Morgunblaðið - 13.10.2017, Blaðsíða 13

beinu sambandi við neðanjarðar-
öflin, hið svokallaða helvíti. En
þeir leita upp og út um hverina.“
Snorri borðaði hverafugl
„Þeir fá ekkert pláss í fugla-
bókum, þessir hverafuglar, þeir
eru meira í þjóðsagnabókum.
Þeir eru rammíslenskir og eru
flestir á Suðurlandi, í kringum
Hveragerði til dæmis,“ segir
Hjörleifur sem aldrei hefur sjálf-
ur séð slíkan fugl. „En menn sáu
hverafugla mikið í gamla daga,
og þeir voru meira að segja étn-
ir. En það reyndist frekar erfitt
að sjóða þá, enda eru þeir mest í
vatni sem er langt yfir suðu-
marki. Best er að matreiða þá í
köldu vatni. Snorri á Húsafelli
talar um þessa fugla í sínum
fræðum og hann sagðist hafa
borðað þá. Hann sagði að það
væri kuldabragð af þeim, en þeir
væru þó ætir.“
Hjörleifur segir meðlimi
Söngfjelagsins ekki hafa hug á
því að standa kyrrir á meðan
þeir syngja Fuglakabarettinn á
morgun laugardag.
„Við ætlum að bregða á leik,
það eru voða mikil læti í okkar í
þessum flutningi, enda er kórinn
mjög hreyfanlegur. Það er hægt
að gera hvað sem er með
Söngfjelaginu.“
Tónleikarnir í Lækninga-
minjasafninu hefjast kl. 16 og er
frítt á viðburðinn sem er einn af
mörgum dagskrárliðum Menn-
ingarhátíðar Seltjarnarness.
Söngfjelagið er um 50 manna
blandaður kór sem Hilmar Örn
Agnarsson stjórnar.
DAGLEGT LÍF 13
MORGUNBLAÐIÐ FÖSTUDAGUR 13. OKTÓBER 2017
Forsala á Jólagesti Björgvins hófst í
gærmorgun með látum og er nú svo
komið að nærri uppselt er á tón-
leikana sem haldnir verða klukkan 17
og 21 þann 10. desember nk.
Hafa aðstandendur tónleikanna því
brugðið á það ráð að halda sérstaka
aukatónleika 11. desember og hefjast
þeir klukkan 21. Sala á aukatón-
leikana hefst 19. október klukkan 10,
en engin póstlistaforsala verður í
boði fyrir þá tónleika.
Gestir Björgvins verða Gissur Páll,
Júníus Meyvant, Páll Óskar, Svala,
Ragga Gísla, Jóhanna Guðrún og
Katrín Halldóra Sigurðardóttir. Sér-
stakur gestur verður Stefán Karl.
Jólagestir Björgvins
Gestgjafinn Bó á jólatónleikum.
Munu bæta við
aukatónleikum
Leikfélag Hveragerðis var stofnað ár-
ið 1947 og fagnar því 70 ára afmæli
þetta árið. Af því tilefni ætlar leik-
félagið að frumsýna söngdagskrá
undir heitinu Söngur og leikur í 70 ár
í kvöld, föstudag, kl 20 í Leikhúsinu
Austurmörk 23, Hveragerði.
Flutt verða lög úr leikritum sem
Leikfélagið hefur sýnt á undan-
förnum árum, t.d. Saumastofunni,
Þið munið hann Jörund, Þrek og tár,
Einn koss enn og ég segi ekki orð við
Jónatan, Línu Langsokk, Dýrunum og
fleirum. Þriggja manna hljómsveit
undir stjórn Guðmundar Eiríkssonar
sér um undirleik.
Í tilkynningu kemur fram að
söngvarar séu 15 – 20 með einsöng
og kórsöng, og að leikfélagið hafi
fengið bíóstóla úr Austurbæjarbíói
og sett í salinn til að skapa sem
notalegasta stemningu fyrir
skemmtilega kvöldstund. Einnig er
tekið fram að húsið hefur fengið vín-
veitingaleyfi.
Önnur sýning á Söng og leik í 70 ár
verður á morgun, laugardag 14. októ-
ber. Miðapantanir í síma 863-8522.
Söngur og leikur í 70 ár
Líf og fjör hjá Leikfélagi Hvera-
gerðis í tilefni stórafmælis
Fjör Tvö atriði úr leikritinu Einn koss enn og ég segi ekki orð við Jónatan.
Morgunblaðið/Ómar
Kría Hjörleifur yrkir m.a um hana.
Með hverri pantaðri ferð hjá Hreyfli, styrkir þú
Krabbameinsfélagið til stuðnings krabbameinsgreindum
og aðstandendum þeirra.
Af því tilefni höfum við sérmerkt bílana okkar
enn á ný með bleikum taxaljósum.
Taktu bleikan bíl næst þegar þú pantar leigubíl!
Bleika slaufan” er til sölu í bílunum okkar frá 1. – 15. október.
Hreyfill er styrktaraðili
árvekniátaks Krabbameinsfélagsins
í október og nóvember
Styrkjum starfsemi
Krabbameinsfélagsins
Fögnum 10 ára
samstarfi
Hreyfils og
Bleiku slaufunnar
2007 - 2017
Tökumbleikan
bíl!