Skírnir - 01.04.2011, Qupperneq 203

SKÍRNIR
MEÐ R í BÍLNUM
201
þær. Reyndar sé ég eftir að hafa ekki elt R og tekið mynd í hina átt-
ina í hvert skipti sem hann smellti af. Eg veit ekki hvaða Island þær
myndir hefðu birt. Hina hliðina á íslandi? Hina hliðina á sama pen-
ingnum? Líklega bara hliðina á Islandi sem R hefur snúið baki í alla
síðastliðna viku.
24.
Stundum er sagt um íslendinga að þeir séu sagnaþjóð. Þeir hafi ekki
bara skrifað sögurnar heldur segi þeir hver öðrum sögur þegar þeir
hittast. Sennilega er álíka mikið til í því og þegar talað er um að Pól-
verjar fari strax að kvarta þar sem þeir koma saman. Þegar tveir
Frakkar hittist spjalli þeir um heimspeki. Osfrv.
I dag þegar R var á rölti með myndavélina fór ég í sund. I heita
pottinum sátu tveir húðflúraðir íslenskir karlmenn um sextugt — og
töluðu saman. Mér virtust þeir aðallega ræða um það sem þeir höfðu
heyrt í útvarpinu. Aðallega um það sem aðrir höfðu sagt í útvarp-
inu. Mennirnir töluðu mikið um „þá“ og það sem „þeir“ höfðu sagt.
Flest af því sem mennirnir sögðu byrjaði á: „Nú segja þeir...“ eða
„Þeir eru víst...“ Allt virtist undir „þeim“ komið. Allt virtist komið
undir öllum öðrum en mönnunum tveimur.
Á meðan ég hlustaði áfram datt mér í hug að spyrja hversvegna
þeir stilltu ekki upp útvörpunum sínum á bakkanum. Annað gæti
verið stillt á Rás 1 en hitt á Rás 2. Þá gætu þeir sleppt því að sitja
þarna sjálfir.
25.
Feitir karlar, feitar konur, feitir krakkar.
Mitt í kreppunni er offita orðin áberandi vandamál á lands-
byggðinni. Ástæðan hlýtur að vera maturinn því ólíklegt er að fólk
hreyfi sig minna úti á landi en í höfuðborginni. Reyndar byrjar
mann að gruna strax í sjoppunum við þjóðveginn að mataræði sé
öðruvísi úti á landi. Þar er varla hægt að fá neitt að borða annað en
hamborgara og franskar. Einhver ætti að aka hringinn og kenna
fólkinu í þessum sjoppum að elda betri mat. Hann er ekki bara dýr,
vondur og óhollur, heldur líka niðurdrepandi.