði eða mangó-
chutney
1 msk. ferskt kóríander saxað
Chillíflögur ef vill
Öllu hrært saman.
Þræðið rækjurnar upp á spjót
ásamt einum konfekttómat og grillið í
5 mínútur á hvorri hlið eða þar til kjöt-
ið skiptir um lit og verður hvítt.
Berið fram með fersku spínati,
fersku mangó og jógúrtsósu.
Bakaðu brauð á grillinu
Fyllt brauð með osti, pestó og
ferskri basiliku er frábær hugmynd!
Brauðið er bakað á grillinu svo það
fær virkilega gott grillbragð og þú
getur setið úti í sólinni í stað þess að
húka inni og horfa á ofninn. Því það
gerir maður alltaf þegar maður bakar
brauð. Eða alla vega sumir. Jæja
kannski enginn. Það er samt
skemmtilegra að grilla það!
Deig:
500 g heilhveiti
1/2 pakki ger
1 msk. salt
1 msk. pizzakrydd
400 ml volgt vatn
Fylling:
1 krukka gott pestó
Góður ostur t.d. Búri
Fersk basilíka
Hrærið öllum hráefnunum saman
með sleif og leggið svo viskustykki yf-
ir og látið hefast í 2 klst.
Fletjið deigið út og setjið fyllingu í
miðjuna. Lokið brauðinu vel og pensl-
ið með olíu.
Einnig má skipta því í minni bita og
gera smábrauð og jafnvel stinga þeim
á grillpinna.
Grillið brauðið á miðlungshita uns
bakað í gegn. Ég slekk stundum á
grillinu og leyfi brauðinu að hangsa á
meðan ég útbý aðalrétt og býð upp á
brauðið í forrétt eða með matnum.
tobba@mbl.is
Grillaðar uppskriftir fyrir helgina
Matarvefur mbl.is setti und-
ir sig grilltengurnar og töfr-
aði fram stórgóðar grill-
uppskriftir sem tilvalið er að
bjóða upp á um helgina.
Létt og gott Ljúffeng grillspjót með ísköldu hvítvíni svíkja engan.
Morgunblaðið/Tobba Marinós
Bakað á grillinu Það er tilvalið að baka brauð á grillinu og fylla það með gúmmelaði.