Ljósmæðrablaðið - 01.06.2012, Blaðsíða 31

31Ljósmæðrablaðið - júní 2012
sómasamlega að þessum aðgerðum. Þrátt
fyrir mikil samskipti LMFÍ í samráði við
lögmann BHM við viðkomandi stofnun
og yfirmann hennar varð sáttaleiðin ekki
fær. Leitaði LMFÍ því til utanaðkomandi
lögfræðinga á lögfræðistofunni Mandat að
fengnu áliti lögfræðings BHM. Stjórnin
var sammála um að standa vörð um rétt-
indi ljósmæðra því eins og segir í lögum
félagsins í 2. gr. er markmið félagsins að
gæta hagsmuna og réttinda ljósmæðra
varðandi starf þeirra og kjör. Dómsmál
eru kostnaðarsöm og mun kostnaður við
þessi dómsmál verða tekinn úr varasjóði
félagsins. Dóms í máli ljósmæðranna er að
vænta í vor/sumar 2012.
Naflaskoðun LMFÍ
Á aðalfundi 2009 var ákveðið að stofna
fjóra hópa til að skoða innviði félagsins
lagahóp, faghóp, kjarahóp og hóp til að
skoða starfsreglur innan félagsins. Lifandi
stéttarfélag í stöðugri þróun þarf reglulega
að leita inn á við. Skoða hverju má breyta
og hvað má laga til að gera starfsemina
enn betri. Það var tilgangurinn með vinnu
hópanna. Haldnir voru tveir félagsfundir til
að ræða niðurstöður þeirra, einn fyrir jól og
annar eftir áramót. Faghópur og kjarahópur
skiluðu áliti sínu fyrir áramót og tillögur
þeirra voru ræddar á félagsfundi 30.
nóvember sem og tillögur hinna hópanna.
Haldinn var annar félagsfundur eftir áramót
þar sem stjórn og áhugasamir félagsmenn
komu saman til að ræða breytingu á lögum
og starfsreglum LMFÍ. Mikil vinna fór í
að yfirfara lög félagsins og þungi þeirra
vinnu lá hjá lagahópnum. Stjórnin tók svo
að sér að lesa yfir drögin að lögunum og
gera lagfæringar. Síðast en ekki síst fór
lögfræðingur BHM, Erna Guðmunds-
dóttir, yfir drögin og kom með gagnlegar
ábendingar. Drögin að þeim lögum eru sett
fram hér á þessum aðalfundi.
Drög að verklagi eða starfsreglum innan
félagsins hefur verklagshópurinn skilað en
töluverða vinnu á eftir að inna af hendi svo
að handbók félagsins geti litið dagsins ljós.
Þar er að mörgu að huga í vaxandi félagi
og mikilvægt að vanda vel til verka. Þrátt
fyrir misjafna sýn á hlutina er nauðsynlegt
að sameiginleg niðurstaða fáist sem er
farsæl og sanngjörn fyrir allar ljósmæður
sem koma að vinnu fyrir félagið. Sú vinna
heldur áfram í stjórn félagsins á næsta
starfsári.
Þakkir
Að öllum öðrum ólöstuðum vil ég
þakka þeim Ólafíu Guðmundsdóttur,
Steinunni Blöndal og Söru Björk Hauks-
dóttur í lagahópnum. Eins Ástþóru Krist-
insdóttur, Helgu Sigurðardóttur og Elínu
Hjartardóttur í hópnum um starfshætti
félagsins.
Helga Sigurðardóttir fór úr stjórn á
vormánuðum til annarra starfa og vil ég
þakka henni fyrir vel unnin störf. Einnig
vil ég þakka Jónínu Birgisdóttur, sem
einnig hvarf til annarra starfa, fyrir góð
störf í þágu félagsins bæði í stjórn og sem
formaður kjaranefndar.
Anna Sigríður Vernharðsdóttir hætti
1. maí sl. sem vefstjóri ljosmodir.is. Hún
og ljósusystur hennar áttu hugmyndina
að síðunni og gáfu félaginu síðuna á
sínum tíma. Vefsíðan ljosmodir.is hefur
svo sannarlega vaxið og dafnað í hennar
umsjón og vil ég þakka Önnu Siggu mikið
brautryðjendastarf. Vefurinn er mikilvægt
tæki til að láta rödd ljósmæðra heyrast í
samfélaginu. Hugmyndin er að auglýsa
eftir nýjum vefstjóra sem myndi vefstýra
bæði heimasíðu félagsins sem og ljos-
modir.is.
Einnig mun Brynja Helgadóttir ljós-
móðir hætta á skrifstofu félagsins og vil ég
sérstaklega þakka henni fyrir gott samstarf.
Í nýju lögunum segir að Fylgjan,
handbók ljósmæðra, verði undir handraða
og stjórn ritnefndar Ljósmæðrafélagsins
en það er nýtt hlutverk sem sú nefnd tekur
að sér. Vil ég nota tækifærið og þakka
Elínborgu Jónsdóttur ritstjóra innilega fyrir
einlægan áhuga á vexti Fylgjunnar öll þessi
ár.
Eins og oft er á aðalfundum verða
breytingar í nefndum og stjórn. Vil ég
þakka Guðrúnu Gunnlaugsdóttur fráfarandi
varaformanni og Jenný Ingu Eiðsdóttur
fráfarandi varagjaldkera fyrir lærdómsríka
og skemmtilega nærveru þetta síðasta ár.
Fyrir hönd stjórnar LMFÍ,
Esther Ósk Ármannsdóttir formaður
Ásta Hlín, Jóhanna og Inga Sigga.
Matur er aldrei langt undan þegar ljósmæður hittast.