Morgunblaðið - 14.07.2018, Qupperneq 42

42 ÍSLENDINGAR
MORGUNBLAÐIÐ LAUGARDAGUR 14. JÚLÍ 2018
Bryndís Þórðardóttir á 30 ára afmæli á morgun. Hún er í afmælis-ferð á Ítalíu með félögunum. „Ég er í fríi á Ítalíu. Við fórum tilPísa, svo Cinque Terre, svo til Toskana og næst er stefnan sett á
Flórens, þar sem við verðum í góða viku.“ Bryndís er sannarlega ekki
fjarri vinum á afmælisdaginn. „Á morgun ætla ég bara að njóta ítalskr-
ar sólar, liggja við sundlaugina og enda kvöldið á góðum mat.“
Ekki furða að Bryndís fagni tímamótunum í útlöndum, hún virðist
una sér best á alþjóðavettvangi. Ferill hennar ber þess merki. Hún er
með BA í spænsku og viðskiptafræði frá HÍ frá árinu 2015, svo meist-
aragráðu í evrópskri og alþjóðaviðskiptastjórnun, nám sem hún sótti í
þremur löndum, Spáni, Frakklandi og Englandi. „Ég er bara svona
tungumálakona með áhuga á viðskiptum, sem sækir mikið í bók-
menntir, listir og menningu,“ segir Bryndís og bætir við hýr í bragði:
„Ég vann svo á Morgunblaðinu sumarið eftir BA-námið.“
Bryndís er markaðsfulltrúi hjá Bioeffect. Það er snyrtivöruframleið-
andi sem gerir húðvörur eftir hávísindalegri uppskrift. „Bioeffect
framleiðir húðvörur með virka efninu EGF. Það viðheldur unglegu út-
liti húðarinnar og heldur henni hraustri. Vörurnar hafa farið sigurför
um heiminn. Ég sé svona aðallega um að halda utan um markaðs-
herferðir bæði á netinu og svo samfélagsmiðlum almennt ásamt öðrum
verkefnum,“ segir Bryndís og talar af auðséðri ástríðu um starfið sitt.
„Það er virkilega margt skemmtilegt að gerast hjá Bioeffect þessa
dagana.“
Í afmælisferð Bryndís stillir sér upp fyrir myndatöku með fjallaþorp í
Cinque Terre í baksýn. Bæirnir þar eru á heimsminjaskrá UNESCO.
Með meistaragráðu
frá þremur löndum
Bryndís Þórðardóttir – þrítug á morgun
K
olbeinn Bjarnason
fæddist 14. júlí 1958 í
Reykjavík og ólst upp í
Laugarneshverfinu.
Amma hans, Sigríður,
tók mikinn þátt í uppeldi hans og
bróðurins, Sigfúsar. Skyldunámið
stundaði Kolbeinn í Laugarnesskól-
anum og Laugalækjarskólanum og
hóf jafnframt ungur nám við Barna-
músíkskólann.
Í Laugarnesskólanum var (og er)
sunginn morgunsöngur hvern dag
og þar héngu (og hanga enn) á
veggjum olíumálverk Jóhanns
Briem. Kvikmyndasýningar voru
uppi í risi og þar heillaðist Kolbeinn
af raftónlist Magnúsar Blöndal Jó-
hannssonar, tónlist sem hann samdi
fyrir Surtseyjarmynd Ósvalds
Knudsen.
Kolbeinn var á sumrum í sveit á
Læk í Ölfusi og Ljósalandi í Vopna-
firði, eitt sumar á hvorum stað. Á
Ljósalandi var gengið á reka, nýttur
æðardúnn og selur veiddur. Kol-
beinn var síðan fjögur sumur á
Syðra-Hvarfi í Svarfaðardal (ellegar
ysta bæ austan ár í Skíðadal, svo
fyllstu nákvæmni sé gætt, en Skíð-
dælingar eru líka Svarfdælingar).
Þar kynntist hann sönglistinni í
margradda söng fjölskyldunnar á
kvöldvökum og las allt heildarritsafn
Gunnars Gunnarssonar, föður-
bróður bóndans. Hin myrka lífssýn
Gunnars, eins og hún kemur fram í
Ströndinni, Vargi í Véum og Sælir
eru einfaldir, hafði mótandi áhrif á
barnshugann.
Kolbeinn lauk stúdentsprófi frá
Menntaskólanum við Tjörnina vorið
1977 og burtfararprófi í flautuleik
frá Tónlistarskólanum í Reykjavík
vorið 1979. Á þessum árum var hann
félagi í kvikmyndaklúbbnum Fjala-
kettinum og heillaðist einkum af
myndmáli Ingmars Bergmans og
ákafri tilvistar- og trúarlegri leit
meistarans. Kolbeinn uppgötvaði
síðar að hann hafði fæðst á fertug-
asta afmælisdegi þessa kvikmynda-
skálds. Kolbeinn ástundaði lítt bó-
hemskan lífsstíl menningar-
mafíunnar, sem hann vissulega
tilheyrði, heldur gegndi ýmsum
ábyrgðarstöðum innan ungtempl-
arahreyfingarinnar á þessum árum,
sat meðal annars í stjórn Norrænu
ungtemplarasamtakanna og starfaði
Kolbeinn Bjarnason tónlistarmaður – 60 ára
Morgunblaðið/Jim Smart
Stórafmæli Kolbeinn við leiði Bergmans í kirkjugarðinum á Fårö, lítilli eyju norður af Gotlandi, í júní 2018.
Frá tónlist til texta
Caput Kolbeinn og félagar í tónlist-
arhópnum Caput árið 1990.
Reykjavík Kotryna Bieliunaite
fæddist 18. september 2017 kl.
16.14. Hún vó 3.420 g og var 50
cm löng. Foreldrar hennar eru
Viktorija Sedbaraite og
Andrius Bieliunas.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.isLaugavegur 61 I Kringlan I Smáralind I sími 552 4910 I www.jonogoskar.is