Morgunblaðið - 18.05.2018, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 18. MAÍ 2018
Stöndum saman og kaupum álfinn – fyrir unga fólkið
SÁÁ– til betra lífs
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Bensínlítrinn hefur hækkað um 23
krónur frá því verðið var lægst í
fyrrasumar. Þá hefur verðið á dísil-
olíu hækkað um 25 krónur á lítrann.
Þetta kemur fram í athugun Fé-
lags íslenskra bifreiðaeigenda (FÍB)
fyrir Morgunblaðið. Costco bauð
lægsta verð á bensíni og dísilolíu í
fyrra. Bensín fór lægst í 164,9 kr. og
dísilolía lægst í 155,9 kr. Nú kostar
bensínið 187,9 krónur og dísilolía
180,9 krónur. Til samanburðar var
lægsta almenna verð á bensíni 190,7
kr. og dísilolíuverð lægst 177,2 kr. í
sjálfsafgreiðslu í fyrrasumar. Í gær
kostaði bensínlítri 219,8 kr. og dísil-
olíulítri 211,2 kr. Miðað er við al-
mennt verð án afsláttar.
Miðað við að fólksbíll eyði 7 lítrum
á hundraðið og séu eknir 10 þús. km
á ári kostar 23 kr. hækkun bensín-
verðs um 16.100 kr. á ári. Þá þýðir
hækkun dísilolíuverðs um 25 kr. auk-
in útgjöld upp á 17.500 kr. Auka-
kostnaðurinn getur því hlaupið á
tugum þúsunda ef fleiri en einn bíll
er í heimili. baldura@mbl.is
Bensínverðið á uppleið
 Nú 23 kr. hærra
en í fyrrasumar
Verð á bensíni og díselolíu frá 1. maí 2017
225
200
175
150
125
Kr./lítra Bensín: 95 oktan í sjálfsafgreiðslu Verð hjá Costco
Díselolía: Verð í sjálfsafgreiðslu Verð hjá Costco
maí júní júlí ágúst sept. okt. nóv. des. jan. feb. mars apríl maí
2017 2018Heimild: FÍB
Costco
Bensín
Dísel
Sjálfsafgreiðslustöðvar
Bensín
Dísel
Þorgerður Anna Gunnarsdóttir
Sólrún Lilja Ragnarsdóttir
„Við þurfum að vita hvað við erum
að gera vel til að vita hvað við þurf-
um að gera betur,“ sagði Halldór
Hauksson, sviðsstjóri meðferðar- og
fóstursviðs Barnaverndarstofu, á
opnum fundi SÁÁ-klúbbsins um
vímuefnavanda unga fólksins sem
fram fór í gærkvöldi. Fjöldi manns
sótti fundinn, en auk Halldórs fór
þar með framsögu Valgerður Rún-
arsdóttir, forstjóri sjúkrahússins
Vogs, áður en þau tóku svo bæði þátt
í pallborðsumræðum.
Í framsögu sinni sagði Halldór
mikilvægt að horfa á styrkleika
þeirrar þjónustu og úrræða sem
Barnaverndarstofa hefur yfir að
ráða, og byggja ofan á, í stað þess að
segja að allt sé ónýtt og að byggja
þurfi þjónustuna upp að nýju. Einn
af helstu styrkleikum þjónustunnar
sagði hann vera fjölkerfameðferð-
ina, eða MST, sem fram fer á heimili
þess sem á þarf að halda til þess að
yfirfærsla fari fram samhliða. 600
fjölskyldur hafa nýtt sér meðferðina
á síðastliðnum tíu árum og af henni
hlýst góður árangur. Á Stuðlum er
boðið upp á neyðarvistun á lokaðri
deild, en um helmingur þeirra barna
sem fer á meðferðarheimili fer beint
þangað. Hinn helmingurinn hefur
áður verið í MST, en fyrir um 20%
barna dugir sú meðferð ekki. 86 ein-
staklingar komu 211 sinnum á lok-
aða deild Stuðla árið 2017.
Þörf á nýju meðferðarheimili
Halldór sagði alvarlegt að
barnaverndarkerfið fengi í hend-
urnar mjög veika einstaklinga sem
ættu að vera inni á spítala, og að um-
fjöllun um barnaverndarmál hafi
verið neikvæð að undanförnu. Því
vildi hann minna á það sem vel væri
gert hér á landi. Það þýddi þó ekki
að ekki mætti bæta margt.
Til úrbóta sagði Halldór m.a. að
þörf væri á nýju meðferðarheimili á
höfuðborgarsvæðinu, sem og á vist-
heimili fyrir börn sem lokið hafa
meðferð en eiga ekki afturkvæmt
heim til sín vegna erfiðleika.
Þegar Halldór hafði lokið máli
sínu hélt Valgerður sitt erindi. Í máli
sínu lagði hún áherslu á þann vanda
sem samfélagið stendur fyrir vegna
skorts á úrræðum fyrir unga fíkla,
en í síðasta mánuði var tilkynnt að
Vogur myndi ekki lengur taka við
einstaklingum yngri en 18 ára. Val-
gerður sagði Vog þó ekki loka dyr-
um sínum fyrir þessum ungmennum
á meðan engin önnur úrræði væru í
boði, enda hafi SÁÁ sífellt aukið
þjónustu sína við ungmenni að und-
anförnu vegna þess að aðrir gerðu
það ekki.
Mikla þörf sagði hún vera á úr-
ræðum, en á síðasta ári komu á ung-
mennadeild Vogs 150 einstaklingar
sem voru innritaðir 260 sinnum. 60
þeirra voru ólögráða, þ.e. 17 ára eða
yngri. Valgerður sagði bráða nauð-
syn vera fyrir lokaða deild fyrir ungt
fólk með fíknivanda á heilbrigðis-
stofnun, og að framtíðarsýn í geð-
heilbrigðismálum þyrfti að sjá til
þess að börn í vímuefnavanda fengju
viðeigand meðferð.
Börn sem ættu að vera inni á spítala
 Barnavernd fær til sín mjög veika einstaklinga  Bráð þörf er á úrræðum fyrir börn með fíkni-
vanda  86 á lokaðri deild Stuðla og 60 ólögráða einstaklingar á ungmennadeild Vogs á síðasta ári
Morgunblaðið/Kristinn Magnússon
Stuðlar Halldór Hauksson fjallaði um meðferðarsvið Barnaverndarstofu.
Þrátt fyrir úrhellisrigningu á höfuðborgarsvæðinu í
gær lét þessi veiðimaður ekkert stoppa sig í að æfa
fluguköstin í Kópavogslæknum. Ágætisveðri er spáð í
dag en á morgun er búist við hvassvirði og jafnvel
stormi á suðvestanverðu landinu. Útlitið er líka frekar
leiðinlegt á sunnudaginn en best á Norðausturlandi.
Morgunblaðið/Kristinn Magnússon
Fluguköstin æfð í úrhellisrigningu
Útlit fyrir leiðinlegt veður um helgina
Byko hefur
ákveðið að áfrýja
til Landsréttar
dómi Héraðs-
dóms Reykjavík-
ur í máli
Samkeppnis-
eftirlitsins gegn
fyrirtækinu.
Héraðsdómur staðfesti niðurstöðu
áfrýjunarnefndar samkeppnismála
um að Byko hafi framið alvarleg brot
á samkeppnislögum og dæmdi fyr-
irtækið til að greiða 400 milljóna
króna sekt. Nefndin hafði áður dæmt
það til þess að greiða 65 milljónir
króna.
„Niðurstaða héraðsdóms veldur
vonbrigðum og við munum áfrýja
dóminum til Landsréttar enda sann-
færð um sakleysi fyrirtækisins. Hér-
aðsdómur kemst að annarri nið-
urstöðu en áfrýjunarnefnd
samkeppnismála um fjárhæð sekta
og hækkar sektir margfalt eða úr 65
milljónum króna í 400 milljónir
króna,“ segir í tilkynningu frá Sigurði
B. Pálssyni, forstjóra Byko.
Byko áfrýj-
ar til Lands-
réttar
 Sannfærð um sak-
leysi fyrirtækisins
Reykjavíkurborg
fær listaverka-
safn Nínu
Tryggvadóttur að
gjöf og setur á fót
safn í nafni henn-
ar. Viljayfirlýsing
þess efnis á milli
borgarinnar og
hjónanna Unu
Dóru Copley,
dóttur Nínu, og Scott Jeffries,
manns hennar, var samþykkt á fundi
borgarráðs í gær. Borgin þiggur að
gjöf listaverkasafn hjónanna sem
telur vel á annað þúsund verk og
ætlar að setja á laggirnar safn sem
ber nafn Nínu og verður fundinn
staður í Hafnarhúsinu.
Gefið listaverkasafn
Nínu Tryggvadóttur
Nína Tryggvadóttir.
Konan sem lést í bílslysi á Suður-
landsvegi vestan við Markarfljót á
miðvikudag hét Helga Haralds-
dóttir. Helga var búsett á bænum
Núpakoti undir Eyjafjöllum og læt-
ur eftir sig eiginmann, tvö börn og
eitt barnabarn.
Tveir bílar skullu saman um kl.
14:30 á fyrrnefndum stað sl. mið-
vikudag. Þrír voru fluttir með
þyrlu Landhelgisgæslunnar á slysa-
deild í Reykjavík.
Lést í bílslysi á
Suðurlandsvegi