Mosfellingur - 30.01.2014, Síða 32
- Aðsendar greinar32
Rúnar Bragi Guðlaugsson forn-
vinur minn býður sig fram í fjórða
sæti í prófkjöri Sjálfstæðismanna.
Það er gott að vita að góðir menn
hafi enn áhuga á stjórnmálum. Því
Rúnar Bragi er svo sannarlega góð-
ur maður, vinur, leiðtogi og í okkar
vinahópi sá sem sér til þess að við
hittumst með um mánaðarmilli-
bili, þannig hefur það verið í 30 ár. Hann er
nefnilega sá sem kemur hlutunum í verk,
talar ekki bara um þá heldur framkvæmir. Í
mínum vinahópi er það ómetanlegt, því við
erum allir nema hann þvílíkir sleðar.
Rúnar hefur alltaf verið mik-
ill áhugamaður um félagsstörf
og stjórnmál og hefur tekið virk-
an þátt í þeim í Mosfellsbæ síðan
hann fluttist þangað með konu
sinni og tveimur börnum.
Ég hika ekki við að mæla með
Rúnari Braga í framvarðasveit Sjálf-
stæðisflokksins í Mosfellsbæ því ég
veit að hann mun ekki bregðast vænting-
um. Hann er hörkuduglegur og heiðarlegur
maður með hjartað á réttum stað.
Ólafur Darri Ólafsson
Rúnar Bragi bregst ekki
Í Mosfellsbæ er gott að búa. Hér er
stutt í alla þjónustu og tækifæri til
útivistar við bæjardyrnar. Barna-
fjölskyldum hefur fjölgað í bæn-
um og mikilvægt að skipuleggja
vel framtíðaruppbyggingu skóla
í bænum. Það hefur varla farið
framhjá neinum að sveitarstjórn-
arkosningar verða í vor og þar sem
ég hef ákveðið að gefa kost á mér í prófkjöri
Sjálfstæðisflokksins langar mig að deila í
örfáum orðum þeirri framtíðarsýn sem ég
hef gagnvart skólamálum í bænum svo og
þeim grunngildum sem landið hefur byggt
löggjöf sína á frá upphafi.
Afburðanemendur í grunnskólum
Sem grunnskólakennari er ég mér vel
meðvitaður um mikilvægi þess að koma til
móts við námslega getu hvers nemanda.
Mosfellsbær hefur alla burði til að vera í
fararbroddi í þeim efnum. Nemendur með
mikla námslega getu og hafa metnað til af-
reka í námi geta náð lengra, en verða að fá
viðeigandi tækifæri til þess. Mosfellsbær
þarf að marka sér stefnu til að mæta þörf-
um þessa hóps og finna leiðir til þess.
Nemendur með sérþarfir
Í flestum grunnskólum landsins eru
nemendur með verulegar hegðunar- og/
eða samskiptaraskanir. Sum sveitarfélög
starfrækja litla skóla sem vinna úr vanda
slíkra nemenda og þjálfa þá til þátttöku
í almennum skóla. Ég tel mjög brýnt að
Mosfellsbær bjóði upp á slíkan
skóla svo námsver skólanna virki
sem slík. Fyrst rekstur slíkra skóla
gengur upp annars staðar þá ætti
hann einnig að geta gengið í Mos-
fellsbæ.
Kristin arfleifð
Samfélag okkar er mótað af
kristinni arfleifð og kristinni trú. Það er
ekki sjálfgefið að svo verði um alla framtíð.
Á sama tíma og umburðarlyndi gagnvart
ólíkum trúarskoðunum þarf að einkenna
samfélagið er ástæðulaust að víkja okkar
eigin grunngildum og trú til hliðar. Ég vil
standa vörð um kristna trú og kristin gildi
enda tel ég þau gildi hafa gert þjóðinni okk-
ar gott.
Lokaorð
Til að vinna framangreindum hugmynd-
um fylgi gef ég kost á mér í 5. sæti í prófkjöri
Sjálfstæðisflokksins í Mosfellsbæ.
Ég tel að reynsla mín af skólamálum, fé-
lagsmálum og áhugi á trúmálum gerir mig
hæfan til að vinna að þessum málum og að
samstarfsmenn mínir í gegnum tíðina geti
staðfest það, hvaða stjórnmálastefnu sem
þeir styðja, hverju þeir trúa eða trúa ekki.
Ég treysti því að orðspor mitt verði til
þess að þú veljir mig í 5. sæti í prófkjöri
sjálfstæðismanna.
Fjalar Freyr Einarsson
facebook.is/xfjalar
Sóknarfæri Mosfellsbæjar
Ég er Mosfellingur. Það er kannski
ekkert rosalega langt síðan ég
fæddist eða tæp 19 ár, en á þeim
tíma hefur Mosfellsbær breyst
óskaplega mikið. Búið er að byggja
Höfðahverfið þar sem við fjöl-
skyldan búum, einnig Krikahverf-
ið, Tröllateiginn, Þrastarhöfðann,
Leirvogstunguna og Helgafells-
hverfið. Komið er torg sem er frábært að
safnast saman á þegar það eru hátíðir eða
bara á sumrin þegar veðrið er gott.
Minn árgangur var sá fyrsti sem var öll
10 árin í Lágafellsskóla og hafa verið stækk-
anir í Lágó á þeim tíma sem ég var þar. Það
var skemmtilegur tími og frábært þegar
útibúið við Bólið var opnað í okkar hverfi.
Lágafellslaug er besta laugin á svæðinu og
veit ég um marga sem koma úr Reykjavík til
að fara í sund þar. Áður en hún kom þurft-
um við að fara í rútu í Varmárlaug, sem var
skemmtilegt en gat verið þreytandi á tím-
um. Búið er að byggja nýja leikskóla og nú
eigum við líka Framhaldsskólann
í Mosfellsbæ. Íþróttaaðstaðan er
miklu betri núna. Búið er að gera
gervigrasvöllinn og svo eru líka
komnir litlir fótboltavellir við skól-
ana, sem slegist var um í frímín-
útum. Það var gerður skatepark í
Reykjahverfinu og man ég hvað
það var spennandi. Við krakkarn-
ir höfum notað hann mikið, en það mætti
klárlega laga hann og stækka. Hjólastígar
og göngustígar sem búið er að gera eru
mikið notaðir og sér maður hjólafólk um
allt, líka yfir veturinn.
Það er gott að vera Mosfellingur. Ég vil
að bærinn haldi áfram að stækka og þróast
og reynast komandi kynslóðum eins vel og
hann hefur reynst mér. Þess vegna langar
mig til að taka þátt í sveitarstjórnarmálum.
Ég, Sturla Sær Erlendsson, bíð mig fram í 6.
sæti í prófkjöri Sjálfstæðismanna.
Sturla Sær Erlendsson
Að alast upp í Mosfellsbæ
Mikil umræða hefur verið um
lýðræði og sveitarstjórnir á und-
anförnum árum. Umræðan hefur
að mestu snúist um lýðræðislega
aðkomu almennings að málum
sem eru til meðferðar hjá sveit-
arstjórnum. Merkilega lítið hefur
hins vegar verið fjallað um innra
starf sveitarstjórnanna sjálfra, þ.e.
ferlið sem á að leiða til niðurstöðu í ein-
stöku málum.
Í sveitarstjórnum ræður meirihluti at-
kvæða ávallt úrslitum um niðurstöðuna.
Áður en mál koma til afgreiðslu í sveitar-
stjórn eiga þó lýðræðislega kjörnir fulltrúar
allra stjórnmálaflokka í nefndum og ráðum
að fjalla um þau efnislega og taka afstöðu
út frá eigin sannfæringu. Þessi málsmeð-
ferð á að tryggja að mál séu skoðuð frá
mismunandi sjónarhornum og niðurstað-
an byggi á málefnalegri yfirsýn. Segja má
að þessi undirbúningsvinna sé hryggjar-
stykkið í fulltrúalýðræðinu en ekki er allt
sem sýnist.
Frá því að meirihluti Sjálfstæðisflokks
og Vinstri grænna tók við í Mosfellsbæ árið
2002 hefur vægi nefnda og undirbúnings-
starfs í nefndum stórlega minnkað. Lítið
sem ekkert frumkvæði kemur frá nefnd-
unum sjálfum, þó á því séu stöku undan-
tekningar. Þær bregðast nær eingöngu við
erindum sem þeim berast frá öðrum. Í of-
análag hefur fundum fækkað.
Gerð fjárhagsáætlunar er lýsandi dæmi
um minnkandi vægi nefnda. Fyrir tíð starf-
andi meirihluta var fjárhagsáætlun unnin í
nefndum. Í dag er svo komið að nefndirn-
ar fá einungis nokkurra mínútna kynningu
á áætluninni frá starfsmönnum Mosfells-
bæjar. Sú kynning fjallar um málaflokkana
í heild sinni og ýmiskonar rekstrarkostnað
en ekki áþreifanleg verkefni. Dæmi um
málaflokka í umhverfisnefnd eru opin
svæði, umhverfisdeild, garðyrkjudeild og
leikvellir. Rekstrarkostnaður er hins veg-
ar greindur í þaula s.s. kaffistofa,
vinnufatnaður, sjúkrapeningar,
mánaðarlaun o.fl. Gott og blessað
svo langt sem það nær. Dýrmætasti
þátturinn í starfi nefndanna hef-
ur hins vegar verið aflagður, þ.e.
að fulltrúar stjórnmálaflokkanna
taki virkan þátt í áætlanagerðinni
og afstöðu til þeirra verkefna sem
sveitarfélagið áætlar að ráðast í og mestu
máli skipta fyrir íbúa.
Þetta þýðir að efnisleg umræða um verk-
efni sveitarfélagsins er tekin úr lýðræðisleg-
um farvegi, fulltrúar stjórnmálaflokkanna
í nefndum glata yfirsýn og fámenn klíka
stjórnmálamanna, sem næst stendur odd-
vita meirihlutans og embættismenn und-
ir hans stjórn, yfirtekur hlutverk fulltrúa
stjórnmálaflokkanna í nefndum.
Hafa nefndarmenn yfirhöfuð svigrúm til
áhrifa? Svo virðist ekki vera. Þegar þess er
óskað að ný mál fái framgang er viðkvæði
meirihlutans oftast að það sé orðið um
seinan þar sem ekki sé gert ráð fyrir þeim í
fjárhagsáætlun. Mikill vandræðagangur er
því líka samfara að fá mál sett á dagskrá,
hvað þá að fá tillögur samþykktar og af-
greiddar til umræðu í bæjarstjórn.
Sú dagskipun að fella tillögur minni-
hlutans í nefndum eða stinga ofan í skúffu
undir yfirskyni úrvinnslu hefur verið mjög
áberandi í valdatíð Sjálfstæðisflokksins
og Vinstri grænna í Mosfellsbæ. Þannig
stjórnarhættir tíðkast ekki lengur á Norð-
urlöndum. Þeir eru taldir úreltir því inntak-
ið í þeim er valdhroki. Þau vinnubrögð að
draga úr áhrifum fulltrúa stjórnmálaflokk-
anna í nefndum á heldur ekkert skylt við
lýðræði. Í aðdraganda kosninga er mikil-
vægt að kjósendur kynni sér þetta og geri
kröfu um að vera ekki snuðaðir um lýð-
ræðið.
Sigrún Pálsdóttir,
fulltrúi S-lista í umhverfisnefnd
Kjósendur snuðaðir
um lýðræðið
Ég hef tekið þátt í sveitarstjórn-
armálum frá 2006 og á þeim tíma
kynnst frábærum einstaklingum úr
öllum stjórnmálaflokkum og metn-
aðarfullum starfsmönnum Mos-
fellsbæjar. Á þessum tíma, í góðri
samvinnu við íbúa og undir styrkri
stjórn bæjarstjórnar og bæjarstjóra
liggja nú fyrir stefnur í öllum helstu
málaflokkum sveitarfélagsins. Stefnurnar
marka svo alla vinnu starfsmanna bæjar-
ins, nefnda og ráð.
Mosfellsbær er nú fremstu röð sveitarfé-
laga þegar kemur að gegnsæi í stjórnsýslu,
aðgengi að upplýsingum og þátttöku íbúa.
Þannig tekur stjórnsýsla okkar og starfsemi
stofnana bæjarins mið af því að hagur fjöl-
skyldna og einstaklinga sé höfð að leiðar-
ljós þegar teknar eru ákvarðanir og þar er
gætt jafnréttis og jafnræðis.
Ég hef átt sæti í íþrótta- og tóm-
stundanefnd í nær 8 ár og verið formað-
ur nefndarinna frá 2009 og er auk þess
varabæjarfulltrúi og í stjórn skíðasvæða
höfuðborgarsvæðisins. Þessi verkefni eru
fjölbreytt en mestur tími fer í verkefni
íþrótta- og tómstundanefndar sem hefur
verið mjög starfsöm á yfirstand-
andi kjörtímabili. Við lukum við
gerð íþrótta- og tómstundastefnu
í framhaldi íbúaþings, komum
að gerð nýrra og stefnumótandi
samninga við félög bæjarins, sett-
um nýjar reglur um kjör íþrótta-
konu og -karls bæjarins auk þess
að gefa íbúum kost á að taka þátt
í kjörinu, settum reglur um styrk til mos-
fellskra afreksíþróttamanna sem fá styrk frá
Afrekssjóði ÍSÍ svo fátt eitt sé nefnt.
Að starfa að sveitarstjórnarmálum er
ánægjulegt og lærdómsríkt en það sem
stendur upp úr eftir þessi ár er að ég trúi á
okkur, trúi á lýðræðið, trúi á sveitarstjórn-
arfólk, trúi á starfsmenn Mosfellsbæjar og
ég trúi á sveitarfélagið okkar Mosfellsbæ.
Ég hef áhuga á að starfa áfram fyrir
sveitarfélag okkar og óska því eftir stuðn-
ingi þínum í 5. sætið í prófkjöri Sjálfstæð-
isflokksins í Mosfellsbæ þann 8. febrúar
næstkomandi.
Theódór Kristjánsson,
formaður íþrótta- og tómstundanefndar.
Ég trúi á okkur og Mosfellsbæ
Mosfellsbær hefur allt til brunns
að bera. Hér er góð aðstaða til
íþróttaiðkunar bæði fyrir börn og
fullorðna. Hér er góður miðbæjar-
kjarni sem heldur vonandi áfram
að stækka með fjölgun fyrirtækja.
Núna er kominn glænýr og flott-
ur framhaldsskóli sem verður mik-
il bót fyrir komandi kynslóðir sem
núna geta sótt skóla í sinni heimabyggð. Ég
trúi því líka að mannlíf ungs fólks aukist til
muna við þennan nýja og flotta skóla, þess-
ir ungu og efnilegu krakkar munu sækja í
þjónustu í Mosfellsbæ sem síðan styður enn
betur við uppbyggingu miðbæjarins.
Í fyrra var opnað nýtt hjúkrunarheimili
hérna í hjarta Mosfellsbæjar og er þetta
frábær liður í því að styðja við bakið á eldri
borgurum, en það er hópur sem fer sífellt
stækkandi og mikilvægt er að huga að.
Skipulagsmál eru mér hugleikin
þar sem ég tel að þau séu mikil-
vægur liður í að skapa fjölskyldu-
og umhverfisvænt samfélag.
Mosfellsbær er kjörinn kostur
fyrir ungt fólk sem er að stofna fjöl-
skyldu og mér finnst mikilvægt að
þessi hópur sem er framtíð Mosfells-
bæjar fái þann stuðning sem hann á
skilið. Til þess að styðja við þennan hóp þarf
samstarf milli, skóla, heimilis og þeirra sem
sinna tómstundastarfi að vera gott.
Ég vil nýta mína krafta í að halda áfram
þessari jákvæðu uppbyggingu sem hefur átt
sér stað síðustu árin í Mosfellsbæ og þess
vegna er ég að bjóða mig fram í prófkjöri
Sjálfstæðisflokksins í Mosfellsbæ.
Með góðri kveðju.
Dóra Lind Pálmarsdóttir í 4. sæti
Jákvæð uppbygging
í Mosfellsbæ