Dagblaðið Vísir - DV - 15.08.2018, Side 42

Skagafjörður 15. júní 2018KYNNINGARBLAÐ
Veitingastofan Sólvík
fullkomnar góða stund á Hofsósi
Þeir sem eiga leið um Skagafjörð í sumar ættu endilega að koma við á Hofsósi, fallegu litlu þorpi,
þaðan sem stórkostlegt útsýni er yfir
fjörðinn, Drangey og Þórðarhöfða.
Fyrir utan að njóta náttúrufegurðar-
innar er gaman að skoða hið einstaka
og stórfróðlega Vesturfarasetur og
það er líka tilvalið að bregða sér í
margrómaða sundlaugina á staðn-
um.
Það er ekki síður gaman að snæða
á Hofsósi, nánar tiltekið á veitinga-
staðnum Sólvík. Staðurinn hefur verið
í rekstri í aldarfjórðung, meira og
minna í höndum Dagmarar Ásdísar.
Árið 2016 eignaðist Dagmar Ásdís
(Dídí) ásamt sambýlismanni sínum,
Ragnari Þór Jónssyni, Sólvík. Síðan
þá hefur Ragnar tekið húsið í gegn að
utan og er sannkölluð prýði af því eins
og myndin ber með sér.
„Þetta er myndarhús og það mátti
vel við andlitslyftingu,“ segir Dagmar.
Fyrir utan huggulegan veitingasal
inni í húsinu býður Sólvík líka upp á
veitingasvæði utandyra sem er vel
þegið á góðviðrisdögum og er þá oft
þétt setinn bekkurinn.
Meirihluti gesta í Sólvík er erlendir
ferðamenn en Íslendingum fjölgar
er líður á sumarið. „Þetta eru hvort
tveggja ferðamenn sem gista í
plássinu, ýmist á gistiheimilum eða á
tjaldsvæðinu, og aðrir sem eiga leið
um. Margir sem hingað koma eru á
leiðinni til Siglufjarðar og má því með
sanni segja að við höfum notið góðs
af allri uppbyggingunni þar,“ segir
Dídí.
Á hverjum einasta morgni bakar
Dídí fullan disk af pönnukökum sem
fylla húsið af unaðslegri angan. Þó
að pönnukökurnar standi vissulega
fyrir sínu þá eru vinsælustu réttirnir á
matseðlinum í Sólvík skagfirskt fjalla-
lamb og spriklandi ferskur þorskur.
Óhætt er að segja að úrvalið sé
fjölbreytt og allir ættu að geta fundið
eitthvað við sitt hæfi.
Sumaropnun hefur nú tekið gildi í
Sólvík og er opið frá 10 á morgnana
til 22 á kvöldin. „Við erum ekki hörð á
lokunartímanum og höfum bara opið
lengur ef gestir eru á staðnum sem
sýna ekki á sér fararsnið,“ segir Dídí.
Nánari upplýsingar á Facebook-
-síðunni Veitingastofan Sólvík.
SYÐRA-SKÖRÐUGIL:
Lítið fjölskyldufyrirtæki sem býður
upp á gistingu, hestaleigu og hestaferðir
Í hjarta Skagafjarðar reka þau hjónin Elvar Einarsson og Fjóla Viktors-dóttir hestatengda ferðaþjónustu á
bænum Syðra-Skörðugili.
„Hestaleigan er bara opin á sumrin
hjá okkur, en gistingin allt árið,“ segir
Elvar Einarsson. „Á veturna höfum
við hins vegar opið fyrir minni hópa
í kennslu og reiðtúra sem bókað er
fyrirfram í. Við eigum mikið af góðum
hestum sem nýtast bæði fyrir byrj-
endur og lengra komna, en allt að 18
manns geta farið á bak í einu.“
Boðið er upp á nokkrar tegundir
af styttri ferðum í hestaleigunni, sem
dæmi Forsetahringinn en það er
stutt ferð hér í kringum bæinn sem
við fórum með Guðna forseta og
fjölskyldu fyrir nokkrum árum, sú ferð
tekur bara 45 mínútur og er fín fyrir
byrjendur. Einnig er hægt að bóka 12
og þriggja klukkustunda ferðir. Einnig
er boðið upp á dagsferðir. „Við gerum
bara það sem fólk langar til að gera.
Sem dæmi má taka að ef ég er
með 20 manna hóp þar sem allir eru
byrjendur þá fer ég með þá Forseta-
hringinn sem tekur um eina klukku-
stund á feti.“
Það fer vel um alla í Ömmubæ
Afi og amma Elvars byggðu upphaf-
lega húsið sem nú er gistihús í húsinu
og síðan bjuggu Elvar og hans fjöl-
skylda þar í nokkur ár. „Síðan byggði
ég nýtt hús og þá bjó vinnufólkið okk-
ar í gamla húsinu. Húsið var orðið svo
illa farið að það var annaðhvort að
rífa það eða gera það upp. Við tókum
ákvörðun um að gera það alveg upp.
Tókum gólf, veggi og endurskipulögð-
um.“
Ákveðið var að leigja húsið út til
að framkvæmdin myndi borga sig. Í
húsinu eru fimm herbergi, eitt þriggja
manna, tvö fjögurra manna og tvö
tveggja manna og geta alls 15 manns
sofið í húsinu. Þar er einnig heitur
pottur sem er vinsæll og mikið notað-
ur og flott útsýni yfir fjörðinn.
„Þetta er fjórða árið okkar í ferða-
þjónustunni,“ segir Elvar, en bæði
Íslendingar og erlendir ferðamenn
koma að Syðra-Skörðugili, þó að
meira sé af erlendum ferðamönnum
yfir sumartímann. „Við erum með
gistinguna í boði á booking. com og
flestar bókarnir koma í gegnum þá
síðu. Síðan eru margir að koma aftur
sem hafa verið áður,“ segir Elvar. Sé
booking.com skoðuð má sjá að um-
mæli viðskiptavina eru góð.
Á sumrin er einnig boðið upp á
lengri hestaferðir , 5–6 daga, þar
sem farið er í Merkigil og fleiri staði og
fjórar ferðir eru fram undan í sumar.
„Einnig fáum við til okkar skólahópa í
maí til að fylgjast með sauðburði og
fara á hestbak og það hefur verið
mjög vinsælt,“ segir Elvar, sem er
reiðkennari og tamningamaður líka,
en hann var að sýna á kynbótasýn-
ingu fyrir helgi fjögur hross sem fengu
öll fyrstu verðlaun.
Syðra-Skörðugil er í Varmahlíð,
síminn er 893-8140 og netfangið er
info@sydraskordugil.is.
Heimasíða: sydraskordugil.is.
Facebooksíða: Syðra-Skörðugil –
horseback riding.