Breiðfirðingur - 01.04.1981, Side 64

62
BREIÐFIRÐINGUR
Fjárhúsin á Lambeyrum
hann hafa leitað eftir kaupum á Dönustöðum. Af kaupum varð
ekki og eru ástæður óljósar.
Ekki er kunnugt um annað en jörðin hafí alltaf verið í
bændaeign, enda tiltölulega fáar kirkju- og stólsjarðir í
héraðinu.
Árið 1958 verða þáttaskil í sögu Dönustaða.-Frá árinu 1922
höfðu þau hjónin Jóhanna Lilja Kristjánsdóttir og Skúli
Jóhannesson búið á Dönustöðum. Sigríður dóttir þeirra hjóna
fór þá að búa með ungum sjómanni, sem kom frá Akranesi,
Einari Valdimar Ólafssyni. Reistu þau nýbýlið Lambeyrar úr
landi Dönustaða. Einar hafði þá lokið stýrimannsprófí og verið á
togurum um skeið. - Mun það hafa vakið nokkra furðu þegar
sjómaðurinn með stýrimannsprófið hóf búskap í Laxárdalnum.
Skúli á Dönustöðum andaðist 1968 en ekkja hans, Jóhanna
Lilja flutti suður í Kópavog og hefur búið þar síðan.
Einar og Sigríður fengu þá alla jörðina til ábúðar. Frá því að
þau hófu búskap hefur jörðin mjög skipt um svip. Mest þó hin
síðari árin. Koma þar til framkvæmdir bæði í ræktun og
húsabótum. Ibúðarhús sitt reistu þau um svipað leyti og þau
hófu búskap. Núna seinni árin hefur elsti sonur þeirra hjóna,
Daði rekið félagsbú með foreldrum sínum.
Stærsta átakið til þessa gerðu þeir Lambeyrafeðgar árin 1978-