Morgunblaðið - 05.10.2017, Blaðsíða 22

22 FRÉTTIRInnlent
MORGUNBLAÐIÐ FIMMTUDAGUR 5. OKTÓBER 2017
Á ári Hundsins 25. maí-12. júní 2018
með
KÍNAKLÚBBI UNNAR
Farið verður til SHANGHAI, SUZHOU, TONGLI,
GUILIN, XIAN og BEIJING. Einnig siglt
á LI fljótinu og farið upp á KÍNAMÚRINN.
Heildarverð á mann: Kr. 660 þúsund
Kínastund
Hópar og einstaklingar geta pantað „Kínastund“, á Njálsgötunni, með
myndasýningu, sýningu á Tai-Chi og kínverskum listmunum, ásamt veitingum.
Kínasafn Unnar
Njálsgötu 33B, er opið laugardaga og sunnudaga kl. 14.00–16.00.
Aðgangur kr. 1.000.- Einnig er hægt að panta sérsýningar.
Allt innifalið, þ.e. full dagskrá skv. ferðaskrá, gisting í tvíbýli á 4-5 stjörnu
hótelum (einb. + 100 þ.), fullt fæði með máltíðardrykkjum, skattar og gjöld,
staðarleiðsögumenn og fararstjórn Unnar Guðjónsdóttur, en þetta verður 39.
hópferðin, sem hún skipuleggur og leiðir um Kína. Ferðaskráin er á vefnum.
Til Kína með konu sem kann sitt Kína
Kínaklúbbur Unnar
Njálsgötu 33, 101 Reykjavík
sími: 551 2596, farsími: 868 2726
Vefsíða: kinaklubbur.weebly.com
Netfang: kinaklubbur@simnet.is
GEYMIÐ GJARNAN AUGLÝSINGUNA
Sigtryggur Sigtryggsson
sisi@mbl.is
Vertíð skemmtiferðaskipanna lýk-
ur um helgina. Þá kemur síðasta
skips sumarsins í Sundahöfn. Það
heitir Ocean Dream, kemur á
laugardaginn og fer á sunnudag-
inn.
Í ár voru skipakomur til
Reykjavíkur 133 talsins og áætl-
aður farþegafjöldi er 126.795.
Starfsmenn Faxaflóahafna eru
fyrir löngu byrjaðir að bóka skip
fyrir næstu árin. Fyrir árið 2018
er búið að bóka nú þegar 127
skipakomur og áætlað er að far-
þegar verði um 140.835, sam-
kvæmt upplýsingum Ernu Krist-
jánsdóttur, markaðsstjóra
Faxaflóahafna. Búist er við því að
fleiri skip verði bókuð á næstu
mánuðum.
Tvö skip munu koma í mars á
næsta ári, Ocean Dream 2. mars
og Magellan 9. mars, að sögn
Ernu. Farþegar skipanna freista
þess að sjá norðurljósin.
Skipið er 171.598 tonn
Annars byrjar vertíðin ekki af
alvöru fyrr en í maí líkt og undan-
farin ár. Fyrsta skipið í maí er
Celebrity Eclipse og kemur það 3.
maí.
Stærsta skip sem hefur bókað
komu sína næsta sumar heitir
MSC Meraviglia og verður það
stærsta skipið sem komið hefur
hingað til lands, í brúttótonnum
talið. Þetta er splunkunýtt skip,
smíðað í Frakklandi, og var tekið í
notkun í júní á þessu ári. Það er
flaggskip skipafélagsins MSC
Cruises. Það er 171.598 brúttó-
tonn og 333 metrar að lengd.
Skipið er rúmlega 30 þúsund tonn-
um stærra en MSC Preziosa,
stærsta skipið sem hingað kom í
sumar. MSC Meraviglia tekur
rúmlega 4.500 farþega og í áhöfn
eru 1.536 manns. Káetur og svítur
farþeganna eru á 15 hæðum. Það
munu því koma rúmlega 6 þúsund
manns á einu bretti í Sundahöfn
næsta sumar, eða eins og mann-
fjöldi í stórum kaupstað á Íslandi.
MSC Meraviglia mun koma þrisv-
ar yfir sumarið, 26. maí, 29. júní
og 2. ágúst.
Síðasta skipakoma ársins 2018
verður 21. október. Sama skip og
núna í ár, Ocean Dream, verður
síðasta skips ársins 2018.
Risaskip til
Reykjavíkur
 127 skipakomur bókaðar 2018
Ljósmynd/MSC Cruises
Risaskipið MSC Meraviglia tekur 4.500 farþega. Káetur og svítur eru á 15 hæðum og veitingastaðir skipta tugum.
Höskuldur Daði Magnússon
hdm@mbl.is
„Spænski lífsstíllinn er þannig að það
gefst mikill tími til að skrifa. Það er
ýmislegt uppi á borðinu hjá mér, það
er meira til,“ segir Jón Sigurður Eyj-
ólfsson, rithöfundur með meiru.
Jón Sigurður gefur í næstu viku
út sína fyrstu bók á Spáni. Kallast
hún El náufrago afortunado sem
gæti útlagst Lánsami skipbrotsmað-
urinn. Sögusvið bókarinnar er Bíldu-
dalur og æskuár Jóns þar á níunda
áratugnum. Fyrir tveimur árum gaf
hann út bókina Bíldudalsbingó með
Elfari Loga Hannessyni, sem sótt
var í sama rann.
„Þetta er saga af ungum dreng,
mér sjálfum, sem varð fyrir því giftu-
samlega óláni að verða ástfanginn
alltof snemma. Þegar ímyndunaraflið
var óbeislað, sakleysið algert og
barnslegur vitleysisgangurinn í him-
inloftum. Þegar barnapía kemur að
sunnan og kyssir okkur strákana þá
hefst kómedía sem leiðir út í ægilega
tragedíu. Þetta hafði mikil áhrif á
okkur Bíldudalspeyjana og ég veit
ekki hvort nokkur okkar hefur beðið
þess bætur.“
Hvernig kemur það til að saga
frá Bíldudal ratar á bók á Spáni?
„Kveikjan að þessu var sú að
þegar ég var að kenna ensku í þorp-
inu Priego de Córdoba átti ég það til
þegar krakkarnir voru ekki í stuði að
segja þeim sögur frá Bíldudal. Þá féll
jafnan allt í dúnalogn og mestu
óþekktarangarnir sátu kyrrir og
sögðu ekki múkk. Þá datt mér í hug
að ég þyrfti að skrifa þetta niður.
Ég byrjaði að leita hófanna með
útgefanda í janúar og var svo af-
skaplega heppinn að finna einn í
Granada sem heitir Editorial Nazarí.
Það er ekkert spaug að komast að í
bókaheiminum,“ segir Jón sem býr í
bænum Alcalá la Real í Andalúsíu
ásamt spænskri konu sinni og átta
ára dóttur.
Fegurð Bíldudals ljóslifandi
Jón Sigurður er ánægður með
útkomuna og telur að bókin henti
ungum sem öldnum.
„Ég reyni að vera skáldlegur
eins og þegar ég skrifa á íslensku.
Lesandinn á að geta séð Bíldudal fyr-
ir sér, fjöllin og fjörðinn og fegurðina
alla. Og þetta skrautlega fólk sem
hélt þarna til á mínum bernskudög-
um.“
Þannig að þarna koma við sögu
raunverulegar persónur?
„Já já. Ég er svo langt frá þessu
fólki að ég leyfði mér meira að segja
að nota rétt nöfn á þau. Þarna eru
mínir bernskuvinir og þar á meðal
meðhöfundur síðustu bókar, Elfar
Logi, og nokkur sem frekar hefur
ræst úr eins og Jón Páll Jakobsson
sjómaður. Þau eru komin inn í
spænskar bókmenntir.“
Gerir upp Grikklandsárin
Jón kveðst munu þýða bókina á
íslensku við tækifæri en þangað til
geta bókaormar huggað sig við að
síðar í mánuðinum kemur ný bók eft-
ir hann út á íslensku. Sú kallast Tví-
flautan og er uppgjör við fimm ára
búsetu hans á Grikklandi.
„Ég er búinn að vera með hana
lengi í smíðum. Ég var skipbrots-
maður á Grikklandi í fimm ár, var
eins og Ódysseifur með Sírenunum.
Eftir slæmt fyrsta ár þar sem ég var
að drepast úr niðurlægingu í mexí-
könsku eldhúsi var ég svo agalega
heppinn að komast inn á grískt
menningarsetur þar sem grísk tónlist
var leikin af fingrum fram á hverju
kvöldi. Þarna var samansafn af heim-
spekingum, kvennaflögurum,
drykkjumönnum og miklum grískum
þjóðernissinnum sem vissu skónúm-
er á grískum söngvurum og viður-
kenndu enga músík nema í henni
væri yfirgnæfandi búzúkí. Ég geri
þetta tímabil upp og fleygi þessum
persónum öllum til íslenskra lesenda.
Eflaust er Grikklandi breytt en
þetta Grikkland sem var lifnar við á
þessum síðum. Þetta er algerlega
stórkostlegt land. Þarna er allt til alls
en eins og oft þegar svo er þá fer allt
til andskotans.“
Sögur frá Bíldudal
skrifaðar á spænsku
Ljósmynd/Raúl Góngora
Upplestur Jón Sigurður les Bíldudalssögur í skáldaklúbbnum Entre Aldonzas y Alonsos um liðna helgi.
 Jón Sigurður rifjar upp skrautlega æsku fyrir Spánverja
Í yfirlýsingu sem Alda Hrönn Jó-
hannsdóttir, yfirlögfræðingur hjá
lögreglunni á höfuðborgarsvæðinu,
sendi frá sér í gær segir hún mikinn
létti að LÖKE-málið hafi verið fellt
niður enda hafi hún verið ranglega
sökuð um að hafa misbeitt valdi í
starfi sínu hjá lögreglunni á Suður-
nesjum.
„Allt hefur þetta vakið mig til um-
hugsunar um hvort eðlilegt sé að
kæra megi fólk persónulega fyrir
það eitt að sinna störfum sínum.
Vissulega er óheppilegt hvernig fjöl-
miðlaumfjöllun getur leikið grunaða
í viðkvæmum sakamálarannsóknum
eins og þeirri sem kærandinn var
hluti af. Sérstak-
lega þegar grun-
ur leiðir ekki til
ákæru, dóms, eða
eingöngu dóms
fyrir eitt kæru-
efni,“ segir hún í
yfirlýsingunni og
bendir á að full
ástæða sé fyrir
löggjafann og
stéttarfélög opin-
berra starfsmanna að skoða það
vandlega.
LÖKE-málinu svokallaða er þar
með lokið og endar með niðurfell-
ingu setts héraðssaksóknara.
LÖKE-málinu lokið
með niðurfellingu
 Alda Hrönn fagnar niðurstöðunni
Alda Hrönn
Jóhannsdóttir