Morgunblaðið - 22.05.2018, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 22. MAÍ 2018
flísar fyrir vandláta
PORCELANOSA
Skútuvogi 6 - Sími 568 6755
Helgi Bjarnason
helgi@mbl.is
Efling stéttarfélag er að hefja
framkvæmdir við byggingu sex
íbúðarhúsa á landi sínu í Stóra-
Fljóti í Reykholti í Bláskóga-
byggð. Húsin verða leigð út sem
sumarbústaðir. Sex hús til við-
bótar verða byggð síðar. Þótt
Reykholt verði ekki stærsta sum-
arhúsahverfi félagsins verður það
samt flaggskip þess.
Verkamannafélagið Dagsbrún
keypti um 18 hektara skika úr
landi Stóra-Fljóts í Biskups-
tungum árið 1944. Frá upphafi var
ætlunin að reisa þar félags- og
hvíldarheimili fyrir Dagsbrúnar-
félaga, reykvíska verkamenn.
Ekkert varð af framkvæmdum þá.
Dagsbrún varð síðar að Eflingu
með sameiningu verkalýðsfélaga.
Nú er draumur forystumanna
Dagsbrúnar loks að verða að veru-
leika, þó með öðru sniði sé en ætl-
að var í upphafi.
Með yfirbragði íbúðagatna
Sveinn Ingvason, sviðsstjóri or-
lofsmála hjá Eflingu stéttarfélagi,
segir að unnið hafi verið að und-
irbúningi uppbyggingar sumar-
húsa í Stóra-Fljóti frá árinu 2002.
Niðurstaðan varð að byggja alls
tólf hús við tvær götur. Búið er að
skipuleggja og teikna og á næstu
dögum verður gengið frá samn-
ingum við verktaka um byggingu
sex húsa í fyrri áfanga verksins.
Þá er sveitarfélagið búið að leggja
lagnir og gera götur.
Landið er á svæði sem skipulagt
er sem íbúðahverfi, í beinu fram-
haldi af núverandi íbúðabyggð í
Reykholti. Sveinn segir að félagið
hafi fallist á að byggja húsin á
þeim grundvelli. Það þýðir að
meiri kröfur eru gerðar um að-
gengi og ferilmál en í sumar-
húsum.
Því þurfa húsin að vera stærri
en hefðbundnir sumarbústaðir
stéttarfélaga auk þess sem reiknað
er með að þau verði steinsteypt.
Göturnar verða því með yfirbragði
íbúðargatna fremur en sumarhúsa-
hverfis.
Eigi að síður verða húsin leigð
út sem sumarhús, eins og önnur
sumarhús félagsins.
Flaggskip Eflingar
Húsin í þessum áfanga verða 90
og 100 fermetrar að stærð. Þau
standa á holti ofan við Tungufljót
og er gott útsýni úr þeim.
Efling á sumarhús og íbúðarhús
víða um land. Stærsta hverfið er í
Svignaskarði í Borgarfirði, 16 bú-
staðir auk íbúðarhúss og 10 bú-
staðir eru í Ölfusborgum við
Hveragerði. Þótt sumarhúsa-
hverfið í Reykholti verði ekki
stærsta orlofshúsahverfi félagsins
verður það flaggskip þess og
kjarninn fyrir Suðurland, að sögn
Sveins. Þar skiptir mestu máli að
Efling verður ein á þessu svæði en
er í samvinnu við önnur félög í
Svignaskarði og Ölfusborgum.
Sveinn segir að stefnt hafi verið
að því að taka húsin í notkun í
haust. Það takist augljóslega ekki.
Spennan á byggingamarkaðnum
hafi orðið til þess að undirbún-
ingur hafi tekið lengri tíma en ætl-
unin var.
Tölvuteikning/Form
Íbúðarhús í nýju orlofshverfi Eflingar
 74 ára gömul áform forystumanna Dagsbrúnar um félags- og hvíldarheimi í Biskupstungum fyrir reykvíska
verkamenn loks að verða að veruleika  Keyptu 18 hektara í landi Stóra-Fljóts  Húsin 90-100 fermetrar að stærð
Stóra-Fljót Sex hús eru við hvora götu. Þar verða byggð íbúðarhús og verður yfirbragðið því annað en í hefðbundnum orlofshverfum.
Leit að karlmanni sem talið er að
hafi stokkið í Ölfusá aðfaranótt
sunnudags var hætt á sjötta tím-
anum í gærkvöldi, samkvæmt upp-
lýsingum frá svæðismiðstöð björg-
unarsveita.
Um áttatíu björgunarsveitarmenn
frá Reykjavík, Vesturlandi, Suður-
nesjum og Suðurlandi tóku þátt í
leitinni í dag og gengu þeir meðfram
ánni og sigldu á bátum. Drónar voru
einnig notaðir við leitina og þá flaug
þyrla Landhelgisgæslunnar yfir
svæðið í kring um hádegi. Leitinni
verður áfram haldið á morgun þar
sem útlit er fyrir slæmt veður á
svæðinu í dag. Gunnar Ingi Frið-
riksson, verkefnastjóri hjá svæð-
ismiðstöð björgunarsveitanna, segir
í samtali við mbl.is að leitin á mið-
vikudag verði minni í sniðum. „Við
verðum með minni mannafla og
þetta verður meira eftirlit,“ segir
Gunnar Ingi.
Gunnar Ingi segir að engar vís-
bendingar hafi fundist og að ástand-
ið sé óbreytt. Spáð er suðaustan
stormi á Suðurlandi í dag. Á morgun
munu björgunarsveitarmenn á bát-
um og göngumenn hefja leit á ný.
Þyrla Landhelgisgæslunnar mun að
öllum líkindum taka áfram þátt í
leitinni.
Leit frest-
að í Ölfusá
 Haldið verður
áfram á morgun