Morgunblaðið - 23.01.2018, Page 29
DÆGRADVÖL 29
MORGUNBLAÐIÐ ÞRIÐJUDAGUR 23. JANÚAR 2018
Stjörnuspá
21. mars - 19. apríl
Hrútur Jafnvel metnaðarfyllsta markmiðið
getur verið innan seilingar, ef maður sleppir
takinu af öflum sem vinna gegn því. Ekki halda
aftur af þér. Gakktu hreint til verks og láttu ljós
þitt skína.
20. apríl - 20. maí
Naut Einhverjar góðar fréttir berast þér í dag
og megir þú vel njóta. Minntu sjálfan þig bara
á, hvers vegna þú ert að eltast við þín háleitu
markmið.
21. maí - 20. júní
Tvíburar Nú er tími ævintýranna svo gríptu
þau tækifæri sem gefast til að upplifa þau. Sá
sem þú ræðir við mun leggja ýmislegt til mál-
anna og veita þér holl ráð.
21. júní - 22. júlí
Krabbi Það getur verið bæði fræðandi og
skemmtilegt að hlýða á það sem eldra fólk hef-
ur til málanna að leggja. Þú færð það sem þú
vilt en ekki á sama hátt og þú hélst.
23. júlí - 22. ágúst
Ljón Nú þarft þú að taka á honum stóra þínum
og standa af þér stormviðri um stundarsakir.
Hugsun þín er skýr og raunsæ og þú munt
komast vel frá verkefnum sem þú tekur að þér.
23. ágúst - 22. sept.
Meyja Leystu hvert mál skref fyrir skref, en
alls ekki hespa þau af í einu vetfangi. Enginn er
eyland og vertu því óhræddur við að tjá öðrum
hug þinn og biðja um aðstoð.
23. sept. - 22. okt.
Vog Þið fáið hverja hugmyndina annarri betri
en getið ekki gert upp á milli þeirra. Hafðu í
huga að samskipti þín við aðra endurspegla
það hver þú ert.
23. okt. - 21. nóv.
Sporðdreki Reyndu að mæta þörf þinni fyrir
aukna hvíld og einveru. Yfirmenn þínir, for-
eldrar og aðrir yfirboðarar eru sérlega sam-
vinnuþýðir í dag.
22. nóv. - 21. des.
Bogmaður Eru peningar vandamál hjá þér eða
finnst þér það bara og ert þannig að skapa
spennu í litla heiminum þínum? Slappaðu af
og gefðu þér tíma til þess að njóta dagsins.
22. des. - 19. janúar
Steingeit Láttu hendur standa framúr erm-
um. Ef þú heldur kynningu í dag, verður hún al-
ger smellur.
20. jan. - 18. febr.
Vatnsberi Þú ert í fullu fjöri og veist varla í
hvorn fótinn þú átt að stíga. Mundu að þol-
inmæðin skiptir miklu máli og þú færð hana
endurgoldna þegar þér hentar.
19. feb. - 20. mars
Fiskar Hæfileikar þínir eru ótvíræðir og vekja
aðdáun annarra og stundum öfund og umtal.
Slíkt verður best stöðvað með því að ganga
beint að sögusmettunum.
Jafnvel þótt menn reyni að berasig vel út á við þá hlýtur það að
vera beiskur kaleikur fyrir Arsenal
að selja sinn besta leikmann í annað
sinn á örfáum árum til Manchester
United. Sumarið 2012 var það Rob-
in van Persie og núna er röðin kom-
in að Alexis Sánchez. Færa má fyrir
því haldbær rök að þetta séu tveir
bestu leikmennirnir sem leikið hafa
fyrir Arsenal frá því Thierry Henry
hvarf á braut fyrir rúmum áratug.
Afstaða van Persie var klár; hann
þráði að vinna Englandsmeistaratit-
ilinn og eftir átta ár á Highbury/
Emirates komst hann að þeirri nið-
urstöðu að það myndi ekki gerast
hjá Arsenal. Þess vegna þrýsti hann
á flutning til Old Trafford og innan
árs var hann orðinn enskur meist-
ari.
x x x
Seint verður sagt að Sánchez séfjölmiðlaglaðasti sparkandi
samtímans en eflaust er hann að
hugsa á svipuðum nótum. Enski
meistarabikarinn og sjálfur Evr-
ópubikarinn eru án efa ofarlega á
óskalistanum. Nú og svo fær hann
víst þokkalegasta kaup líka.
Salan á Sánchez er þungt högg
fyrir Arsène Wenger, knatt-
spyrnustjóra Arsenal, persónulega
enda er Sílemaðurinn fyrsta stóra
nafnið sem Wenger hefur neyðst til
að sleppa síðan van Persie fór.
Margt benti til þess að búið væri að
girða fyrir það vandamál enda fjár-
hagsstaða Arsenal sjaldan verið
betri. Það getur hins vegar reynst
dýrkeypt að komast ekki í Meist-
aradeild Evrópu og Arsenal sýpur
nú seyðið af því.
x x x
Það er auðvitað huggun harmigegn að fá Henrikh Mkhitaryan
í beinum skiptum fyrir Sánchez.
Þegar van Persie fór kom enginn
leikmaður á móti. Armeninn er
prýðilegur leikmaður enda þótt
hann sé sannarlega enginn Sánchez.
Um það eru líklega flestir sammála.
En hver veit? Kannski finnur
Mkhitaryan þúfuna sína og verður
meiri happafengur en Jimmy
Rimmer, Brian Kidd, Mikaël Silve-
stre og Danny Welbeck. Það þarf
ekki mikið til? vikverji@mbl.is
Víkverji
Lofaður sé Drottinn, Guð Ísraels, því
að hann hefur vitjað lýðs síns og búið
honum lausn.
(Lúk: 1:68)
Tíska &
förðun
Fylgir Morgunblaðinu
föstudaginn 16. febrúar
Í Tísku og förðun verður fjallað um
tískuna í förðun, snyrtingu og fatnaði,
fylgihlutum auk umhirðu húðarinnar,
dekur og fleira
PÖNTUN AUGLÝSINGA:
Til kl. 16 föstudaginn 9. febrúar
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
SÉRBLAÐ
–– Meira fyrir lesendur
Ásunnudaginn hafði Fía á Sandiorð á því, að hún væri um það
bil hætt að yrkja stökur en læsi enn
leir. Þess vegna ákvað hún að senda
brot úr dagbókinni heldur en ekk-
ert. – En þetta „brot“ er raunar
smáljóð, – tær skáldskapur:
Um höfin aldan rauðvið rekur,
rúllar í fjörur og aftur tekur.
Sorfinn brimi, saltur, marinn
sólþurrkaður, fúavarinn
liggur hann í sandi síðast,
sandstormar á honum níðast.
Hann er alveg eins að strjúka
og öldufaldinn silkimjúka.
Ólafur Stefánsson segir frá því,
að mikil orka fari í það bæði hjá sér
og öðrum að segja hluti sem allir
viti og sjái. T.d. hvað gerist í nátt-
úrunnar ríki. Það snjóar og blæs,
snjóinn tekur upp, það hlánar, og
svo fer allt af stað á nýjan leik. Með-
an þessu fer fram þá fikrar sólin sig
hærra og hærra upp á himinhvelf-
inguna, að vísu hægt í fyrstu, en svo
vex henni ásmegin og tekur stærri
skref.Og alltaf eru menn jafn hissa.
Það fer ekki framhjá neinum,
sem fórnar hér ljóðagraut,
að sólin sem lá hér í leynum,
er lögð upp á norðurbraut.
En allir svo andskoti hissa,
undrast slíkt háttalag,
þó fyrir sé fjallgrimm vissa,
að færumst nær vori hvern dag.
Sigrún Haraldsdóttir gat ekki
orða bundist en sagðist hafa fengið
nóg af þessum vetri:
Nötra af kulda nauðug má,
nefið fullt af hor,
lakar eru líkur á
ég lifi fram á vor.
Páll Imsland heilsar Leirliði, –
sem enn þraukar! Og tekur undir
með Sigrúnu:
Skelf og nötra, skramla bein,
skert er líf og kraftur.
Svona vetur vont er mein.
Vona’ hann komi’ ekki’ aftur.
Helgi R. Einarsson heldur sig við
limrurnar. Hér kemur „Sorg“:
Úti um mela og móa
syngur mjúkrödduð, einmana lóa.
Það ku vera’ af því,
karlleysi í,
út af kaldlyndum, hortugum spóa.
Sigríður Bárðardóttir orti:
Nikulás ég nýtan finn
nú á bættu haldi
formaður í fyrsta sinn
fyrir hlandkeraldi.
Halldór Blöndal
halldorblondal@simnet.is
Vísnahorn
Rekaviður og sól
hækkar á lofti
BLÓMABEÐSVÆTA.
„HÚN VAR EKKI MEÐ KLINK TIL AÐ SKIPTA
5.000 KALLI.“
Í klípu eftir Mike Baldwin eftir Jim UngerHermann
Ferdinand
Hrólfur hræðilegi
Grettir
... að líða stundum eins
og hann sé enn hjá þér.
JÆJA LÆKNIR, ERTU
AÐ HITTA EINHVERN
ÞESSA DAGANA?
BARA SJÚK-
LINGANA MÍNA
HVERT FÓR
HANN?
HANN ER Á
BIÐSTOFUNNI
AÐ KYSSA VEIKAN
ST. BERNHARÐS-
HUND
SVERÐFIMI ERU MÍNAR ÆR
OG KÝR! SVÚSH!
ÞAÐ LÍTUR ÚT FYRIR AÐ ÆRNAR OG
ANDVARP
KÝRNAR SEM ÞÚ
BORÐAR SÉU AÐ TRUFLA
SVERÐFIMINA!