Dagblaðið Vísir - DV - 15.08.2018, Page 37

Skagafjörður
15. júní 2018
KYNNINGARBLAÐ
Ábyrgðarmaður: Steinn Kári Ragnarsson / steinn@dv.is Umsjón: Ágúst Borgþór Sverrisson / agustb@dv.is
SÓLGARÐAR Í FLJÓTUM:
Fjölskylduvæn
paradís í fallegri sveit
Að Sólgörðum í Fljótum reka hjónin Kristín Sigur rós Einarsdóttir og Alfreð Gestur Símonar son ferðaþjónustu annað sumarið í
röð og er opið til 1. september næstkomandi.
„Ég er svæðisleiðsögumaður og Alfreð er alinn
hér upp á næsta bæ, þannig að við erum tengd
staðnum,“ segir Kristín, aðspurð af hverju þau völdu
að fara í ferðaþjónustuna. „Við vorum laus við þegar
þetta tækifæri gafst í fyrra og það var frábært að
fá tækifæri að dvelja í þessari sveit sem okkur hefur
alltaf dreymt um að flytja aftur í.“
Gisting er í boði fyrir 19 manns í einu í uppbúnum
rúmum, hægt er að taka á móti fleirum á dýnum
þegar hópar dvelja í húsinu og einnig geta hópar
fengið að tjalda eða gista í ferðavögnum. Á Sólgörð-
um eru oft haldin lítil ættarmót eða afmæli og þar
dvelja gjarnan hestamanna- og gönguhópar, svo
eitthvað sé nefnt.
„Við sjáum einnig um sundlaug sem er hér á staðn-
um. Hún er opin fyrir almenning sex daga vikunnar,
þetta er ekta gömul sveitasundlaug, heit og notaleg,“
segir Kristín.
„Við rekum einnig Kaffihús Guðrúnar frá Lundi og
það hefur verið mjög vinsælt. Í fyrra buðum við upp á
vöfflur en við vildum gera meira úr kaffihúsinu núna í
sumar. Nú erum við búin að innrétta það í gömlum stíl
og bjóðum upp á súpu, vöfflur, kaffi, ís, kalda drykki og
sælgæti. Svo er aldrei að vita nema eitthvað bætist
við úrvalið þegar líður á sumarið.“
Kristín býður upp á ferðir með leiðsögn, bæði
göngu- og rútuferðir. „Þá hef ég meðal annars farið á
slóðir Guðrúnar frá Lundi. Í fyrra opnuðum við Marín
Guðrún Hrafnsdóttir, langömmubarn Guðrúnar, sýn-
ingu um hana á Sauðárkróki. Farið hefur verið með
sýninguna um landið og verður hún á Amtsbókasafn-
inu á Akureyri í júní og júlí og síðan á Egilsstöðum og í
Keflavík,“ segir Kristín. Eins og alþekkt er þá hafa bæk-
ur Guðrúnar notið mikilla vinsælda undanfarið og fást
þær á kaffihúsinu, bæði nýjar og notaðar. Einnig fást
þar svuntur og taupokar með tilvitnunum úr bókum
Guðrúnar.
„Í sumar er stefnan að bjóða upp á litla viðburði,
tónleika og fjölskyldudag, Fjölskyldufjör í Fljótum, og
er stefnt að því að það verði sunnudaginn 23. júlí.
Þá verðum við með hoppukastala, andlitsmálningu,
grill, leiki og fleira. Við prófuðum þetta í fyrra og það
mæltist mjög vel fyrir. Einnig er hægt að horfa á bolt-
ann hjá okkur, meðal annars leikina á HM.“
Sólgarður er friðsæll og fjölskylduvænn staður, þar
er mjög skjólsælt og stutt milli fjalls og fjöru. Fljótin eru
þekkt fyrir fallegt landslag og eru tilvalinn áningar-
staður fyrir náttúruunnendur. Góð aðstaða er fyrir
börn á Sölgörðum, afgirtur leikvöllur, hægt að grilla
og borða nesti og mikið af leikföngum á staðnum. Um
30 kílómetrar eru bæði til Hofsóss og Siglufjarðar, en
Sólgarðar eru þar mitt á milli á Tröllaskagahringn-
um svokallaða, sem er orðinn mjög vinsæll hjá bæði
íslenskum og erlendum ferðamönnum.
Sólgarðar eru við veg nr. 787, Flókadalsveg í Fljót-
um, síminn er 867-3164, netfangið er gagnvegur@
gmail.com. Facebook: Sólgarðar í Fljótum.
Opið alla virka daga, nema þriðjudaga, kl. 15–21.
Um helgar er opið kl. 12–17.