Morgunblaðið - 09.05.2018, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 9. MAÍ 2018
2018
Suðurhrauni 4210 Garðabæ | Furuvellir 3 600 Akureyri | Sími 575 8000 | samhentir.is
Heildarlausnir
í umbúðum og öðrum rekstrarvörum
fyrir sjó- og landvinnslu
u KASSAR
u ÖSKJUR
u ARKIR
u POKAR
u FILMUR
u VETLINGAR
u HANSKAR
u SKÓR
u STÍGVÉL
u HNÍFAR
u BRÝNI
u BAKKAR
u EINNOTA VÖRUR
u HREINGERNINGAVÖRUR
Allt á
einum
stað
Ágúst Ingi Jónsson
aij@mbl.is
„Af hverju í ósköpunum þarf að taka
gróðurreit með menningarminjum
undir þétta byggð?“ spyr Helgi
Hilmarsson, grafískur hönnuður og
stjórnarmaður í Vinum Saltfisk-
móans. Hópurinn var settur á lagg-
irnar í síðasta mánuði þegar íbúar í
næsta nágrenni fréttu af áformum
borgaryfirvalda
um að þétta ætti
byggð á Sjó-
mannaskólareit.
„Með þéttingar-
áformum sínum í
Saltfiskmóanum
teljum við borgar-
yfirvöld vera að
fara offari og ótt-
umst að gerð
verði óafturkræf
mistök,“ segir í
athugasemdum sem hópurinn hefur
sent borgaryfirvöldum.
Markmið hópsins er að standa
vörð um Saltfiskmóann, en þar var
saltfiskur þurrkaður frá því um 1920
og fram eftir síðustu öld. Í athuga-
semdum hópsins um áformin segir að
stakkstæðið sé að líkindum það síð-
asta sinnar tegundar í Reykjavík.
Það hafi mikið fágætisgildi þar sem
minjar geymi mikilvæga heimild um
atvinnusögu og því beri að hlífa.
Í þágu húsnæðismarkaðarins
Á stakkstæðinu var upphaflega
starfsemi á vegum Kveldúlfs og bent
er á að aðeins séu nokkrir mánuðir
þar til stakkstæðið teljist til forn-
minja samkvæmt lögum um menn-
ingarminjar og nyti þar með friðunar
nema annað væri ákveðið af Minja-
stofnun Íslands. Vakin er athygli á
því í athugasemdunum að Minja-
stofnun sé ekki talin upp meðal um-
sagnaraðila í verklýsingu vegna
breytinga á aðalskipulagi á reitnum.
Þá er bent á að Sjómannaskólinn er
friðaður.
Nýverið gerðu Reykjavíkurborg
og ríkið með sér samkomulag um
endurskipulagningu nokkurra svæða
sem hafa verið á forsjá ríkisins síð-
ustu áratugi. Markmið samkomu-
lagsins er að stuðla að betri nýtingu
þessara svæða og þá einkum í þágu
húsnæðismarkaðarins og stuðla að
uppbyggingu íbúðarhúsnæðis á
hluta þessara svæða, eins og það er
orðað í verklýsingu vegna breytinga
á aðalskipulagi á Sjómannaskólareit
og Veðurstofuhæð.
Verkefnislýsing var samþykkt í
borgarráði síðasta fimmtudag og
birtist auglýsing um fyrirhugaða
breytingu í gær. Þar er gefinn frest-
ur til 28. maí til að gera athuga-
semdir við breytta landnotkun.
Fram kemur í athugasemdum
íbúahópsins að þegar sé búið að
veita vilyrði fyrir lóðum á
Sjómannaskólareitnum fyrir bygg-
ingu a.m.k. 100 íbúða ætlaðra eldri
borgurum og námsmönnum þrátt
fyrir að hvorki sé búið að vinna aðal-
né deiliskipulag fyrir reitinn og vinnu
við hverfaskipulag sé ólokið. „Við
höfum því fulla ástæðu til að óttast að
lítið samráð verði í reynd haft við
íbúa svæðisins og lítið mark tekið á
ábendingum skilgreindra hagsmuna-
aðila.“
Fleiri íbúðir en í Hveragerði
Íbúar hafa m.a. áhyggjur af vax-
andi umferð, enda hafi mikið verið
byggt þar síðustu ár. Þá sé skortur á
opnum svæðum í hverfinu.
Í athugasemdunum kemur fram að
á um rúmlega hálfs ferkílómetra
svæði sem umlykur móann og af-
markast af Laugavegi í norðri, Skip-
holti í austri, Bólstaðarhlíð í suðri og
Þverholti í vestri sé búið að byggja,
séu í byggingu eða áformaðar tæp-
lega 1.300 nýjar íbúðir. Þar af séu 235
þegar risnar við Einholt/Háteigs-
veg/Þverholt og 400 áætlaðar á
Heklureitnum við Laugaveg. Þar
fyrir utan séu einnig a.m.k. 12 hótel
með hundruðum herbergja og til-
heyrandi umferð innan hverfisins.
Til að setja þessa fjölgun íbúða á
jafnlitlum bletti og raun ber vitni í
samhengi megi benda á að heildar-
fjöldi íbúða í Hveragerði sé 1.012.
Eins og súrefniskútur
í þéttri byggðinni
„Fyrir okkur er þessi græni reitur
eins og súrefniskútur í þéttri byggð-
inni,“ segir Helgi Hilmarsson. „Börn
og fullorðnir nýta þessa gróðurvin og
þó svo að þarna sé ekki alltaf fullt af
fólki, frekar en í öðrum hverfis-
görðum, er móinn mikilvægur hluti
af umhverfinu og þar er mikil saga.
Við höfum fengið mikinn stuðning og
sannast sagna hvarflaði ekki að okk-
ur að þarna í hverfisgarðinum okkar
yrði byggt. Frumbyggjarnir töldu
reyndar að svæðið væri friðað.“
Í lokaorðum Vina Saltfiskmóans í
athugasemdunum segir m.a.: „Af öllu
framangreindu má ljóst vera að það
er að ýmsu að huga þegar þétta skal
byggð í grónum hverfum og sérdeilis
mikilvægt að það sé gert í samráði og
sátt við þá íbúa, hagsmunaaðila og
landnýtingu sem fyrir er. Við vörum
eindregið við því að þétting byggðar
sé gerð á kostnað almannagæða, úti-
vistarsvæða, menningarminja og
friðaðra bygginga.“
Telja borgaryfirvöld fara offari
 Íbúar í nágrenni Sjómannaskólans leggjast gegn byggingaráformum á gömlu stakkstæði  Vinir
Saltfiskmóans vilja vernda menningarminjar og hverfisgarð  Óttast að gerð verði óafturkræf mistök
Fyrirhugaðar breytingar á Sjómannaskólareit
Grunnkort/Loftmyndir ehf.
Skipholt
V
a
tn
sh
o
lt
Háteigsvegur
Háteigskirkja
Sjómannaskóli
Vélahús
Vatns-
tankar
Námsmann
aíbúðir
Námsmanna-
íbúðir og
leikskóli
N
ó
a
tú
n
Mörk þróunarsvæðis
Bílastæði
S a l t f i s k m ó i n n
Möguleg
íbúðabyggð
Möguleg
íbúðabyggð
Á heimasíðu Leikskólans
Klambra má finna eftirfarandi
klausu, en skólinn er til húsa á
jarðhæð stúdentagarða við Há-
teigsveg. „Næstu kennileiti leik-
skólans eru Sjómannaskólinn og
Háteigskirkja … Vatnshóllinn við
hlið leikskólans er uppspretta
ævintýra og leikja og þaðan er
útsýni yfir borgina og víðar.
Svæðið vestan við Sjómanna-
skólann, sem eru gamlir salt-
fiskreitir, kalla börnin eldfjallið
og er það menningarverðmæti
sem börnin í Klömbrum kunna að
meta. Þar er líka náttúrulegt holt
þar sem börnin fá góða æfingu í
að ganga í þúfum og grjóti.“
Eldfjallið og
Vatnshóllinn
LEIKSKÓLINN KLAMBRAR
Helgi
Hilmarsson
Geir Þorsteinsson, sjálfstætt starfandi og fyrrverandi
forseti Knattspyrnusambands Íslands, er efstur á fram-
boðslista Miðflokksins í Kópavogi fyrir bæjarstjórn-
arkosningarnar 26. maí.
Jakobína Agnes Valsdóttir, hrossaræktandi, er í 2.
sæti, Helgi Fannar Valgeirsson, matreiðslumaður, er í
þriðja sæti,
Una María Óskarsdóttir, varaþingmaður, er í fjórða
sæti, Benedikt Ernir Stefánsson, viðskiptafræðingur í
því fimmta og Kolbrún Stefánsdóttir, framkvæmda-
stjóri, er í sjötta sæti.
Geir Þorsteinsson efstur á
lista Miðflokksins í Kópavogi
Geir
Þorsteinsson
Sveinbjörn Ottesen verkstjóri leiðir lista Framsóknar-
flokksins í Mosfellsbæ fyrir sveitarstjórnarkosning-
arnar 26. maí næstkomandi.
Í tilkynningu frá flokknum segir að frambjóðend-
urnir muni berjast fyrir því sem á þeim brennur:
menntamálum, samgöngumálum og þjónustu við bæj-
arbúa.
Í öðru sæti á listanum er Þorbjörg Sólbjartsdóttir,
kennari og einkaþjálfari, Birkir Már Árnason sölumað-
ur er í þriðja sæti, Óskar Guðmundsson, fulltrúi í flutn-
ingastjórnun, er í 4. sæti, Sveingerður Hjartardóttir
ellilífeyrisþegi í því fimmta og Kristján Sigurðsson
verslunarmaður er í sjötta sæti.
Sveinbjörn Ottesen leiðir lista
Framsóknarflokks í Mosfellsbæ
Sveinbjörn
Ottesen