Morgunblaðið - 26.05.2018, Qupperneq 30

30 UMRÆÐAN
MORGUNBLAÐIÐ LAUGARDAGUR 26. MAÍ 2018
Með því að velja hráefnið
af kostgæfni, nota engin aukaefni
og hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Söluaðilar:
10-11, Hagkaup, Iceland
verslanir, Kvosin, Melabúðin,
Nettó, Samkaup,
Sunnubúðin, Pure Food Hall
flugstöðinni Keflavík.
NÁNARI UPPLÝSINGAR
STÆRÐ: 412m2
IÐNAÐARBIL
VERÐ:
107M
Davíð
Ólafsson
Lögg. fasteignasali
897 1533
david@fastborg.is
ELDSHÖFÐI 18, 110 REYKJAVÍK
Til sölu vel staðsett endabil við Bíldshöfða
18. Stórt innkeyrsluplan. Allt að 7 metra
lofthæð. Milliloft með eldhúsi og tveimur
skrifstofum. Tvær stórar innkeyrsludyr.
Getur losnað fljótlega
519 5500
Það er hressandi tilbreytingað í Bandaríkjunum séloks kominn fram á sjón-arsviðið einstaklingur
sem þar hefur alið allan sinn aldur.
Nýbakaður Bandaríkjameistari,
hinn 26 ára gamli Samuel Shank-
land, er uppalinn á vesturströnd
Bandaríkjanna, fæddur í Berkeley
og vann helstu afrek sín sem ungur
maður á skákmótum í Kaliforníu.
Eins og flestir vita sem fylgst
hafa með gerbreyttist skáklands-
lagið í Bandaríkjunum á árunum í
kringum 1980 og stutt er síðan ól-
ympíulið þeirra var að mestu leyti
skipað skákmönnum frá aust-
urblokkinni. Innflytjendurnir setja
enn sterkan svip á skáklífið, skák-
menn frá Asíu hafa haslað sér völl
á opnu mótunum og skemmst er að
minnast þess er Filippseyingurinn
Wesley So söðlaði um og tefldi fyr-
ir lið Bandaríkjanna á ólympíu-
mótinu í Baku árið 2016.
Stuttu eftir sigurinn á banda-
ríska meistaramótinu hélt Shank-
land til Kúbu og tefldi þar á minn-
ingarmótinu um Capablanca. Í
efsta flokki tefldu sex skákmenn
tvöfalda umferð og vann Shank-
land öruggan sigur, hlaut 7½ vinn-
ing af tíu mögulegum. Rússneski
stórmeistari Alexei Dreev kom
næstur með 6 vinninga.
Manni sýnist að góð leiktækni,
ekki síst í endatöflum, einkenni
bestu skákir þessarar nýju skák-
stjörnu Bandaríkjanna. Á því fékk
einn besti skákmaður Kúbverja að
kenna strax í fyrstu umferð:
Minningarmót um Capablanca
2018; 1. umferð:
Batista Bruzon – Samuel
Shankland
Frönsk vörn 1. e4 e6 2. d4 d5 3.
Rd2 c5 4. exd5 Dxd5 5. dxc5 Rf6 6.
Rgf3 Dxc5 7. Bd3 Rbd7 8. O-O
Dc7 9. He1 Be7 10. Re4 b6 11.
Rxf6 Rxf6 12. Re5 O-O 13. Df3
Nú liggur beinast við leika 13. ....
Bb7 en eftir 14. Dg3 gæti hvítur
hótað Bh6 eða Rg6 eftir atvikum.
Shankland finnur betri leik.
13. ... Bd6!
Gefur kost á 14. Dxa8 sem yrði
svarað með 14. ... Bb7 15. Dxa7
Ha8 og drottningin fellur. Tveir
hrókar eru í flestum tilvikum næg-
ur liðsafli fyrir drottninguna en að
ýmsu þarf að hyggja; hvítur þarf
líka að vera stöðu sína á kóngs-
vængum eftir 16. Dxa8+ Bxa8 og
það gæti reynst þrautin þyngri,
t.d. 17. Bf4 Rh5! eða 17. f4 Bxe5!
og 18. ...... Rg4 með vinningsstöðu í
báðum tilvikum.
14. Dg3 Bb7 15. Bh6 Rh5! 16.
Dg5 f5!
Snarplega teflt. Svartur hefur
hrifsað til sín frumkvæðið.
17. Dxh5 Bxe5 18. Bc1 Hf6 19.
Bf1 Hg6 20. c3 Hd8 21. Bg5 Hd5
22. Had1 b5
Kemur í veg fyrir að hvíti leiki
c3-c4.
23. h4 Bh2+ 24. Kh1 Bf4! 25.
Kg1 a6 26. a3 Bxg5 27. hxg5
De7 28. Hd4 Hxd4 29. cxd4
Byrjanaþátt skákarinnar hef-
ur Shankland teflt afburðavel.
Nú sér hann fram á að 29. .Hxg5
er svarað með 30. Hxe6! Hann
bíður með g5-peðið en ræðst
þess í stað til atlögu við d4-
peðið.
29. ... Dd8! 30. Dh2 Bd5 31.
Hc1
En ekki 31. f4 Be4! 32. Hd1 h6
o.s.frv.
31. ... Hxg5 32. De5 h5 33.
Hc3 Hg4 34. f3 Hg6 35. Df4 h4
36. Kf2 Df6 37. Hc8 Kh7 38. Hc7
Hh6 39. Ke3 h3!
Eina færa leiðin til að koma
umframpeðinu í verð.
40. gxh3 Hh4 41. De5 Dg5+
42. Kf2 Dd2+ 43. Be2 Dxd4 44.
Dxd4 Hxd4 45. Ke3 Hh4 46. Bf1
Kg6 47. b4 f4+ 48. Kf2 Hh8 49.
Ha7 Ha8! 50. Hc7
Hvítur þolir ekki uppskipti á
hrókum.
50. ... Kf6 51. Bd3 g5 52. Be2
Hb8 53. Bd3 Hb6
Hyggst leika Hc6. Framhaldið
gæti orðið 54. Ha7 Hc6 55. Be2
Hc2 56. Ke1 Ke5! 57. Hxa6 Kd4
og síðan - Ke3. Bruzon gafst því
upp.
Shankland á sigurbraut
Skák
Helgi Ólafsson
helol@simnet.is
Við erum nokkrir
félagar hér á Sel-
tjarnarnesinu, sem
hittumst reglulega á
Örnu á Eiðistorgi á
laugardögum. Okkur
varð núna síðast
nokkuð tíðrætt um,
hvers vegna forseti
vor, Guðni Th. Jó-
hannesson, virðist
ekki ætla að vera við-
staddur og styðja við bakið á
„strákunum okkar“ í Rússlandi í
einum stærsta íþróttaviðburði sem
karlalandslið okkar mun taka þátt í
frá upphafi.
Fyrsti leikurinn við Argentínu er
reyndar 16. júní, daginn fyrir
þjóðhátíðardag okkar. Eðlilegt er
að forsetinn komist ekki á þann
leik vegna embættisskyldna hans á
þjóðhátíðardaginn.
Hinir leikirnir tveir, 22. júní í
Volgograd gegn Nígeríu og 26. júní
í Rostov-on-Don gegn Króatíu,
væri möguleiki ef vilji og áræði
væri fyrir hendi.
Forseti okkar er kosinn af þjóð-
inni og hún hefur væntingar til
hans í samræmi við það. Okkur
finnst nauðsynlegt að sæti forseta
Íslands í stúkunni sé skipað af hon-
um til stuðnings leikmönnum okk-
ar. Hvernig getum við útskýrt að
hann sé ekki þar? Hann sem á að
vera í fylkingarbrjósti þjóðarinnar,
„sverð hennar og skjöldur“. Hann á
að vera jákvæð hvatning til okkar
manna í þeim stóra slag sem fram
undan er. Sýna að þjóðin standi á
bak við okkar fremstu knatt-
spyrnumenn, sama hvað stjórn-
málum og/eða við-
skiptabönnum á báða
bóga líður. Þannig for-
seta viljum við hafa og
töldum okkur hafa kos-
ið í síðustu forseta-
kosningum. Hvatningin
er sú að við getum allt
ef viljinn og áræðið er
fyrir hendi.
Landsliðið þarf á
þér að halda, Guðni
Th. Jóhannesson, og
við hvetjum þig til að
fara til Rússlands og
taka þátt og leggja þitt lóð á vog-
arskálarnar til að við getum sigrast
á andstæðingum okkar eða fengið
góð úrslit. Nú verða allir að taka
höndum saman og styðja „strákana
okkar“.
Listahátíð Seltjarnarneskirkju
var með sérstaka dagskrá annan í
hvítasunnu tileinkaða tónskáldinu
Sveinbirni Sveinbjörnssyni (1847-
1927), sem fæddist hér í Nesi við
Seltjörn og er því sveitungi okkar
hér á Framnesinu. Hann er löngu
þjóðþekktur fyrir lag sitt, „Ó Guð
vors lands“, þjóðsönginn okkar.
Lagið er samið um tilvitnanir úr
90. Davíðssálmi. Matthías Joch-
umsson gerði textann, en Svein-
björn lagið í tilefni af 1000 ára
þjóðarafmælinu 1874. Þeir félagar
Sveinbjörn og Matthías sömdu lag-
ið og textann að hluta til á heimili
Sveinbjarnar, London Street 15 í
Edinborg í Skotlandi. Talið er að
Sveinbjörn sé með fyrstu stór-
tónskáldum okkar Íslendinga. Eftir
nám í Latínuskólanum, sem var
eini skólinn á þeim tíma á Íslandi,
lagði hann stund á píanóleik, sem
var nýlunda, því skólinn útskrifaði
helstu embættismenn þjóðarinnar.
Sveinbjörn starfaði minnst á Ís-
landi, en aðallega í Skotlandi, Dan-
mörku og Kanada. Var hann mikils
metinn af Vestur-Íslendingum og
hér á landi, en féll í gleymsku að
nokkru leyti eftir að hann dó.
Ó, guð vors lands! Ó, lands vors
guð!
Vér lofum þitt heilaga, heilaga nafn!
Úr sólkerfum himnanna hnýta þér
krans
þínir herskarar, tímanna safn.
Fyrir þér er einn dagur sem þúsund
ár
og þúsund ár dagur, ei meir:
eitt eilífðar smáblóm með titrandi
tár,
sem tilbiður guð sinn og deyr.
Íslands þúsund ár,
eitt eilífðar smáblóm með titrandi
tár,
sem tilbiður guð sinn og deyr.
(Lag: Sveinbjörn Sveinbjörnsson/
Texti: Matthías Jochumsson)
Þetta er fyrsta erindið og oftast
sungið og spilað, en erindin eru
þrjú.
Áfram Ísland – Áfram forseti vor
fyrir Ísland.
Fyrir mína hönd, félaga og nokk-
urra stuðningsmanna karlalands-
liðsins í knattspyrnu.
Áfram forseti
vor fyrir Ísland
Eftir Guðmund
Ingason
Guðmundur Ingason
» Landsliðið þarf á þér
að halda, Guðni Th.
Jóhannesson, og við
hvetjum þig til að fara
til Rússlands og taka
þátt.
Höfundur er íbúi á Seltjarnarnesi og
framkvæmdastjóri.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.