Morgunblaðið - 06.07.2018, Qupperneq 13

14 FRÉTTIRInnlent
MORGUNBLAÐIÐ FÖSTUDAGUR 6. JÚLÍ 2018
Aron Þórður Albertsson
aronthordur@mbl.is
Malbikun á miðsvæði Vaðlaheiðar-
ganga hófst í fyrradag og mun
standa fram á laugardag. Hlaðbær
Colas sér um framkvæmd verksins,
en verkið er talsvert frábrugðið öðr-
um verkefnum sem fyrirtækið hefur
tekið að sér.
Sigþór Sigurðsson, framkvæmda-
stjóri Hlaðbæjar Colas, segir að erf-
iðar aðstæður séu til malbikunar í
göngunum. „Það er mjög hár hiti í
göngunum. Við erum að áætla að
hitastigið sé í kringum 50 gráður á
meðan malbikun fer fram,“ segir
Sigþór og bætir við að af þeim sökum
hafi þurft að útbúa sérstaka malbiks-
blöndu sem þolir háan hita. „Við
þurftum að setja sérstök íblöndunar-
efni í malbikið og í raun hanna
blöndu sem dugar í S-Afríku. Bæði
til að þola hitann sem nú er og einnig
þegar göngin verða tekin í notkun.
Það er búist við því að hitastigið í
göngunum verði í kringum 20 gráður
allan ársins hring,“ segir Sigþór.
Ráðgert er að um þrjú þúsund
tonn af malbiki verði notuð til verks-
ins nú í vikunni, en malbikinu er ætl-
að að verja það framkvæmdasvæði í
göngunum sem lengst er komið.
Aðalmalbikun í göngunum mun
hefjast í lok ágúst og er búist við að
hún muni taka um tvær vikur. „Við
höfum unnið sambærileg verk áður
og þetta ætti ekki að taka langan
tíma. Þá verður heildarmalbikun í
göngunum endanlega lokið,“ segir
Sigþór.
Malbikun Vaðlaheiðarganga hafin
 Aðstæður í göngunum eru afar erfiðar en hitastigið er í kringum 50 gráður  Útbúa þurfti malbiks-
blöndu sem gæti nýst á götur S-Afríku  Heildarmalbikun hefst í lok ágúst og mun taka um tvær vikur
Ljósmynd/Aðsend
Malbikun Framkvæmdir við malbikun ganganna hófust í fyrradag en ráðgert er að þeim ljúki á laugardag.
Fyrr á árinu bárust fréttir af því
að Vaðlaheiðargöng hefðu ekki
fengið greiddar tæpar 50 millj-
ónir króna frá Isavia vegna
flutninga á efni úr göngunum í
flughlað á Akureyrarflugvelli.
Í samtali við Morgunblaðið
segja forsvarsmenn beggja að-
ila að hvergi hafi komið fram í
samningnum að greiða ætti fyr-
ir flutning á efni umfram það
sem samið hefði verið um.
Það sé því ákvörðun ríkisins
hvort greitt verði fyrir flutning á
efni umfram samning aðila.
Ríkið borgi
flutninginn
ISAVIA SKULDAR EKKI
VÖNDUÐ JEPPADEKK
Á FRÁBÆRU VERÐI
STÆRÐ 315/70R17
49.600,- kr.
STÆRÐ 285/70R17
46.900,- kr.
ARCTIC TRUCKS | KLETTHÁLSI 3 | 110 REYKJAVÍK | 540 4900
WWW.ARCTICTRUCKS.IS
ÞÚ FÆRÐ JEPPADEKKIN HJÁ OKKUR!
Fjölbreytt úrval af gæða viftum frá Vent-Axia fyrir eldhúsið, baðherbergið, skrifstofuna,
verkstæðið eða hesthúsið. Við aðstoðum ykkur við rétta valið.
Lo-Carbon Silhouette 125 Centrif-duo Silent
12in Wall fan Hi-line Sabre Plate
DALVEGI 10-14 | 201 KÓPAVOGI | SÍMI 540 7000 | FALKINN.IS
Hreint loft og vellíðan
Það borgar sig að nota það besta
VENT–AXIA VIFTUR
Ökumönnum ber samkvæmt lögum
skylda til að hafa kveikt ökuljós á
bílnum að aftan og framan við akst-
ur. Margir bílar eru með sjálfvirkan
búnað sem kveikir bara ljós að fram-
an í dagsbirtu. Slíkur búnaður er
gjaldgengur víða erlendis og má
flytja þannig útbúna bíla til Íslands.
Reglugerðin víkur hins vegar ekki
burt ákvæði laga um að ökuljós skuli
alltaf vera kveikt við akstur.
„Ljósaskyldan hvílir á ökumann-
inum en ekki á ökutækinu. Ökumað-
urinn þarf að kveikja ljósin,“ sagði
Guðbrandur Sigurðsson, aðalvarð-
stjóri umferðardeildar LRH. Lög-
reglan sektar séu ökuljós ekki
kveikt, þótt það sé frekar gert í
skammdeginu en yfir hásumarið.
„Ef það vantar eitt ljós þá er öku-
manninum bent á það. Hins vegar er
miðað við að ef vantar öll ljós að
framan eða aftan þá sé það kært,“
sagði Guðbrandur. Í sumum til-
vikum kunna ökumenn ekki að
kveikja ökuljósin og þá er hægt að
leiðbeina þeim um að það. Öðrum
finnst þeir ekki þurfa að kveikja ljós-
in og þá megi þeir eiga von á kæru.
Sekt fyrir að hafa ökuljósin ekki
kveikt í dagsbirtu hækkaði 1. maí úr
5.000 kr. í 20.000 kr. gudni@mbl.is
Skylt að aka
með ljósin kveikt
Morgunblaðið/Styrmir Kári
Ökuljósin Dagljós að framan duga ekki samkvæmt íslenskum lögum.