Morgunblaðið - Sunnudagur - 21.01.2018, Blaðsíða 12

ÚTIVIST
12 MORGUNBLAÐIÐ SUNNUDAGUR 21.1. 2018
Þau eru misjöfn áramótaheitin sem fólk setur sér ánýju ári en flest snúast þau um að ná nýjummarkmiðum og ögra sjálfum sér. Hrönn Bald-
ursdóttir varð fimmtug árið 2017 og í upphafi síðasta
árs ákvað hún að ganga fimmtíu sinnum upp að steini í
Esju á árinu. Hún leyfði Facebook-vinum að fylgjast
með og setti inn eina færslu og eina sjálfu í hvert skipti
sem hún fór á Esjuna.
Í byrjun desember átti hún eftir sautján ferðir.
Blaðamaður var einn af þeim sem fylgdust með þessari
áskorun og það var ekki laust við smá áhyggjur; skyldi
hún klára þetta fyrir áramót?
En Hrönn fór létt með það og skráði síðustu Esju-
færsluna daginn fyrir gamlársdag: 50/50 Já það tókst.
Dásamlegt að ljúka markmiði og ánægð með að hafa
byrjað. Naut þess að fara yfir árið á leiðinni upp og
íhuga næstu markmið. Þau verða nokkur eins og venju-
lega þó þau rati ekki alltaf á Fb. Kærar þakkir fyrir
hvatninguna. Setjum okkur markmið, þau eru tæki til
að nota og setja markið hærra. Sigurinn felst í að
BYRJA!
Tengir jóga við göngur
Hrönn er náms- og starfsráðgjafi í Fjölbraut í Ármúla,
jógakennari hjá Yogasmiðjunni og gönguleiðsögu-
maður. Hún er ekki ókunnug fjallamennsku og göngu-
ferðum.
„Það eru átta ár síðan ég byrjaði að vera með jóga-
göngur og hef verið jógakennari lengi og gönguleið-
sögumaður. Mig langaði að tvinna þetta saman, jóga og
göngu, og hef verið í þessu aðalega á vorin, sumrin og
haustin,“ segir Hrönn.
„Svo hafði ég svigrúm fyrir ári að minnka vinnuna
niður í 50%,“ segir Hrönn og segist þá hafa haft betri
tíma fyrir Esjugöngur.
Vísar fólki veginn
„Ég hef verið með fjallabakteríu frá því að ég man eftir
mér og hef verið í því í þrjátíu ár. Þannig að ég fór í
gönguleiðsögunám sem er eins árs nám sem ég tók á
tveimur árum með vinnu. Svo lærði ég að vera Kundal-
ini-jógakennari þannig að ég er í þremur draumastörf-
um. Öll störfin fela í sér einhvers konar leiðsögn,“ segir
Hrönn.
„Það er yndislegt að finna það þegar maður getur vís-
að fólki áfram. Ég byrjaði um 2009 að fara í jógagöngur,
en það er í raun ferð út í náttúruna þar sem við förum í
hugleiðslu. Þá göngum við mismunandi rólega þar sem
við einbeitum okkur að önduninni og beinum athyglinni
að einhverju, í lotum. Stundum er gengið í þögn og
stundum er stoppað og farið í jógaæfingar, hugleiðslu
eða öndunaræfingar. Ég fókusera á Ísland, ég er ekki
með það í kortunum að fara til útlanda, það eru nógu
margir í því. Ég er heilluð af Íslandi,“ segir Hrönn.
„Þetta er draumalandið fyrir svona göngur; hér er
víðátta og kyrrð og stutt að fara til að komast út í nátt-
úruna.“
Að ganga yfir landið
Hrönn hafði nóg fyrir stafni á fimmtugsárinu sínu. Auk
starfanna þriggja stofnaði hún fyrirtækið Þín leið sem
skipuleggur jógagöngur, á milli þess sem hún gekk á
Esjuna. „Þetta var stórt ár. Ég gekk líka inn í rekstur
Yogasmiðjunnar,“ segir Hrönn.
„Ég hef verið í gönguleiðsögn á sumrin, fyrst hjá Ís-
lensku fjallaleiðsögumönnum með útlendinga og svo
undanfarin ár með Útivist. Þar fékk ég það drauma-
verkefni að vera leiðsögumaður „horn í horn“, þar sem
er gengið frá Eystra horni að Hornströndum á fjórum
árum, í áföngum,“ segir Hrönn. „Þetta er draumurinn,
mér finnst þetta æðislegt.“
Hvað er heillandi við þetta?
„Það er ofboðsleg orka að vera í náttúrunni og alger
jarðtenging að vera einn í víðáttunni. Svo er þetta líka
áskorun að þora að fara þangað þar sem enginn er,
kannski leiðir sem eru ekki endilega stikaðar. Mér
finnst líka gaman að ganga eftir korti og áttavita. Ég er
ratvís og finnst gaman að lesa í landið,“ segir Hrönn og
nefnir að margar mismunandi ástæður liggi að baki
göngum hjá fólki.
„Sumir eru að keppa við tímann, aðrir að fá líkamlega
útrás og enn aðrir vilja kúpla sig út úr daglega lífinu.“
Gjöf til mín
„Ég setti mér þetta markmið að fara fimmtíu sinnum
upp Esjuna. Ég vildi gefa sjálfri mér þennan tíma. Og
halda mér í þorinu, ef hægt er að orða það svo. Svo fær
maður svo góðar hugmyndir úti í náttúrunni, þetta er
gott fyrir líkama og sál,“ segir Hrönn.
„Þó ég gangi mikið er ég ekki oft að ganga fyrir sjálfa
mig. Þetta var gjöf til mín, og til að halda mér í formi,“
segir hún.
„Í byrjun ársins gerði ég áætlun en ég er algjör excel-
aðdáandi,“ segir Hrönn og brosir. „Þá dreifði ég göng-
unum yfir árið en hafði mest yfir vor, sumar og haust.
Planið var að hafa í mesta lagi tvær eða þrjár ferðir í
desember, en svo riðlaðist það. Ég var aldrei með
áhyggjur af þessu en þurfti að setjast niður og gera nýtt
plan. Ég átti sautján ferðir eftir í desember. Það var þá
bara meiri áskorun og gott að setja þetta á Facebook.
Mér finnst líka gaman að sýna það að konur á mínum
aldri eru að fara í fjallgöngur einar og að sýna að maður
þarf ekki að vera í pásu yfir veturinn. Það er oft svo gott
veður yfir veturinn líka,“ segir Hrönn. „Við getum öll
verið aðeins ákveðnari við okkur, við getum mikið
meira. Svo er gaman að vera góð fyrirmynd,“ segir
Hrönn og bætir við: „Sigurinn felst í því að byrja, ekki
endilega að klára.“
Hrönn birti fimmtíu sjálfur af sér uppi á Esjunni og deildi með Facebook-vinum
sem fylgdust spenntir með þessari áskorun sem lauk á næstsíðasta degi ársins.
Hrönn fór létt með að fara
fimmtíu sinnum á Esjuna, enda
alvön fjallgöngukona. Hún
segir sigurinn felast í að byrja.
Morgunblaðið/Ásdís
Fimmtíu
sinnum á
fimmtugsárinu
Göngugarpurinn, jógakennarinn og námsráðgjafinn
Hrönn Baldursdóttir setti sér markmið í upphafi árs
2017 að ganga 50 sinnum á Esjuna árið sem hún
fyllti fimmta tuginn. Hún segir hollt að fara út fyrir
þægindarammann og ögra sjálfum sér.
Ásdís Ásgeirsdóttir asdis@mbl.is