Skírnir - 01.04.2011, Qupperneq 171

SKÍRNIR
SKORTSALI ÁSTARINNAR
169
barn. Doreen er þó líklega á villigötum í greiningu sinni. Þótt móðir
Karls sé miðlæg í skáldsögunni hverfast sifjaspellshugleiðingar bók-
arinnar mun fremur um systraígildin þrjú, þær Unu, Doreen og
Lottu, eins og var venja í skáldskap sem lagði áherslu á samkennd-
arhugmyndir.
I Góða elskbuganum er Lotta sett fram sem mögulegur stað-
gengill Unu. Hún skilur Karl og er óvenjutengd honum eins og sést
glögglega á því hversu auðveldlega hún getur ráðið í þarfir hans og
væntingar, líkt og æskuástin gerði. Eftir andlát Ástumömmu getur
Una ein komið Karli til að hlæja, en eftir að hún er horfin situr hann
„uppi með sjálfan sig í hláturslausum heimi“. Það er Lotta sem færir
honum „hláturinn aftur“ og um leið er hann „minntur á Unuhlát-
urinn“ (56). Hjá Lottu finnur hann nógu mikið hæli til þess að sam-
vistirnar við hana megi kalla „hamingju með sínu lagi“, en hann er
einnig minntur á að líf hans er „runa af aukaatriðum, í staðinn fyrir
eitt aðalatriði“ (57). Þó að ljóst sé að Lotta elski Karl að öllum lík-
indum (78) og hugsunin um hana þvælist fyrir honum þegar hann
reynir að koma Unu úr landi (83), er Lottu ýtt til hliðar í sögunni
þegar Una fylgir honum loks til Bandaríkjanna. Vegna þess að Lotta
er eitt af táknrænum systraígildum Karls kemur það Unu á óvart
að Lotta skuli vera svört (111). Líklega er sú staðreynd helsta sundr-
unaraflið í sambandi Karls og Lottu. Ástarsambönd sögunnar sækja
merkingu í áköf innvensl og útvenslin (e. exogamy) sem búa í kyn-
þáttamuninum nægja að öllum líkindum til þess að afskrifa Lottu
sem mögulegt ástarviðfang í huga lesandans, án þess að hann geri sér
í raun og veru grein fyrir því. Að minnsta kosti hverfur Lotta nú að
mestu út úr sögunni.
Doreen Ash veitir Unu harðari samkeppni en Lotta sem mikil-
vægt ástarviðfang og mikið er gert úr táknrænum tengslum hennar
við Karl. „Hélstu að þú hefðir sofið hjá hálfsystur þinni?“ (127)
spyr Doreen hann nánast upp úr þurru þegar hann heimsækir hana
á skrifstofuna rúmum þremur árum eftir að þau hittust fyrst. Spurn-
ingin virðist úr lausu lofti gripin af hennar hálfu og Karl svarar
henni hróðugur svo að hann eigi aðeins eina hálfsystur og hún heiti
Fríða. Þó eru þessi hugsanlegu skyldleikatengsl Karls og Doreen
ítrekuð víða í sögunni og tvær grímur fara fljótlega að renna á les-