Morgunblaðið - 03.08.2018, Síða 10

10 FRÉTTIRInnlent
MORGUNBLAÐIÐ FÖSTUDAGUR 3. ÁGÚST 2018
Rafport ehf • Auðbrekka 9-11 • 200 Kópavogur • Sími 580 1900 • rafport@rafport.is
Með free@home hefur aldrei verið auðveldara og
hagstæðara að stjórna heimilinu, sumarbústaðnum
eða fyrirtækinu.
Ertu að byggja, breyta eða bæta?
Endilega kynntu
þér málið.
Snjalllausnir – nútíma raflögn
Með sjálfbærni að leiðarljósi
Finnsk innanhússhönnun
02.03–02.09.2018 www.norraenahusid.is
Innblásið af Aalto
Sigtryggur Sigtryggsson
sisi@mbl.is
Niðurrif bygginga Sementsverk-
smiðjunnar á Akranesi er á áætlun
og er stefnt að því að verkinu ljúki
fyrir 1. október nk. eins og samið
var um við verktakann Work
North.
Þessar upplýsingar fékk
Morgunblaðið hjá Steinari Adolfs-
syni, sviðsstjóra stjórnsýslu- og
fjármálasviðs Akraneskaupstaðar.
Eftir að niðurrifi er lokið þarf að
koma steypubrotum í sandgryfju og
hreinsa þau af steypustyrktarjárni.
Verktaki hyggst koma brotmálm-
um í skip í áföngum og er fyrsta
skipið væntanlegt fyrri part ágúst-
mánaðar.
Sementsverksmiðjan tók til
starfa á Akranesi árið 1958. Hún
lauk hlutverki sínu fyrir nokkrum
árum og var starfsemi hætt árið
2012. Ákvörðun var tekin um það af
bæjaryfirvöldum að mannvirki
verksmiðjunnar myndu víkja fyrir
íbúðabyggð. Niðurrifið er gríðar-
legt verk en alls verða rifin 17
mannvirki, yfir 140 þúsund rúm-
metrar.
Sementstankarnir stóru munu
standa áfram. Einnig voru hug-
myndir um að sementsstrompurinn,
68 metra hár, fengi að standa. Hins
vegar samþykktu 94% íbúa Akra-
ness í kosningu að strompurinn
skyldi felldur.
„Varðandi niðurrif á strompi er
málið í skipulagsferli sem gengur
út á að heimilt verði að taka mann-
virkið niður. Gangi sú breyting eftir
má áætla að niðurrif hefjist í
september/október næstkomandi.
Reiknað er með að sú vinna geti
tekið a.m.k. einn mánuð,“ segir
Steinar Adolfsson.
Alls bárust 12 tilboð í niðurrif
Sementsverksmiðjunnar á Akra-
nesi, en tilboð voru opnuð í sept-
ember 2017. Lægsta tilboðið var frá
Work North ehf., 175 milljónir, og
gekk Akraneskaupstaður til samn-
inga við fyrirtækið um verkið.
Morgunblaðið/Sigurður Bogi
Niðurrif Stór hluti verksmiðjubygginganna hefur fallið fyrir stórvirkum vinnuvélum.
Niðurrif Sementsverk-
smiðjunnar á áætlun
 Skip væntanlegt í mánuðinum til að taka brotamálm úr
Sementsverksmiðjunni  Stefnt að verklokum í september
Guðrún Erlingsdóttir
ge@mbl.is
Sýknudómur Héraðsdóms Reykja-
ness í máli stuðningsfulltrúa Barna-
verndar Reykjavíkur vekur spurn-
ingar um hvort og hvernig hægt sé
að sakfella í mál-
um þar sem börn
eru beitt kyn-
ferðisofbeldi, að
mati Guðrúnar
Jónsdóttur, tals-
manns Stíga-
móta.
„Eins og svo
oft áður fyllist ég
vanmætti að lesa
þennan dóm um
gróf kynferðis-
brot gagnvart fimm börnum sem
standa yfir í langan tíma,“ segir
Guðrún.
Síst til þess fallinn að kæra
„Þessi dómur er síst til þess fall-
inn að hvetja börn sem verða fyrir
kynferðisofbeldi til að kæra brotin
þegar þau verða fullorðin. Trúverð-
ugur framburður nægir ekki og ég
spyr hvað þarf til þess að sanna
brot, myndir og upptökur?“
Guðrún bætir við að ákveðins
skilningsleysis á eðli kynferðisbrota
gæti í dómnum.
„Það er notað gegn þeim sem
kærðu að langur tími hafi liðið frá
því að meint brot áttu sér stað og
þangað til þau sögðu frá. Það er
einnig notað gegn þeim að þau skuli
hafa tekið sér tíma til þess að ræða
við fjölskyldu sína áður en þau tóku
það stóra skref að kæra,“ segir Guð-
rún, sem bendir á að það taki börn
ár eða áratugi að finna kjarkinn til
að stíga fram og leita sér hjálpar
eða að aðstæður komi upp til þess
að opna málin. Hún segir að miðað
við niðurstöðu dómsins verði þol-
endur að kæra strax og þeir opni
málið en eðlilega taki það þolendur
oft langan tíma að taka ákvörðun
um að kæra.
„Hvað þarf til
að sanna brot?“
 Skilningsleysi á eðli kynferðisbrota
Guðrún
Jónsdóttir
Í dómi Héraðsdóms Reykjaness
í máli stuðningsfulltrúa Barna-
verndar Reykjavíkur kemur
fram að lögreglan hafi haft
samband við ýmsa ein-
staklinga, sem dvalið höfðu hjá
ákærða, til að kanna hvort þeir
hefðu orðið vitni að einhverju
saknæmu á heimili hans og í
tengslum við rannsóknina hafi
fleiri einstaklingar lagt fram
kæru.
Fleiri kærur
við rannsókn
STIGU FRAM
Jón Birgir Eiríksson
jbe@mbl.is
Læðan, Suzuki-bifreið, sem lék stórt
hlutverk í Nætur-, Dag og Fanga-
vaktinni, gamanþáttaröðum frá ár-
unum 2007 til 2009, fékk nýtt hlut-
verk um síðustu helgi þegar keppt
var í „Læðutogi“ á hátíðinni Reyk-
hóladögum í Reykhólahreppi. Keppt
var um að draga Læðuna í kaðli til-
tekna vegalengd á sem stystum
tíma.
Fram til þessa hefur Læðan stað-
ið á stalli við Hótel Bjarkalund þar
sem Dagvaktin var tekin upp. Tind-
ur Ólafur Guðmundsson 15 ára, frá
Litlu-Grund, er nú eigandi bílsins og
lagfærði hann ýmislegt í honum fyr-
ir hátíðina ásamt föðurbóður sínum,
Unnsteini Hjálmari Ólafssyni.
„Þau í Bjarkalundi vildu losna við
hana og ég tók við henni. Það voru
brotnir í henni stólarnir og ég púsl-
aði þeim saman. Vélin var heil, en
við þurftum að hreinsa blöndunginn,
laga bensíntankinn, leiðslur og ann-
að. Framrúðan brotnaði þegar
húddið flaug upp við Bjarkalund
þannig að ég keypti nýja rúðu,“ seg-
ir Tindur Ólafur. Aðspurður segir
hann að Læðunni verði fundinn góð-
ur staður svo sem flestir geti notið
hennar.
Læðutogið komið til að vera
Jóhanna Ösp Einarsdóttir, einn
skipuleggjenda hátíðarinnar, segir
að hátíðin hafi gengið vel og Læðu-
togið mælst vel fyrir. Karnival var
haldið fyrir börnin auk hæfi-
leikakeppni, brekkusöngur einnig,
ball og dráttarvélakeppni meðal
annars. Veðrið var ekki sem best
verður á kosið allan tímann, en þeir
fjölmörgu sem mættu létu það ekki á
sig fá. „Læðutogið heppnaðist mjög
vel og er komið til að vera, held ég,“
segir Jóhanna Ösp. Sigur í toginu
hafði Ágúst Már Gröndal, Kristján
Rafn Jóhönnuson var næstur og í
þriðja sæti var Stefán Brimar.
Einn meginviðburða Reykhóla-
daga er dráttarvélakeppnin, en að
sögn Jóhönnu Aspar er stærstur
hluti dráttarvélanna frá Litlu-Grund
og Seljanesi. „Það er alveg dásam-
legt þegar hersingin kemur gegnum
þorpið og fólk fylgist með á götu-
hornunum,“ segir hún.
Læðan dregin í taumi
á hátíð Reykhólahrepps
 15 ára eigandi bílsins lagfærði hann fyrir Reykhóladaga
Ljósmynd/Birna Norðdahl
Læðutog Þátttakendur kepptust við að draga Læðuna ákveðna vegalengd á
sem stystum tíma. Keppnin mæltist vel fyrir og er líklega komin til að vera.
Ljósmynd/Sveinn Ragnarsson
Eigandi Tindur Ólafur Guðmunds-
son, sáttur við stýri Læðunnar.