Mosfellingur - 30.01.2014, Blaðsíða 36

Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Myrra Hólm Matthíasdóttir fæddist
28.apríl 2013. Hún var 13 merkur og
52 cm. Foreldrar hennar eru Matthías
Matthíasson og Íris Hólm Jónsdóttir.
Kjúlkingasalat með mangódressingu
Í eldhúsinu
Sesselja Gunnarsdóttir deildar-
stjóri í Lágafellsskóla deilir
með okkur ljúffengri uppskrift
að kjúklingasalati.
• 1/2 poki rucola salat
• 1/2 poki spínat
• 1 appelsína
• 1 tómatur
• 1 handfylli af Goji berjum
• 1/2 krukka af fetaosti
• 2 kjúklingabringur
Kjúklingabringurnar eru
skornar í strimla og velt upp
úr salti og sítrónupipar og
því næst steiktar upp úr smá olíu. Appelsínan
og tómaturinn eru skorin í munnbita. Öllu því
næst blandað saman í skál - kjúklingurinn
þarf að kólna aðeins fyrst.
Mangódressing
• 1/2 dós af sýrðum rjóma
• 1/2 dós af grískri jógúrt
• 2 msk. mango chutney
• smá safi út kreistri
sítrónu
• 1/2 tsk af chillikornum
Kakan góða sem kom
mér í þetta.
• 100 gr sykur
• 100 gr púðursykur
• 1 tsk lyftiduft
• 4 eggjahvítur
Allt þetta er sett saman í
skál og stífþeytt því næst er
1 poka af lakkrískurli bætt
út í. Þetta er svo bakað í
tveimur botnum við 140 gráður í 1 klst.
Á milli er svo settur þeyttur rjómi sem í er
bætt 3 kókosbollum. Ofan á kökuna má setja
ís, jarðarber og bláber rétt áður en hún er
borin fram.
Ég skora á Svanhildi Svavarsdóttur,
námsráðgjafa í FMOS
hjá sesselju
Sesselja skorar á Svanhildi Svavarsdóttur að deila með okkur uppskrift í næsta blaði.
NágraNNar
Það er margt í þessum heimi sem
við höfum ekki stjórn á og eitt af því
er hvaða nágranna við höfum, það
er að vísu ekki alveg rétt því ef þú
ert nú eitthvað ósáttur þá getur þú
bara flutt.
Ég er búinn að búa á sama stað
í Hulduhlíð nú í rúm tíu ár og hef
verið ofboðslega heppinn með
hvað ég hef átt yndislega nágranna
og hefur verið gott samband þar á
milli. Nú fékk ég þær fréttir að hún
Systa mín og Gústi væru að fara
að flytja um sveitarfélag og ætli að
bregða búi fyrir fullt og allt. Ég var
nú ekki sáttur þegar Ingimundur og
Elín fluttu á sínum tíma enda vildi
ég ekki missa þau sem nágranna en
var svo heppinn að Systa flutti inn
í staðinn, sem og fyrir fleiri góða
granna sem hafa flutt í burtu.
Nú eru góð ráð dýr, ekki get ég
farið að skipa fólki hvar það á að
búa né hvert það eigi að flytja, þó ég
sé nú frekur þá er það ekki í mínum
verkahring að stjórna. En ég get
kannski haft einhver áhrif á það
hvort það vilji einhver flytja inn í
staðinn. Ég er búinn að ákveða plan
sem getur haft einhver áhrif á það,
þegar það verður opið hús í Huldu-
hlíðinni hjá fasteignasalanum ætla
ég að vera búinn að rusla allhress-
ilega til í garðinum svona meira
en góðu hófi gegnir og vera búinn
að flagga United fána í alla glugga
(það vill náttúrlega enginn búa
fyrir ofan svoleiðis jólasvein) svo
ætla ég að sitja úti á veröndinni á
nærbuxunum einum fata að brenna
rusl, skjóta upp rakettum og slátra
hænum meðan ég stilli Justin Bie-
ber á fullt í spilaranum. Ef það ætti
ekki að fæla burt allt heilvita fólk
þá veit ég ekki hvað, nú ef einhver
litist svona vel á fíflið á neðrihæð-
inni (mig) eftir svona skrípaleik og
ákveður samt að kaupa íbúðina nú
þá er ég í djúpum skít.
Þessi þankagangur í mér er
kannski einmitt ástæðan fyrir því af
hverju allir flytja í burtu? En Systa
og Gústi, ég vona að þið fáið jafn
frábæran granna á nýja staðnum og
mig......
Högni snær
kliddi.blog.is
- Heyrst hefur...36
Heyrst Hefur...
...að Lalli sigvalda hafi orðið
fimmtugur á dögunum.
...að árlegt grímutölt Harðar fari fram
um helgina.
...að Kalli tomm sé að taka meirapróf-
ið og verði farinn að keyra rútu innan
skamms.
...að það sé kominn nýr matseðill á
Hvíta riddaranum.
...að lið Mosfellsbæjar sé komið í
8 liða úrslit í Útsvarinu.
...að elín Lára sé að hætta störfum hjá
Mosfellsbæ.
...að mikil vakning sé orðin á
þörfinni fyrir yfirbyggðu íþróttahúsi í
Mosfellsbæ. Bæjarstjórnin er komin
í málið auk þess sem knattspyrnu-
deild boðar til fundar 11. febrúar.
...að Jónas sigurðsson ætli að hætta
í bæjarstjórn í vor eftir 25 ára setu.
Jónas á afmæli í dag.
...að menntamálaráðherra hafi
stoppað í 5 mínútur við vígslu fMOs
á dögunum. Kom seint og fór strax
að lokinni ræðu sem hann hélt.
...að skíðasvæðið í skálafelli opni á
laugardaginn.
...að handboltinn rúlli um helgina að
Varmá. strákarnir eiga heimaleik á
föstudagskvöldið og stelpurnar á
laugardaginn.
...að sjálfstæðisflokkurinn sé farinn að
leigja bilið við hliðina á Hvíta riddar-
anum undir kosningaskrifstofu.
...að súluhöfðinn hafi fengið verðlaun
á þorrablótinu fyrir best skreytta
borðið.
...að skálatún sé 60 ára í dag.
...að sævar Birgis sé að fara taka þátt í
skíðagöngu á Ólympíuleikunum.
...að Brúarland sé nú notað tíma-
bundið undir leikskólakrakka vegna
viðgerða á Hlaðhömrum.
...að báðir íþróttamenn Aftureldingar
2012 séu búnir að skipta um félag.
steinarr farinn á skagann og Lára
Kristín í stjörnuna.
...að Þóranna skólastjóri í Varmárskóla
hafi hlaupið í skarðið fyrir Maríu
Páls leikkonu í Útsvarinu en María
var að leika fyrir norðan.
...að fatahönnuður sé farinn að leigja
húsnæðið sem Ný-Blóm var í
í Krónuhúsinu.
...að Kærleiksvikan verði haldin
16.-23. febrúar.
...að siggi Borgar sé á leið í prófkjör.
...að verið sé að safna fyrir flygli til að
hafa í sal nýja framhaldsskólans.
...að Guðbjörg og Ingvar
eigi von á barni.
...að Dalbúar ætli að blóta
á laugardaginn.
...að Afturelding muni leika í A-deild
Lengjubikarsins í fótboltanum.
mosfellingur@mosfellingur.is
Hugsað um barn
Nemendur í 10. bekk fengu raunveru-
leikabörn til umönnunar yfir helgi.
Verkefnið heitir ,,Hugsað um barn“ og er
forvarnarverkefni sem snýr að því að gefa
nemendum tækifæri til að upplifa hvernig
það er að hugsa um ungbarn og þær
skyldur sem umönnun krefst.