Dagblaðið Vísir - DV - 25.01.2019, Blaðsíða 2
2 25. jan 2019FRÉTTIR
Fæstir áttu von á því að málverk
Gunnlaugs Blöndal af berbrjósta
konu gæti sært blygðunarkennd
neins. Ekki frekar en Venus frá
Míló eða Sistínska kapellan. Engu
að síður raungerðist það í Seðla-
bankanum fyrir skemmstu. DV tók
saman fimm önnur listaverk sem
særðu blygðunarkennd Íslendinga.
Sjálfsfróun á
Kjarvalsstöðum
Listamaðurinn Egill
Sæbjörnsson vakti
furðu og hneykslun
margra vegna sýn-
ingar sem hann tók
þátt í á Kjarvalsstöð-
um árið 1998. Í einum
salnum var sjónvarp
þar sem mátti sjá Egil
iðka sjálfsfróun og á
einum vegg hékk stór
mynd af
kynfær-
um
hans.
Berir hippar í
Glaumbæ
Rokkóperan Hárið var
sett upp í Glaumbæ
árið 1971. Fullt var út
úr dyrum öll kvöld og
margir spenntir fyrir
að sjá ungu leikarana
kviknakta í einu at-
riðinu. Ríkisútvarpið
veitti þessu „klámi“
enga umfjöllun og
Freymóður Jóhanns-
son listmálari sagði
sýninguna „afar
óheppilega fyrir
þjóðina.“
Missti reisnina
Hafpulsan, stytta
eftir Steinunni
Gunnlaugsdóttur, var
afhjúpuð í Reykja-
víkurtjörn í október
síðastliðnum sem
framlag til hundrað
ára fullveldisafmælis
Íslands. Tengdu margir
verkið við reistan lim
og urðu foj yfir því. Ekki
var liðinn mánuður
þar til skemmdarverk
voru unnin á pulsunni
og missti hún þar með
reisn sína.
Ekki klámmynd
Veggfóður erótísk
ástarsaga, kvikmynd
Júlíusar Kemp frá
árinu 1992, fannst
mörgum Íslendingum
ansi djörf enda eru þar
naktir líkamar sýndir á
lostafullan hátt. Þurfti
Júlíus að koma fram í
fjölmiðlum og útskýra
að ekki væri um klám-
mynd að ræða.
Grófur rapptexti
Hljómsveitin
Tennurnar hans afa
gerði garðinn frægan á
níunda áratugnum og
var brautryðjandi í ís-
lensku rappi. Sumarið
1989 gerði lag þeirra
La Barna allt vitlaust
enda fjallaði það á
ónærgætinn hátt um
þungun. Eftir að það
var spilað í útvarpi
loguðu línurnar vegna
reiðra innhringjenda
sem kröfðust þess að
lagið yrði bannað.
listaverk sem særðu blygðunarkennd Íslendinga
Á þessum degi,
25. janúar
1533 – Hinrik VIII. Englandskonungur
kvænist annarri eiginkonu sinni, Önnu
Boleyn, á laun.
1858 – Brúðarmarsinn, eftir Felix
Mendelssohn, er fluttur í brúðkaupi
Viktoríu, dóttur Viktoríu Englands-
drottningar, og Friðriks, krónprins
Prússlands, og verður í kjölfarið vinsæll
við slíkar athafnir.
1890 – Blaðamaðurinn Nellie Bly
(Elizabeth Cochrane Seaman) lýkur 72
daga ferð sinni umhverfis jörðina.
1971 – Charles Manson og þrjár konur
úr „fjölskyldu“ hans eru sakfelld fyrir
Tate-LaBianca morðin sem framin voru
1969.
1732– Snjóflóð féll á bæinn Brimnes
við Seyðisfjörð og níu manns fórust.
Var þessi vetur nefndur Brimnesvetur
eftir það.
1996 – Billy Bailey nýtur þess
vafasama heiðurs að verða síðasti
glæpamaðurinn sem hengdur er í
Bandaríkjunum.
1952 – Sveinn Björnsson, fyrsti forseti
Íslands, lést sjötugur að aldri. Hann er
eini forsetinn sem hefur látist í embætti.
Síðustu orðin
„Ég legg brátt upp í mína
hinstu för, heljarmikið
stökk inn í myrkrið.“
– Enski rithöfundurinn Thomas
Hobbes (1588–1679)
Bjóðum uppá FRÍTT SÖLUVERÐMAT
Grensásvegi 13, 108 Reykjavík / S: 570 4800
Næsti kafli
hefst hjá okkur
Æsingur vikunnar: Brjóstamyndin í Seðlabankanum
Æ
singur vikunnar var í
háfleygari kantinum,
en það snerist um lista-
verk af nakinni konu
eftir málarann Gunnlaug Blön-
dal. Verkið hafa fáir Íslendingar
barið augum en það hékk á vegg
í Seðlabankanum. Málið byrjaði
síðasta sumar með frétt Frétta-
blaðsins um að kvörtun hefði
borist frá starfsmanni vegna
listaverks sem innihéldi nekt. Á
laugardaginn kom svo önnur frétt
í Fréttablaðinu um að verkið hefði
verið sett í geymslu.
Málið olli nokkrum titringi
innan Seðlabankans, þá helst
hláturtitringi meðal starfsmanna
á gólfi. Ofar í valdastiganum var
mönnum minna skemmt enda
er Samherjamálið nýbyrjað að
koðna niður. Málið skapaði mikla
hneykslun, þá sérstaklega hjá
þeim sem telja sér trú um að vera
hafnir yfir að taka þátt í hvers-
dagslegum æsingi. Kolbrún Berg-
þórsdóttir, menningarritstjóri
Fréttablaðsins, skammaðist yfir
þeirri ákvörðun Seðlabankans að
taka mark á „væli“. Fleiri einstak-
lingar úr stétt hinna borgaralegu
afla gáfu í skyn að um væri að
ræða óþarfa blygðunarsemi og
var víða á samfélagsmiðlum gef-
ið sterklega í skyn að málið væri
ritskoðun runnin undan rifjum
femínista.
Málið tók svo aðra stefnu
á þriðjudaginn þegar Nanna
Hermannsdóttir, einn forkólfa
brjóstabyltingarinnar og dóttir
aðstoðarseðlabankastjóra, benti
á að #freethenipple-byltingin
snúist ekki um að karlar megi
nú skreyta skrifstofur sínar með
brjóstamyndum. Eftir hádegi
sama dag var Katrín Jakobsdóttir
forsætisráðherra krafin svara, þá
sjaldan sem æsingur vikunnar
ratar svo hátt í valdastigann.
Sagðist hún vera hlynnt listrænu
frelsi en starfsfólk ætti ekki að
þurfa að vinna í umhverfi sem
því þætti óþægilegt. Umræðan
hélt áfram rúlla á samfélagsmiðl-
um, þá helst í formi brandara og
dæma um önnur nektarlistaverk.
Þetta var ekki eini æsingurinn í
vikunni. Á sunnudagskvöldið létu
„sérfræðingar“ í körfuboltaþætti
ýmis ummæli falla ótengd körfu-
bolta, grænkerar og þeir sem
glíma við kulnun í starfi fengu það
óþvegið. Á fimmtudeginum sneru
þeir Gunnar Bragi Sveinsson og
Bergþór Ólason aftur á þing fyrir
Miðflokkinn, notuðu margir tæki-
færið til að rifja upp ummælin á
Klaustri sem urðu til þess að þeir
fóru í leyfi. n
Það var nokkuð á reiki
hvaða mynd eftir
Gunnlaug Blöndal var
um að ræða, líklegast
er það þessi.