Morgunblaðið - 14.07.2018, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 14. JÚLÍ 2018
LAUGAVEGI 24 - 101 REYKJAVÍK
SÍMI: 552 0800
SKIPAGÖTU 7 - 600 AKUREYRI
SÍMI: 462 4646
GENUINE SINCE 1937
Guðrún Erlingsdóttir
ge@mbl.is
„Ég var með bjórsmökkun um
daginn þar sem ég kynnti fjórar
tegundir af íslenskum bjór sem
innihéldu m.a. mangó. Vinkona
mín Díanna Sjöfn Jóhannesdóttir
las upp úr ljóðabók sinni Freyju
og svo var ég með spurn-
ingakeppni sem var vel sótt. Þar
var góð stemning í keppninni og í
ljós kom mikið keppnisskap hjá
þátttakendum. Í
verðlaun var
gjafabréf í ís-
búð,“ segir
Andrea Ósk
Sigurbjörns-
dóttir, há-
skólanemi í tóm-
stunda- og
félagsmálafræði
og kynjafræði
sem leigir eina
af þjónustu-
íbúðum aldraðra í Norðurbrún
gegn því að sinna félagsstarfi og
aðstoð við íbúanna.
Hún segir að vinkona hennar
hafi bent sér á að hún væri tilvalin
í starfið og því hafi hún sótt um.
Andrea segist vera vinur og ná-
granni íbúanna í Norðurbrún.
„Ég er til staðar, spjalla við
íbúana, heyri sögur um líf þeirra
og minningar og stend fyrir alls
konar viðburðum. Af um 60 íbúum
mæta 12 til 15 á hvern viðburð,“
segir Andrea sem oft er boðið í
heimsókn til nágranna sinna til að
skoða myndir og spjalla.
„Ég er ekki með fasta viðtalstíma
en ætla að prófa það í haust. Ég
hjálpa líka við tæknivandamál og er
að reyna að ná fólki aðeins út fyrir
þægindahringinn. Ég kenni þeim
og hvet til þess að panta öðru hvoru
mat af netinu til að fá tilbreytingu
frá heimsenda matnum sem flestir
fá,“ segir Andrea sem segir ekkert
því til fyrirstöðu að eldra fólk geti
nýtt sér tölvutækni ef það hafi
réttu græjurnar.
„Ég er oftast með viðburði eftir
kaffi og nú er ég að útbúa möppu
með íslenskum lögum því íbúarnir
hafa mikinn áhuga á samsöng. Svo
er spenningur fyrir matreiðslu-
kvöldi og kokteilagerð.“
Andrea segir að þegar hún setji
upp auglýsingar um viðburð fái íbú-
arnir mikinn áhuga á því sem hún
sé að gera og spyrji allan daginn
um það sem fram eigi að fara.
Í næstu viku verður Andrea með
vegan-ískvöld þar sem hún kynnir
íbúum vegan-ís og vegan-sælgæti.
Hún er sjálfboðaliði í jafningja-
fræðslu Samtakanna ’78 og ætlar að
fá vinkonu sína til þess að vera með
hinsegin fræðslu í haust.
„Þá ætlum við að ræða mál sem
voru tabú þegar íbúar Norður-
brúnar voru að alast upp. Ég ætla
líka að kanna hvort eitthvert pizzu-
fyrirtæki sé ekki tilbúið að senda
okkur pizzur meðan á fræðslunni
stendur,“ segir Andrea sem telur
að hlusta eigi meira á vilja eldri
borgara og setja meira fjármagn í
félagsstarf.
Forvitin um tattúið
Berglind Arna Gestsdóttir, for-
stöðumaður á Norðurbrún 1, segir
að Reykjavíkurborg hafi komið með
hugmyndina síðastliðið haust að því
að bjóða háskólanemum að leigja
þjónustuíbúðir aldraðra gegn því að
þeir sinntu félagsstarfi og aðstoð
við íbúana í 40 klukkustundir á
mánuði. Þjónustuíbúðir í Norður-
brún 1 og við Lönguhlíð urðu fyrir
valinu og fluttu tveir háskólanemar
í íbúðirnar í vor en verkefnið mun
standa til 1. júní 2019.
Notendaráð sem skipað er not-
endum þjónustu í Norðurbrún tók
þátt í undirbúningi verkefnisins og
vali á háskólanemanum í Norður-
brún, Andreu Ósk Sigurbjörns-
dóttur.
„Viðvera Andreu lengir daginn
fyrir heimilismenn en samskiptin
eru að mestu leyti eftir að reglu-
bundinni dagskrá er lokið,“ segir
Berglind Arna sem segir íbúa í
Norðurbrún áhugasama um að
kynnast menningu, orðaforða og
klæðaburði unga fólksins.
„Þau eru mjög forvitin um tattúið
sem Andrea er með og spennt að
sjá í hvers konar fatnaði hún mæt-
ir. Andrea brúar að mínu mati bilið
milli kynslóða og íbúarnir líta á
hana sem nágranna sem myndað
hefur við þá vinatengsl frekar en
starfsmann.“ Verkefnið er stutt á
veg komið en það er almenn
ánægja með störf Andreu og íbúar
eru duglegir að taka þátt í því sem
hún hefur upp á að bjóða.
Tæknikennsla og heimspeki
„Ég hef farið með íbúum í vett-
vangsferð bæði sem félagsskapur
og stuðningur, haldið fyrirlestur um
klassíska heimspeki sem gekk mjög
vel og íbúarnir tengdu vel við,“ seg-
ir Sverrir Heiðar, háskólanemi í
hugbúnaðarverkfræði sem býr nú í
Lönguhlíð og bætir við að hann
skipuleggi stundum gönguferðir um
helgar, bíókvöld á virkum dögum
og boccia.
„Ég spjalla oft við íbúana í mat-
ar- og kaffitímum og sest reglulega
með þeim í blómaskálann til að
spjalla um lífið og tilveruna. Einnig
hef ég boðið upp á tæknilega
kennslu, aðstoðað við ýmis tækni-
vandamál, segi frá því nýjasta í
heimi tækni og vísinda og útskýri
hvaða áhrif það geti haft á sam-
félagið,“ segir Sverrir og bætir við
að hann spili oft skrafl við einn íbú-
ann sem sé orðinn hundrað ára og
þau skemmti sér bæði jafn vel.
Færir ferskan blæ í húsið
Anna Hermannsdóttir, for-
stöðumaður þjónustuíbúða og fé-
lagsmiðstöðvarinnar í Lönguhlíð,
segir verkefnið með búsetu há-
skólanema í þjónustuíbúð hafa
gengið mjög vel það sem af er.
„Háskólaneminn hefur stutt við
einstaklinga sem hér búa, spjallað
við þá og gert með þeim nýja hluti
eins og fyrirlestur um heimspeki,
sem lagðist vel í íbúa Lönguhlíðar,
og sett upp HM-stofu í setustofunni
sem var til þess hugsuð að hvetja
íbúana til að fylgjast með knatt-
spyrnuleikjum Íslands á HM. Í
setustofunni myndaðist mjög góð
stemming,“ segir Anna. Hún bendir
á að verkefnið sé tilraunaverkefni
sem sé frekar stutt á veg komið og
það verði metið í lok þess.
„Að fá ungan háskólanema eykur
auðvitað á fjölbreytileika hússins og
færir ferskan blæ í samveru íbú-
anna,“ segir Anna og bætir við að
einstaklingsstundirnar sem há-
skólaneminn veiti íbúum séu dýr-
mætar. Hún geti ekki betur séð en
að flestir íbúar Lönguhlíðar séu já-
kvæðir í garð unga nágrannans.
Háskólanemar uppfæra eldri borgara
 Háskólanemendur búa í þjónustuíbúðum aldraðra og sinna félagsstarfi í húsunum  Bjórsmökk-
un, vegan-ískynning og hinsegin fræðsla í Norðurbrún  Skrafl og heimspekifyrirlestur í Lönguhlíð
Mogunblaðið/Eggert
Norðurbrún Íbúar í þjónustuíbúðum í Norðurbrún taka þátt í viðburðum sem yngsti íbúinn Andrea býður upp á.
Ingibjörg Pétursdóttir
„Ég hef búið hér í 6 ár og það er
yndislegt að vera búin að fá And-
reu í húsið,“ segir Ingibjörg Pét-
ursdóttir, íbúi í Norðurbrún.
Hún segist ekki drekka mikinn bjór
en hafi þó tekið þátt í bjór-
smökkuninni til að vera með og
gengið nokkuð vel í spurn-
ingakeppninni.
„Mér finnst ekkert skrýtið að hún
skuli búa með okkur og hef aldrei
litið ungt fólk öðrum augum en
fullorðna,“ segir Ingibjörg en hún
og Andrea uppgötvuðu að þær
ættu sameiginlegan vin þegar
Andrea bauð vini þeirra, háni Mar-
gréti, í mat í Norðurbrún.
Yndislegt að fá Andreu í húsið
SAMSTARF YNGRI OG ELDRI KYNSLÓÐA
Ánægð Ingibjörgu Pétursdóttur líkar
vel við uppátæki Andreu í Norðurbrún.
Guðrún Kristjándóttir
„Það er upplífgandi og mjög gott
að hafa unga manninn hjá okkur.
Hann er afskaplega þægilegur og
kemur og skraflar við mig, það
þykir mér afskaplega gaman. Við
vinnum á víxl og það er líka gam-
an,“ segir Guðrún Kristjándóttir,
100 ára íbúi í Lönguhlíð um unga
háskólanemann sem býr í húsinu.
„Mér finnst sniðugt að blanda sam-
an yngri og eldri og ég held að fólk
hér sé duglegt að taka þátt í fé-
lagsstarfinu en ég heyri svo illa að
ég tek lítinn þátt í öðru en að
skrafla. Skrafl sem er líkt því að
gera krossgátur er skemmtilegt og
það koma svo mörg skemmtileg
orð út úr því,“ segir Guðrún sem
telur sig nokkuð góða í spilinu.
„Ég lærði af systur minni sem var betri en ég en hún vildi alltaf vinna.
Það var meira keppnisskap í henni,“ segir Guðrún sem að sögn hefur
átt fimm góð ár í Lönguhlíð. Hún segir að allir séu afskalega góðir við
sig, bæði starfsfók og íbúar og hana skorti ekkert. Auk þess sé hún
heppin að eiga mikið af ungu frændfólki sem hugsi vel um hana og
skrafli við hana.
Guðrún hefur unun af skrafli
Skraflari Guðrún Kristjánsdóttir
heldur á afmæliskveðju á skraflborði.
Andrea Ósk
Sigurbjörnsdóttir