Morgunblaðið - 18.05.2018, Blaðsíða 29

DÆGRADVÖL 29
MORGUNBLAÐIÐ FÖSTUDAGUR 18. MAÍ 2018
Stjörnuspá
21. mars - 19. apríl 
Hrútur Láttu ekki fagurgala annarra villa
þér sýn. Þú átt þér draum sem þú ættir að
fara að opinbera fyrir öðrum og hrinda í
framkvæmd.
20. apríl - 20. maí 
Naut Þú hefur áhyggjur af fjárhagslegri
framtíð þinni. Taktu aðstoð vinar fagnandi
því þú getur ábyggilega launað í sömu mynt
fyrr eða síðar.
21. maí - 20. júní 
Tvíburar Þig langar til að kaupa eitthvað
fallegt í dag. Þér berst hjálp frá aðila sem
þú áttir ekki von á. Allt er best í hófi.
21. júní - 22. júlí 
Krabbi Þú sérð í gegnum lélega samninga,
hálfsannleika og hvers kyns fjölmiðlabrellur í
dag. Þú ert í startholunum fyrir nýtt ást-
arsamband.
23. júlí - 22. ágúst 
Ljón Þú finnur hjá þér þörf til að ganga í
augun á einhverjum í dag. Rómantíkin gæti
tengst einstaklingi frá öðru landi. Þú slærð í
gegn í vinnunni.
23. ágúst - 22. sept. 
Meyja Þú ert ekki eins og þú átt að þér og
ættir að vera heiðarleg/ur við sjálfa þig og
aðra. Þú hefur gengið á orkuna undanfarnar
vikur, hvíldu þig við fyrsta tækifæri.
23. sept. - 22. okt. 
Vog Ekki vera ósveigjanlegur í skoðunum
þínum eða vanafastur í vinnunni. Láttu það
eftir þér að njóta lífsins og fara í bíó eða
leikfimi með góðum félaga.
23. okt. - 21. nóv.
Sporðdreki Það er sjálfsagt að lífga upp á
tilveruna með léttu gríni ef þú gætir þess
bara að það sé ekki á annarra kostnað. Mik-
ilvægt er að hreinsa loftið svo þú getir byrj-
að á núllreit.
22. nóv. - 21. des.

Bogmaður Þú ert ákveðin/n að komast að
niðurstöðu í einhverju máli. Mundu að vinur
er sá er til vamms segir. Vertu viss um að
þú vitir í hvað tekjur þínar fara.
22. des. - 19. janúar 
Steingeit Það eru kaflaskipti í aðsigi og þú
sem hefur haft í meiru en nógu að snúast
en átt nú allt í einu lausa stund. Allir ættu
að eiga kyrrðarstund með sjálfum sér dag-
lega.
20. jan. - 18. febr. 
Vatnsberi Gefðu þér tíma fyrir ástvini þína
einhvern part dagsins. Einhver flensa herjar
á fjölskylduna en hún gengur hratt yfir.
19. feb. - 20. mars

Fiskar Hraðinn eykst í lífi þínu á næstunni.
Vertu ekki aðeins vandlátur á það sem þú
lætur ofan í þig heldur líka þá sem þú um-
gengst.
Jón Ólafsson gaf eftir aldamótin1900 út lítið rit, Braga, sem átti
að birta úrvalsljóð íslenskra ljóð-
skálda er á 19, öld höfðu lifað. Ekki
komu þó út nema tvö hefti að ég
ætla og byrjar hið fyrra á ljóðum
Jóns á Bægisá. Mér þótti athygl-
isvert hvaða lausavísur hann valdi.
Hér koma faðernisvísur, en í inn-
gangi segir Jón um nafna sinn að
hann hafi haft „kostnað talsverðan
af ástarfari sínu; því að af og til
eignaðist hann launbörn, og fóstr-
aði þau oftast upp“. Fyrri vísan er
um Jón „Sigurðsson“:
Á Bæsá ytri borinn er
býsna valinn kálfur;
vænt um þykja mundi mér
mætti ég eiga ‘ann sjálfur.
Hin síðari er um Guðmund:
Illa fór það, unginn minn,
öðrum varstu kenndur;
finnst um síðir faðirinn
frómur að þér, Gvendur.
Nú kemur:
Margur rakki að mána gó,
mest þegar skein í heiði,
en ég sá hann aldrei þó
aftra sínu skeiði.
Um stúlku:
Þótt í hausinn vanti vit
víf með heyrn og máli
sést það ei fyrir silfurlit
og silkiklúta prjáli.
Hjaltadals-heiði:
Hjaltadals er heiði níð,
hlaðin með ótal lýti;
Fjandinn hefur á fyrri tíð
flutt sig þaðan í Víti.
Launbarnið:
Altjent segja eitthvað nýtt
ýtar lyndisglaðir.
Hvað er í fréttum? Hvað er nýtt?
Hvort er ég orðinn faðir?
Holdið mitt í hægum sess
hopaði sér til vansa;
nú er ég kominn á náðir prests,
- nýtt er mér að dansa!
Staka:
Óborinn til eymdakífs
ellegar dauður væri‘ eg
ef að bæði lykil lífs
og lásinn sjálfan bæri‘ eg.
Halldór Blöndal
halldorblondal@simnet.is
Vísnahorn
Stökur Jóns á Bægisá
Fátt reynir jafn mikið á annarsprýðilega þolinmæði Víkverja og
þegar fullyrt er að baráttan fyrir jafn-
rétti kvenna til jafns við karla sé tíma-
skekkja, því jafnrétti sé náð.
x x x
Ekki er Víkverji sammála þessu.Tölur og staðreyndir um launa-
mun, ójafna stöðu á vinnumarkaði og
kynbundið ofbeldi tala sínu máli.
x x x
Ðe Lónlí Bojs var vinsæl hljómsveitá 8. áratugnum. Eitt vinsælasta
lag hennar kom út á kvennaárinu 1975
og hét Kvöl er kvennaárið.
x x x
Rúnar Júlíusson syngur þar um aðþað sé til skammar hversu lítill
skilningur sé á jafnréttishugtakinu.
x x x
Að segja að kyn skipti ekki máli erdæmi um skort á þessum skiln-
ingi. Því ef kyn fólks skiptir ekki máli,
hvernig má þá skýra ójafna stöðu
karla og kvenna í samfélaginu?
x x x
Víkverji er algerlega ópólitískur ogaðhyllist ekki stefnu eins eða
neins flokks.
x x x
Eitt hefur Víkverji þó ákveðið fyrirkomandi kosningar. Það er að
hafa jafnréttismál í víðum skilningi í
huga þegar hann ráðstafar atkvæði
sínu.
x x x
Leti er einn af löstum Víkverja en núætlar hann að leggjast yfir stefnu-
skrár flokkanna með þetta í huga.
x x x
Dýrmætum tíma Víkverja verðurþar vonandi vel varið.
x x x
Innan félagsfræðinnar kallast okkarsamfélagsgerð feðraveldi. Það
hyglir karlmönnum en skapar konum
lægri sess og birtist m.a. í launamuni
kynjanna. Ef eitthvert framboð býðst
til að losa samfélagið undan þessu
leiða kerfi, þá fær sá hinn sami at-
kvæði Víkverja. vikverji@mbl.is
Víkverji
Lofaður sé Drottinn, Guð Ísraels, því
að hann hefur vitjað lýðs síns og búið
honum lausn.
(Lúk: 1.68)
Atvinna
Í klípu
„TAKK FYRIR ALLA HJÁLPINA VIÐ
NÁTTÚRUFRÆÐIVERKEFNIÐ MITT. ÉG
FÉKK 10 FYRIR ÚTHLUTUN VERKEFNA.“
eftir Mike Baldwin eftir Jim Unger
„HVAÐ GERÐIRÐU VIÐ STÓLINN HANS
PABBA?“
Hermann
Ferdinand
Hrólfur hræðilegi
Grettir
... að hafa mann við
fótskör þér.
STUNDUM HEF ÉG EKKI HUG-
MYND UM HVAÐ ÉG ER AÐ GERA
VÓ
ÉG VEIT ALLTAF
HVAÐ ÉG GERI
SÁ ER
HEPPINN
HELGA, ÉG ER BÚINN! ÉG ÞARF
EKKI AÐ FARA AFTUR FYRR EN
EFTIR HÁLFT ÁR!
Á ÉG AÐ TÆMA
BAÐKARIÐ?
JÁ! ÉG HEF EKKI
TÍMA FYRIR
LEÐJUBAÐ!!
Smáralind | Kringlunni | Reykjanesbæ | sími 511-2022 | www.dyrabaer.is
FYRIR
HUNDA
80% kjöt
20% jurtir
grænmeti
ávextir
O% kornmet
– fyrir dýrin þín