Morgunblaðið - 18.08.2018, Blaðsíða 4
4 FRÉTTIRInnlent
MORGUNBLAÐIÐ LAUGARDAGUR 18. ÁGÚST 2018
Erna Ýr Öldudóttir
ernayr@mbl.is
Elsti skráði þátttakandinn í 35.
Reykjavíkurmaraþoni Íslands-
banka, sem fram fer í dag, er hin
92 ára Pálína Bjarnadóttir, sem
skráði sig í þriggja kílómetra
skemmtiskokk.
Morgunblaðið sendi henni
fyrirspurn um þátttöku hennar og
hvað hún gerði til að undirbúa
sig.
Pálína fæddist í Hrauni í Land-
broti í Vestur-Skaftafellssýslu en
hefur búið í Reykjavík frá árinu
1950. Pálína á eina dóttur, Sig-
rúnu Önnu Einarsdóttur, og tólf
afkomendur.
Hefurðu stundað hlaup eða ein-
hverjar íþróttir áður?
„Ég hef aldrei stundað neinar
íþróttir en var dugleg að ganga.“
Hefurðu tekið þátt í Reykjavík-
urmaraþoni áður?
„Nei, og átti ekki von á að taka
nokkurn tímann þátt í því, en ég
vildi sýna samstöðu og því þótti
mér mikilvægt að vera með.“
Hvernig hefurðu undirbúið þig
fyrir þriggja kílómetra skemmti-
skokkið?
„Það hef ég ekki gert, ég verð
keyrð í hjólastól þar sem ég á erf-
itt með gang.“
Tekurðu þátt í maraþoninu fyr-
ir góðan málstað og hvernig
gengur að safna áheitum?
„Ég tek þátt fyrir minningar-
sjóð Einars Darra og til að heiðra
minningu elsku langömmudrengs-
ins míns, hans Einars Darra, sem
fór allt of fljótt frá okkur.“
Ætlarðu að hlaupa ein eða með
vinum og vandamönnum?
„Ég verð með fjölskyldunni
minni og vinum okkar.“
Hefurðu sett þér eitthvert
markmið í hlaupinu sjálfu?
„Að komast í mark.“
Langar þig að segja eitthvað að
lokum, öðrum til hvatningar?
„Að njóta, vera glaður og vera
góð hvert við annað.“
92 ára og tekur
þátt í maraþoni
Elsti þátttakandinn að þessu sinni
Ljósmynd/Bára Tómasdóttir
Mæðgur Pálína og Sigrún Anna að sækja númerin fyrir hlaupið.
Agnes Bragadóttir
agnes@mbl.is
„Fyrst er rétt að þakka fyrir viðbrögð
ykkar fjögurra á vettvangi borgarráðs
(og í fjölmiðlum) við dómi Héraðs-
dóms Reykjavíkur frá 5. júní sl. í máli
Sigurðar Páls Óskarssonar, fjármála-
stjóra Ráðhúss, gegn Reykjavíkur-
borg. Niðurstaða dómsins er áfellis-
dómur yfir stjórnunarháttum í
Ráðhúsi Reykjavíkur og stjórnsýslu
borgarinnar,“ segir í upphafi tölvu-
bréfs frá Kjarafélagi viðskiptafræð-
inga og hagfræðinga (KVH) til odd-
vita minnihlutaflokkanna í
borgarstjórn Reykjavíkur, þeirra Ey-
þórs Laxdal Arnalds, Kolbrúnar
Baldursdóttur, Sönnu Magdalenu
Mörtudóttur og Vigdísar Hauksdótt-
ur. Hallur Páll Jónsson, fram-
kvæmdastjóri KVH ritaði bréfið í
nafni félagsins. Bréfið var sent þann 9.
ágúst sl.
Kjarafélagið sendi ofangreindum
borgarfulltrúum annað bréf í fyrra-
dag. Vigdís Hauksdóttir, borgar-
fulltrúi Miðflokksins, lagði bæði bréf-
in fram á fundi forsætisnefndar í gær
og gerði bókun þar sem segir m.a.:
„Erindin eru lögð fram í því skyni að
varpa ljósi á málatilbúnað embættis-
manna í kjölfar dóms héraðsdóms
Reykjavíkur... Þar kemur m.a. fram:
,,Það er raunar fordæmalaust að
skrifa þurfi borgarfulltrúum bréf til
að upplýsa um stjórnunarvanda í Ráð-
húsi Reykjavíkur og áframhaldandi
aðför að starfsmanni þar.“
Ærumeiðandi framganga
Í fyrra bréfi KVH segir einnig orð-
rétt: „Því miður virðist dómurinn og
dæmdar skaðabætur vegna ærumeið-
andi framgöngu, ekki hafa haft þau
áhrif að skrifstofa borgarstjóra og
borgarritara ætli að læra af honum.
Þvert á móti á að halda áfram aðför að
fjármálastjóra Ráðhúss, í stað þess að
láta kyrrt liggja og biðja viðkomandi
afsökunar á málinu öllu. Því tel ég mér
skylt að upplýsa ykkur um eftirfar-
andi: Borgarritari hefur orðið við ný-
legri beiðni síns undirmanns, skrif-
stofustjóra borgarstjóra, að halda
áfram svokallaðri rannsókn á meintu
einelti skrifstofustjórans í garð fjár-
málastjórans, þrátt fyrir að fjármála-
stjórinn hafi ekki óskað eftir því og
aldrei lagt fram kvörtun eða kæru um
slíkt, eins og fram kom í réttarhöldum
fyrir Héraðsdómi. Hann getur þar
með ekki verið aðili slíks stjórnsýslu-
máls....
Fjármálastjóri ráðhúss taldi eins og
fleiri að þessu leiðindamáli væri lokið
og hann gæti um frjálst höfuð strokið
og sinnt sínum störfum fyrir Reykja-
víkurborg eins og hann hefur gert
með sóma undanfarin rúm 12 ár.
Borgarritari og skrifstofustjóri hans
virðast hins vegar ekki af baki dottnir,
þrátt fyrir nýfallinn dóm Héraðsdóms
og hafa nú tekið upp þráðinn þar sem
frá var horfið...“
Seinna bréf KVH, sem dagsett er
16. ágúst, var sent oddvitum borgar-
fulltrúa minnihlutans til þess að benda
á „rangfærslu skrifstofustjórans“.
Það er af og frá
Þar segir m.a.: „Skrifstofustjórinn
heldur því fram og lætur líta út í bréf-
inu að einhverjar nýjar yfirlýsingar
hafi komið fram í málflutningi við að-
almeðferð um að fjármálastjórinn hafi
sakað hana um einelti. Það er af og
frá....
Í málflutningi lögmanna kom ekk-
ert nýtt fram í þessum efnum frá því
sem fram kom í gögnum málsins.“
Og síðar segir: „Að auki kemur
fram í bréfi skrifstofustjórans að
„rannsóknin hafi ekki verið sett af
stað“. Það er einnig rangt. KVH hefur
þvert á móti fundargögn um að fjár-
málastjórinn var boðaður á fyrsta
fund rannsóknar eineltisteymis skóla-
og frístundasviðs, þ. 18. maí s.l. Með
fjármálastjóranum á þeim fundi var
fulltrúi hans stéttarfélags. Þar lagði
fjármálastjórinn fram bókun þess efn-
is að hann hafi ekki lagt fram kvörtun
um einelti. Auk þess væri mál rekið
fyrir héraðsdómi milli hans og borg-
arinnar og var þess krafist af hans
hálfu að fundi yrði slitið, sem var gert.
Afvegaleiðing umræðunnar birtist
einnig í bréfi skrifstofustjóra til for-
sætisnefndar með ósk um að fram fari
önnur allsherjar „rannsókn á fram-
komu hennar í garð undirmanna sinna
með það að leiðarljósi að kanna hvort
sú lýsing sem dómurinn setur fram
eigi við rök að styðjast“ !! Hér vill
skrifstofustjórinn ekki una niðurstöðu
héraðsdóms heldur reyna að hnekkja
henni með eigin rannsókn og halda
áfram aðför sinni að fjármálastjóran-
um.
Til að kóróna verkið er síðasta
smjörklípan sú að saka borgarfulltrúa
um meiðandi og alvarlega umræðu
um sig, og leggja fram beiðni um enn
aðra rannsókn, þ.e. hvort borgar-
fulltrúi hafi brotið ákvæði sveitar-
stjórnarlaga og hvort málið skuli sent
siðanefnd Sambands íslenskra sveit-
arfélaga.“
Stefán Eiríksson borgarritari
sagði, þegar álits hans var leitað, að
hann hefði ekki heimild til að ræða
starfsmannamál á opinberum vett-
vangi.
Áfellisdómur yfir stjórnarháttum
Hörð gagnrýni á stjórnendur í Ráðhúsi Reykjavíkur í tveimur bréfum til borgarfulltrúa frá Kjara-
félagi viðskiptafræðinga og hagfræðinga Bréfin lögð fram á fundi forsætisnefndar borgarinnar í gær
Morgunblaðið/Valli
Ráðhús Reykjavíkur Kjarafélag viðskiptafræðinga og hagfræðinga
gagnrýnir stjórnunarhætti embættismanna borgarinnar harðlega.
Erna Ýr Öldudóttir
ernayr@mbl.is
„Þetta er sög sem sagar ofan í jarð-
veg fyrir jarðstrengjum, rörum og
lögnum,“ segir Hörður Gunnarsson,
verkefnastjóri hjá Línuborun hf., en
fyrirtækið var að festa kaup á 38
tonna jarðvegssög fyrir 120 milljónir
króna.
„Þetta er hjólsög úr stáli með kar-
bíttönnum sem má skipta út, og er
hún 2,8 metrar að þvermáli. Hún sag-
ar í gegnum móa, klappir, berg, hefð-
bundinn jarðveg, tún og bara allt
mögulegt,“ segir Hörður, en við góð-
ar aðstæður má saga með henni upp
undir tvo kílómetra á dag.
„Hún sagar niður á 1,4 metra dýpi.
Í gærmorgun, þegar myndin var tek-
in, vorum við að saga skurð sem var
metri á breidd og dýpt.“ Verið var þá
að leggja kaldavatnsrör uppi á
Hellisheiði fyrir Orkuveituna. Þegar
skurðir eru sagaðir er mokað upp úr,
sandað undir, rörið lagt og ýta mokar
yfir.
„Þetta voru 220 metrar og hraun
og klappir undir. Með hefðbundnum
búnaði hefði þetta kannski tekið fjóra
daga en það tók aðeins um klukku-
stund með söginni,“ að sögn Harðar.
„En þegar verið er að leggja há-
spennustrengi eða ljósleiðara sandar
hún undir og lokar skurðinum á eftir
sér. Þetta er allt gert í einu, en kefli
með strengjunum er þá á vélinni sem
leggur strengina um leið og sagað
er,“ segir Hörður, sem kallar sögina
tímamótatæki.
Hann segir mikla ánægju með vél-
ina, af henni hljótist mikill vinnu-
sparnaður og lágmarksjarðrask og
þrír menn geti sinnt allri vinnunni.
„Við erum mjög spenntir að nota
hana og næsta verkefni verður að
leggja háspennustreng á Fróðár-
heiði, í bratta og klappir.“
Morgunblaðið/Arnþór Birkisson
Tímamótatæki Með jarðvegssöginni má saga og leggja strengi um leið. Í gær var hún notuð til þess að saga fyrir
vatnslögn á Hellisheiði. Næsta verkefni verður að leggja háspennustreng á Fróðárheiði.
Öflug jarðvegssög flýtir
fyrir öllum lögnum í jörð