Morgunblaðið - 16.03.2019, Blaðsíða 13

FRÉTTIR 13Innlent
MORGUNBLAÐIÐ LAUGARDAGUR 16. MARS 2019
98.900.000,-
Grenimelur 47, 107 Reykjavík
Efri sérhæð – bílskúr 179,2 m2
Stórglæsileg sex herbergja efri sérhæð á eftirsóttum stað
við Grenimel í Vesturbænum
Eignin er samtals 179,2 m2, þar af bílskúr 24,4 m2.
79.500.000,-
Hjarðarhagi 33 - 107 Reykjavík
Sérhæð með bílskúr 161,9 m2
Glæsileg og mikið endurnýjuð efri sérhæð ásamt bílskúr
(26,7 m2) við Hjarðarhaga 33 í Vesturbæ Reykjavíkur.
54.500.000,-
Kirkjulundur 14, 210 Garðabær
2ja herbergja íbúðí fjölbýli 91,3 m2 -
bílastæði
Falleg og rúmgóð 2ja herbergja íbúð á jarðhæð í nýlegu
lyftuhúsi við Kirkjulund. Timburverönd með sérafnotarétti.
Vel staðsett íbúð á eftirsóttum stað við Garðatorgið.
64.900.000,-
Sléttuvegur 15, 103 Reykjavík
3-4ra herb. íbúð í fjölbýli- 133,3 m2 -
laus strax
Afar falleg og björt 3ja -4ra herbergja íbúð á 1. hæð í
vönduðu og eftirsóttu fjölbýlishúsi fyrir 55 ára og eldri.
Íbúðin er skráð 133,3 m2 en að auki er 11,5 m2 flísalögð,
yfirbyggð og upphituð verönd til suð- vesturs, íbúðin er
því samtals um145.
68.900.000,-
Lindargata 28 - 101 Reykjavík
Efsta hæð - mikil lofthæð - þaksvalir
Glæsileg 3ja herbergja íbúð á efstu hæð með mikilli
lofthæð (allt að 4,2 m) og einstökum 24 m2 þaksvölum
við Lindargötu í miðborg Reykjavíkur
99.500.000,-
Skúlagata 32, 101 Reykjavík
Útsýnisíbúð í lyftuhúsi 158,6 m2
Afar glæsileg útsýnisíbúð með aukinni lofthæð á efstu
hæð í lyftuhúsi. Tvennar svalir eru á íbúðinni, 8,9 fm
til norðurs með glæsilegu útsýni. Til suðurs er 41,1
fm skjólsælar svalir/þakgarður með heitum potti og
harðviðargólfi. Úr norðurhluta íbúðarinnar er glæsilegt
útsýni yfir sundin
72.900.000,-
Langalína 20, 210 Garðabær
4ra herb. íbúð í fjölbýli 143 m2 - bílastæði
Glæsileg 4ra herbergja íbúð á jarðhæð í nýlega byggðu
(2016) lyftuhúsi við Löngulínu í Garðabæ. Mjög gott
aðgengi er að íbúðinni sem og bílastæði og geymslu sem
henni fylgja.
44.800.000,-
Fjólugata 19, 101 Reykjavík
2- 3ja herbergja risíbúð - glæsilegt útsýni
Falleg 2ja til 3ja herbergja risíbúð með glæsilegu útsýni
í mjög fallegu steinhúsi við Fjólugötu í Þingholtunum.
Hús múrviðgert og málað fyrir fáeinum árum - þakjárn
endurnýjað.
Áratuga reynsla og þekking í fasteignaviðskiptum
✆ 585 8800
Kringlunni 4-6 | 103 Reykjavík | Sími 585 8800 | híbýli.is
Ingibjörg Þórðardóttir
löggiltur fasteignasali s. 864 8800
Þórður S. Ólafsson
löggiltur fasteignasali
Ólafur Már Ólafsson
löggiltur fasteignasali s. 865 8515
Opið hús sunnudag 17. mars 13:00 - 13:30
Ágúst Ingi Jónsson
aij@mbl.is
Vetrarvertíð er að ná hámarki og gott hljóð var í
starfsmönnum hafnanna í Snæfellsbæ, Grinda-
vík og Sandgerði þegar rætt var við þá í gær. Á
þessum stöðum hefur meiri afli borist á land
heldur en á fyrstu 10 vikum síðasta árs. Dagana
fram til mánaðamóta verður eflaust mikið sótt
svo fremi sem kvótastaðan leyfi, en hrygningar-
stopp og páskahátíð setja svip sinn á apríl-
mánuð.
Björn Arnaldsson, hafnarstjóri í Snæfellsbæ,
sagði að gott fiskirí hefði verið frá áramótum og
reyndar einnig í nóvember og desember. „Það
er sama hvort þú nefnir dragnót, net eða línu,
það virðast allir vera að fiska vel, og í þessari
viku hefur líka verið gott á handfæri. Svo telur
að fiskverðið byrjaði að hækka síðari hluta síð-
asta árs og hefur haldist þokkalegt síðan,“ segir
Björn.
Samkvæmt yfirliti Reiknistofu fiskmarkaða
fengust 314,45 krónur fyrir kíló af slægðum
þorski að meðaltali í gær.
Besti febrúar í fjölda ára
Þrjár hafnir eru í Snæfellsbæ; á Ólafsvík, Rifi
og Arnarstapa. Frá áramótum til 15. mars var
landað þar alls rúmlega þrettán þúsund tonn-
um, en á sama tíma í fyrra tæplega ellefu þús-
und tonnum og nemur aukningin um 2.300 tonn-
um. Björn segir að febrúarmánuður hafi verið
besti febrúar sem hann muni eftir, en Björn hef-
ur starfað við höfnina í um aldarfjórðung. Aldrei
áður hafi aflinn í mánuðinum farið yfir sex þús-
und tonn eins og nú varð niðurstaðan.
Sem dæmi um góðan afla nefnir Björn að
Kristinn SH, tæplega 30 tonna línubátur, hafi
komið með 13-20 tonn í fjórum róðrum þessa
vikuna og stóru línubátarnir sem landa á Rifi
hafi fiskað mjög vel. Handfærabátur hafi komið
með fjögur tonn á miðvikudag, stórir og minni
netabátar hafi fiskað vel og t.d. hafi Bárður komið
með mest 39 tonn þessa vikuna. Þá hafi Steinunn
aflað afburða vel í dragnót og kom t.d. á miðviku-
dag með 55 tonn að landi.
Sumir eru farnir að slaka á sókninni að sögn
Björns til að treina kvótann, en aðrir reyna að
leigja til sín heimildir. Hann segir að heilt yfir
hafi veður verið þokkalegt til sjósóknar í vetur.
Loðnu hefur aðeins orðið vart á miðunum við
Snæfellsnes síðustu daga.
Á pari við bestu árin
Fjórir skuttogarar eiga heimahöfn í Grindavík
og átta stórir línubátar og er mikil atvinna tengd
þessum skipum. Af dagróðrarbátum frá Grinda-
vík róa flestir með línu og í fyrradag voru Vé-
steinn, Gísli Súrsson, Kristján og Sandafellið með
8-12 tonn.
Sigurður Arnar Kristmundsson, hafnarstjóri,
segir að undanfarið hafi verið ágætis kropp hjá
flestum. Hann segir að bátum sem róa frá
Grindavík hafi heldur fækkað síðustu ár, en tonn-
um hafi þó fjölgað með stækkun og endurnýjun
báta. „Byrjunin á þessu ári til dagsins í dag er
bara skrambi góð og á pari við það sem best hefur
verið í fimmtán ár,“ segir Sigurður.
Hátt í 30 bátar í Sandgerði
Þórhallur Ásgrímsson hafnarvörður í Sand-
gerði, sagði um hádegi í gær að flestir væru á sjó,
ýmist á línu, handfærum eða netum. Hann sagð-
ist reikna með að hátt í 30 bátar kæmu inn til
löndunar og voru tveir netabátar komnir inn um
hádegi. Afli hefði verið ágætur í vikunni og þá
einkum hjá netabátum, en aðeins hefði dregið úr
afla línubáta.
Þórhallur sagði að síðustu ár hefði bátum sem
róa frá Sandgerði fjölgað og að sama skapi hefði
magn landaðs afla aukist. „Það er mjög gott hljóð
í mönnum og bjartsýni,“ sagði Þórhallur.
„Það virðast allir vera að fiska vel“
 Meiri afli á land í ársbyrjun heldur en í fyrra í Grindavík, Sandgerði og höfnum Snæfellsbæjar
 Fiskverð hefur verið þokkalegt  Sumir eru farnir að slaka á sókninni til að treina kvótann
Morgunblaðið/Alfons Finnsson
Línan dregin Örvar Marteinsson, skipstjóri á Sverri SH, á miðunum um hádegi í gær. Afli
þessa vikuna hefur verið 5-9 tonn í róðri. Báturinn er 12 tonn, tveir í áhöfn og línan landbeitt