Breiðfirðingur - 01.04.1981, Blaðsíða 51

BREIÐFIRÐINGUR
49
Álfatröðum, sem var hjáleiga frá Dúnki, en síðar var
dýrleikanum skipt á báðar jarðirnar, svo Dúnkr var talinn XXX
hundraða, en Álfatraðir X hundruð. Þessi jörð dregr nafn af
Álfhól, sem bærinn stendr undir, og trúðu menn því, að í
hólnum byggi Álfar. Nú er Dúnkr talinn XXVI hundruð, en
Álfatraðir nálega XI hundruð.
Gunnarsstaðir. Þessi bær er vestasti bærinn í Hörða-
dalshrepp, og undir eins í Dalasýslu, en fyrrum var
hann talinn með Skógarströnd; hann dregr nafn af Gunnari
Hlífarsyni, sem átti Helgu Olafsdóttur, systur Þórðar gellis.
Gunnar bjó þar um og eptir miðja tíundu öld, og hefir hann
annaðhvort byggt þar fyrstr bæ, eða húsað þar svo vel bæinn, að
hann hefir verið við hann kenndr. Jörð þessi hefir verið talin
XVI hundruð að dýrleika, en nú er hún, eftir nýja matinu, nærri
XVIII hundruð.
Hítardalsheiði; svo hét fjallið norðanvert við botninn á
Hítardal, og milli hans og Bjúgsdals. Það er nú almennt kallað
Bjúgr, og liggr þar nú yfir alfaravegur milli Dala og Mýra, fyrir
vestan Lángá.
Hurðarbak. Það er og hefir lánga tíma verið eyðijörð, og liggr í
Hóls landareign; bærinn hefir staðið neðanvert við
Hurðarbaksgil, og Hurðarbaksdalr heitir dalverpi í fjallið, þar
sem gilið hefir upptök. Þetta er að austanverðu í Selárdal,
nokkru ofar en gegnt Selárdals-bænum, og eru skammt þaðan
tvö eyðikot, sem kölluð eru: Múlakot og Skurðarkot, bæði í
Hólslandi, gegnt Selárdal. Sagt er, að Hurðarbak hafi verið
tígulega húsaðr bær, og hafi þar verið átján hurðir á járnum.
Hörðabólstaðr: sá bær stendr neðst af bæjum austanvert í
Hörðadal, en hefir lengi tilheyrt Miðdalahrepp; bærinn hefir
dregið nafn af Herði, skipverja Auðar djúpuðgu, því hún gaf
honum þar bústað. Jörð þessi hefur um lángan tíma verið kölluð
Hörðaból, og á síðari tímum Hörðuból, af latmæli. Að dýrleika