Dagblaðið Vísir - DV - 15.08.2018, Page 65

15. júní 2018 FRÉTTIR - EYJAN 65
E
f eitrað verður fyrir Vladi­
mir Kara­Murza í þriðja sinn
verður ekki hægt að bjarga
honum. Þetta segja læknar
honum. Þriðja eitrunin mun ein­
faldlega drepa hann. Hann lifði
naumlega af tvær morðtilraunir þar
sem eitrað var fyrir honum. Lækn­
ar segja að líkurnar á að lifa af hafi
aðeins verið fimm prósent í hvort
sinn. Síðast var eitrað fyrir honum í
febrúar á síðasta ári en þá voru liðin
tvö ár frá fyrri morðtilrauninni.
Nokkrum mánuðum fyrir fyrri
morðtilraunina var vinur hans og
viðskiptafélagi, Boris Nemtsov,
skotinn til bana á götu úti nærri
Kreml í Moskvu. Murzas komst til
meðvitundar eftir fyrri morðtil­
raunina nokkrum vikum eftir að
honum var byrlað eitur. Læknar
vita ekki hvaða eitur var notað en
eru ekki í vafa um að eitrað var fyr­
ir honum. Í síðara skiptið voru ein­
kennin þau sömu, líktust hjarta­
áfalli en Murza vissi að hann væri
ekki að fá hjartaáfall. Honum var
haldið sofandi í tvær vikur. Þegar
hann vaknaði yfirgaf hann Rúss­
land ásamt fjölskyldu sinni.
Murza er ekki í neinum vafa
um hverjir stóðu á bak við morð­
tilræðin. Sterk öfl meðal rússnesku
elítunnar vilja gjarnan losna við
hann á sama hátt og margir póli­
tískir andstæðingar þeirra og gagn­
rýnendur hafa dáið. Murza veit
einnig vel af hverju hann er svona
óvinsæll hjá elítunni. Hann er
einn af helstu talsmönnum hinna
svokölluðu Magnitskij­laga sem
falla ekki vel í kramið hjá elítunni.
Magnitskij­lögin beinast gegn
valdamestu mönnum Rússlands
og hitta á þann stað sem þá svíður
mest, veskið og möguleikann á að
ferðast út fyrir Rússland. Bandarík­
in tóku fyrst ríkja slík lög upp en það
var 2012 eftir að rússneskur lögmað­
ur lést í fangelsi á meðan hann beið
réttarhalda. Lögmaðurinn, Sergej
Magnitskij, hafði skömmu áður
komið upp um umfangsmikil skatt­
svik og spillingu meðal rússneskra
ráðamanna og yfirvalda. En afhjúp­
un hans leiddi ekki til rannsókna
á málunum heldur var Magnitskij
sakaður um skattsvik. Nokkrum
dögum áður en hann átti að mæta
fyrir dómara fannst ungi lögmaður­
inn látinn í fangaklefa sínum. Sam­
kvæmt skýrslum lést hann af völd­
um hjartastopps og blóðeitrunar
af völdum lifrarbólgu sem hann
smitaðist af í fangelsinu. Niður­
staða rannsóknar rússneska mann­
réttindaráðsins var að hann hefði
verið pyntaður og beittur miklu of­
beldi áður en hann lést. Þetta varð
til að Barack Obama, þáverandi
Bandaríkjaforseti, innleiddi hin
svokölluðu Magnitskij­lög í desem­
ber 2012. Lögin náðu þá til 18 Rússa.
Rússar svöruðu þessu með
refsiaðgerðum gegn nafngreind­
um bandarískum ríkisborgurum
og lokuðu á ættleiðingar frá Rúss­
landi til Bandaríkjanna. Einnig var
dómur kveðinn upp yfir hinum
látna lögmanni og hann sakfelldur
fyrir skattsvik.
Fleiri ríki hafa innleitt útgáfur
af Magnitskij-lögunum
Fram að þessu hafa Kanada, Bret­
land, Eistland, Lettland og Lit­
háen innleitt sínar eigin útgáfur af
Magnitskij­lögunum. Breska lög­
gjöfin er sérstaklega áhrifamikil
að mati Muzar þar sem Lundúnir
hafa lengi verið uppáhaldsstaður
þeirra skúrka sem olígarkar eru að
hans sögn. Bresk stjórnvöld inn­
leiddu lögin þó ekki fyrr en nú
í maí í kjölfar erfiðra samskipta
þeirra við Rússa eftir að eitrað var
fyrir Skripal­feðginunum fyrr á
árinu. Bretar hafa lengst af lokað
augunum fyrir umsvifum Rússa í
Lundúnum enda hafa rússnesku
auðmennirnir komið með mikið
fjármagn til borgarinnar.
Rússar hafa gagnrýnt lögin og
segja þau vera dóm, sem kveðinn
er upp án réttarhalda, yfir rúss­
neskum ríkisborgurum fyrir meint
afbrot sem voru framin í Rússlandi.
Murza segir að eins og staðan sé í
dag sé eina leiðin sem fær er að
Vesturlönd beiti þeim refsiaðgerð­
um gegn Rússlandi sem Magnit­
skij­lögin eru. Ekki sé hægt að láta
alvöru réttarhöld fara fram í Rúss­
landi eins og staðan sé þar í dag.
„Refsingin fyrir pyntingar,
morð, ólöglegar handtökur og
umfangsmikla spillingu eiga ekki
að vera aflýst sumarfrí eða að inni­
stæður á breskum bankareikning­
um séu frystar. Það eiga að vera
alvöru réttarhöld hjá alvöru dóm­
stól.“
Bandaríkjamaðurinn Bill
Browder hefur einnig unnið ötul­
lega að því að fá fleiri ríki til að
samþykkja Magnitskij­lög en það
var Browder sem réð Sergej Magn­
itskij á sínum tíma til að rann­
saka skattsvik, rannsókn sem varð
honum að bana. Browder segir að
Vladímír Pútín, forseti Rússlands,
sé einn reiðasti og illgjarnasti ein­
ræðisherra heims, þjóðarleiðtogi
sem hefji stríð, eitri fyrir óvinum
sínum, svindli á ólympíuleikunum
og blandi sér í kosningar í öðrum
ríkjum.
„Hann er ógn við heiminn og
hann hefur aðeins áhuga á einu:
Peningunum sínum. Hann á mikið
af peningum og þá peninga geym­
ir hann á Vesturlöndum. Hann vill
ekki að þessi lög ógni peningun­
um hans.“
Segir Browder. Hann segir einnig
að það sýni hinn mikla siðferðisskort
sem hrjáir Pútín að þegar Banda­
ríkin innleiddu Magnitskij­lög­
in hafi Pútín bannað ættleiðingar
rússneskra barna til Bandaríkjanna.
Það sýni innræti hans að svarið við
refsiaðgerðum gegn glæpamönn­
um, spilltum embættismönnum og
mönnum sem brjóta mannréttindi
sé að banna ættleiðingar. Eitthvað
sem bitnar á börnum.
Það er einmitt af því að Magn­
itskij­lögin koma illa við pyngju
rússnesku elítunnar sem þau eru
sterkasta vopnið gegn henni að
mati Browder.
Rússar eru ósáttir við Browder
og hafa margoft reynt að láta hand­
taka hann og fa hann framseldan
til Rússlands. n
Mottur setja punktinn yfir i-ið á heimilinu.
Persía er sérdeild innan Parka með stök teppi og mottur.
Við bjóðum upp á sérvalin handhnýtt austurlensk teppi og fjölbreytt
úrval af vönduðum vélofnum gervi- og ullarteppum.
Bjóðum aðeins það besta fyrir þig.
Parki ehf. • Dalvegi 10-14 • 201 Kópavogi • www.parki.is • parki@parki.is • sími: 595 0570
VIÐARPARKET • UTANHÚSSKLÆÐNINGAR • VÍNYLPARKET • FLÍSAR • HURÐIR • TEPPI • KERFISLOFT • HARÐPARKET • INNRÉTTINGAR
Refsingin fyrir morð á að
vera meira en bara aflýst frí
n Kara-Murza hefur lifað af tvær morðtilraunir með eitri n Mun ekki lifa þá þriðju af
Kristján Kristjánsson
ritstjorn@dv.is
Vladimir Kara-Murza á sjúkrahúsi eftir morðtilræði.
Bill Browder, óvinur Pútíns númer 1.„Murza er ekki í
neinum vafa um
hverjir stóðu á bak við
morðtilræðin.