Víkurfréttir - 27.05.2004, Síða 30

Eðli málsins samkvæmtsést nú yfirleitt eitthvaðblóð,“ segir Jón Garðar
Viðarsson skurðhjúkrunarfræð-
ingur á Heilbrigðisstofnun Suður-
nesja þegar hann er spurður útí
starfið á skurðstofunni. Jón er ný-
fluttur til Keflavíkur ásamt fjöl-
skyldunni og hann kann vel við
sig á Suðurnesjum. Auk þess að
starfa á skurðstofunni tekur Jón
vaktir á slysadeildinni og sér um
pabbafræðslu fyrir verðandi feður.
Hvernig er að starfa á skurðstof-
unni alla daga?
Það er fínt að starfa á skurðstofu.Að
vísu er samband við aðrar deildir
sjúkrahússins frekar af skornum
skammti en starfið í sjálfu sér er
mjög fjölbreytilegt, enda engar tvær
skurðaðgerðir eins.Annars er ég
ekki bara að vinna á skurðstofunni,
ég tek vaktir öðru hverju á slysa-
deildinni og einnig sé ég um pabba-
fræðslu fyrir verðandi feður fyrir
hönd fæðingardeildarinnar.
Sérðu þá ekki mikið blóð?
Eðli málsins samkvæmt sést nú yfir-
leitt eitthvað blóð. Samt sem áður er
alltaf reynt að stilla blæðingu í hóf.
Það eru notaðar mismunandi að-
ferðir við að gera blóðmissi eins lít-
inn og mögulegt er, allt eftir því
hvaða aðgerð er um að ræða.
Stundum blæðir bara nokkra milli-
lítra í aðgerð þar sem farið er alveg
inn í kviðarhol en blæðing verður oft
töluvert meiri og þá helst í stórum
aðgerðum sem yfirleitt taka margar
klukkustundir. Svona mikið blóðtap
er líkaminn þó tiltölulega fljótur að
bæta sér upp, allt eftir líkamlegu
ástandi sjúklingsins.
Hvað finnst þér mest spennandi
við starfið?
Það er svo margt. Þessu starfi fylgir
mikil ábyrgð og maður þarf að
passa sig vel að gera hlutina í réttri
röð.Að vinna við aðgerðir krefst
einnig sjálfsaga þar sem aðgerðir
geta tekið marga klukktíma og
maður þarf að einbeita sér 100%
allan tímann. Sjálfur er ég einnig
mikill tækja og tæknihjúkrunarfræð-
ingur þannig að ég hef gaman af að
læra á og beita þeim áhöldum sem
notuð eru við aðgerðirnar.
Ekki má gleyma bráðaaðgerðunum,
sem geta komið upp bæði á vinnu-
tíma og á bakvöktum, en skurð-
deildarteymið er á bakvöktum að
meðaltali um 40 klst á viku. Þar
geta rétt viðbrögð og snör handtök
skipt sköpum.
Hefurðu hug á að mennta þig
frekar á þessu sviði?
Það kem ég áreiðanlega til með að
gera. Ég hafði nú ætlað mér að
verða svæfingahjúkrunarfræðingur
en ekki skurðhjúkrunarfræðingur,
en ég starfa sem slíkur í dag. En
maður er alltaf að læra og það að
hafa fengið reynslu af því að starfa
sem skurðhjúkrunarfræðingur er að
sjálfsögðu ómetanlegt þó að ég læri
svæfinguna seinna meir.
Hvernig er starfsandinn á HSS?
Eins og ég upplifi stofnunina finnst
mér starfsandinn góður. Nú hef ég
ekki unnið á HSS nema síðan í júlí á
síðasta ári en eins og Suðurnesja-
búar vita hefur mikið gengið á síð-
asta árið en nú virðist vera að rofa
til. Þetta er ekki mjög stór vinnu-
staður miðað við að HSS er bæði
sjúkrahús og heilsugæsla sem gerir
það að verkum að maður týnist ekki
í fjöldanum.
Að mínu mati eru margir góðir hlutir
að gerast hérna á HSS og það er
alltaf verið að reyna að auka þjón-
ustuna við íbúa Suðurnesja sem og
annarra sem til okkar leita.
Nú fluttistu til Suðurnesja fyrir
stuttu með fjölskylduna - var það
erfið ákvörðun?
Nei, í rauninni ekki.Við vildum um-
fram allt búa á stað sem er frekar
rólegur og barnvænn og hann er
akkúrat hérna. Ættingjar mínir og
konunnar minnar búa einnig á suð-
vesturhluta landsins þannig að það
er ekki langt að fara til að heim-
sækja þá. Svo má nefna að fast-
eignaverðið hér mjög hagstætt sem
gerði okkur kleift að kaupa okkur
húsnæði og jafnframt sjá fram á
dæmið ganga upp. Þannig að það
eru mjög margir kostir við það hafa
flutt til Keflavíkur.
Hvernig hefur ykkur liðið hér?
Okkur hefur liðið vel. Ég og Kristín
konan mín eigum tvo drengi sem
eru í Myllubakkaskóla og þeim hefur
gengið mjög vel að aðlagast, báðir
farnir að æfa sund og hreinlega
blómstra. Síðan fæddist okkur
drengur síðasta haust sem lá svo á
í heiminn að hann fæddist heima hjá
sér þannig að hann er eiginlega sá
eini okkar sem er „innfæddur“. Það
er ekki mikil þjónusta sem við þurf-
um að sækja út fyrir Reykjanesbæ
og ef svo er þá er þetta skottúr til
Reykjavíkur.
Ég vil bara enda á að þakka Suður-
nesjabúum fyrir hlýlegar móttökur
fyrir hönd fjölskyldu minnar og við
teljum okkur lánsöm að hafa sest
hérna að. Fólkið sem ég er að vinna
með á á HSS er úrvalslið upp til
hópa þannig að manni leiðist sko
ekki að mæta í vinnuna.
Jón Garðar Viðarson, skurðhjúkrunarfræðingur á HSS
Rétt viðbrögð og snör
handtök skipta sköpum
Nýr ljósalampi fyrir hend-ur og fætur, auk ljósa-greiðu hafa verið tekin í
notkun á göngudeild fyrir psori-
asis og exem sjúklinga á Heil-
brigðisstofnun Suðurnesja. Þann
1. desember var ljósaskápur
tekinn í notkun á deildinni, en
búnaðurinn var fjármagnaður
með framlögum frá einstakling-
um, fyrirtækjum, stéttarfélögum
og stofnunum á Suðurnesjum.
Valur Margeirsson afhenti búnað-
inn fyrir hönd Spóex, samtökum
psoriasis og exem sjúklinga á
Suðurnesjum. Með búnaðinum
hefur þjónusta við psoriasis og
exem sjúklinga stórbatnað á Suð-
urnesjum, en göngudeildin er opin
frá klukkan 8 til 16 á virkum dög-
um.
Bætt að-
staða fyrir
psoriasis
sjúklinga
14
Ájarðhæð D-álmunnar fer iðjuþjálfun fram en Berglind BáraBjarnadóttir er deildarstjóri iðjuþjálfunar. Að sögn Berg-lindar er helsta markmiðið með iðjuþjálfun að þjálfa fólk
upp eftir slys, fötlun eða sjúkdóm.
„Við hjálpum þeim við að komast aftur út í hið daglega líf og takast á
við athafnir daglegs lífs. Við reynum að hafa þjálfunina skemmtilega og
hlustum t.d. stundum á tónlist og stundum höfum við hjólastóladans,“
segir Berglind og henni finnst gott að upplifa samkenndina sem skap-
ast á milli skjólstæðinga hennar.
FÓLKI HJÁLPAÐ ÚT
Í HIÐ DAGLEGA LÍF
Jón Garðar Viðarson, skurðhjúkrunarfræðingur á HSS.
HSS posturinn PDF 25.5.2004 23:10 Page 14