Morgunblaðið - 16.03.2019, Blaðsíða 6

Fálkinn sést flögra víða um landið og að kvöldlagi
sást þessi ungi flækingur gæða sér á bráð í fjörunni
á Álftanesi. Bragðaðist krásin vel, en fálkinn var þá
á þangi þakinni klöppinni þegar tekið var að falla að.
Samskipti fálka og rjúpu, ránfugls og bráðar, eru
mjög náin, segir á vef Náttúrufræðistofnunar Ís-
lands. Stofnbreytingar tegundanna eru háðar stofn-
stærð hvorrar fyrir sig. Stofnarnir rísa og hníga og
talið er að íslenski fálkastofninn sé innan við 400
óðalspör og fjöldi einstaklinga innan við 2.000. Mest
og helst sést fálkinn í Þingeyjarsýslum og unir sé þar
vel.
Fálkinn í fjörunni á Álftanesinu
Morgunblaðið/Sigurður Ægisson
Morgunblaðið/Árni Sæberg
Fossvogsskóli Kennarar og aðrir starfsmenn vinna nú að flutningi skólahalds í Laugardalinn. Mikil vinna fer í að meta hverju þarf að henda, hvað sé hægt
að hreinsa og hvað skal sett í geymslu. Henda þarf verkum nemenda í verk- og listgreinum en foreldrar geta fengið verk barna sinna kjósi þeir svo.
Guðrún Erlingsdóttir
ge@mbl.is
„Starfsmenn skólans eru að taka til
hluti sem á að farga, hluti sem hægt
er að taka með í nýtt húsnæði og
hluti sem geyma á til næsta skóla-
starfs,“ segir Helgi Grímsson, sviðs-
stjóri skóla- og frístundasviðs hjá
Reykjavíkurborg, um stöðu mála í
Fossvogsskóla sem hefur verið lok-
aður vegna myglu sem þar fannst frá
13. mars. Skólahald mun ekki fara
fram í því húsnæði fyrr en á næsta
skólaári þegar búið er að gera við
skemmdir.
Fara eftir leiðsögn sérfræðinga
„Við njótum leiðsagnar sérfræð-
inga hvað varðar frágang á hlutum
úr skólanum og fylgjum þeirra leið-
beiningum í einu og öllu. Við höfum
reynslu frá öðrum stöðum og ef það á
að nota hlutina aftur þarf að hreinsa
þá og sumt er þess eðlis að það svar-
ar ekki kostnaði,“ segir Helgi og
bendir á að ekki sé ráðlegt að taka
bólstruð sæti og svamp með úr rým-
um sem mygla hefur verið í án
hreinsunar eða útskiptingar. Helgi
segir að engar bækur verði teknar
með af bókasafni skólans.
„Bókasafnið var við útvegg þar
sem hafði verið mikill leki. Við mun-
um því bíða með ákvörðun um bæk-
urnar þar til við vitum hvernig
ástandið var í rými bókasafnsins.
Þeim verður þá annaðhvort hent eða
kannað hvort hægt sé að hreinsa
þær með einhverri tækni,“ segir
Helgi og bætir við að Fossvogsskóli
fái lánaðar bækur þar til skólahald
hefjist að nýju í endurbættum skóla.
„Starfsfólk skólanna hefur unnið á
fullu í tvo daga við að ganga frá og
henda. Það er tregablandið verkefni
kennara að þurfa í einhverjum til-
fellum að henda verkefnum og verk-
efnabönkum sem þeir hafa nýtt sér á
pappírsformi. Þetta er heilmikil
vinna og það má kannski segja að
fyrir marga séu breytingarnar með
ákveðnum hætti nýtt upphaf.“
Helgi segir að Fossvogsskóli verði
starfræktur í Laugardalnum það
sem eftir lifi skólaárs. 4. til 7. bekkur
verði í húsnæði KSÍ, 2. og 3. bekkur
verði til að byrja með í húsnæði
Þróttar og Ármanns og fyrsti bekk-
ur byrji í Útlandi. Að sögn Helga er
stefnt að því að allir bekkir fái
kennslu í Laugardalnum og að nem-
endur verði ferjaðir með rútum frá
Víkingsheimilinu í skólann.
Mismunandi gerðir myglu
Indriði Níelsson, byggingarverk-
fræðingur hjá Verkís, segir misjafnt
til hve ítarlegra aðgerða þarf að
grípa er upp kemur mygla í húsnæði.
„Það fer eftir því um hvers konar
myglu eða svepp er að ræða. En það
fer líka eftir því hversu viðkvæmur
einstaklingur sem dvelur í sýktu
rými er, til hvaða aðgerða þarf að
grípa,“ segir Indriði og bætir við að
ef um litla skemmd sé að ræða sem
lagfærð er fljótlega sé ekkert að ótt-
ast, en ef skemmdin er mikil þarf að
skoða rýmið vel.
Að sögn Indriða er hægt að þrífa
húsgögn og annað með sléttum flöt-
um. Eitthvað sé hægt að þrífa með
sértökum ósonefnum en suma hluti
sé alls ekki hægt að þrífa og þeim
getur því þurft að henda. Sérstak-
lega ef umfang skemmdanna er mik-
ið eða ef einstaklingur er mjög við-
kvæmur með tilliti til ofnæmis.
Tekur á kennara Fossvogs-
skóla að henda verkefnum
 Skólahald Fossvogsskóla í Laugardalnum og rútuferðir frá Víkingsheimilinu
Fossvogsskóli
» Farga þarf húsgögnum sem
innihalda svamp, pappír o.fl.
» Farga þarf verkefnum nem-
enda í list- og verkgreinum.
» Foreldrar hafa val um hvort
þeir sæki verk barna sinna úr
list- og verkgreinum.
» Skoðað verður hvaða efni í
list- og verkgreinum verða not-
uð áfram og hvað verði endur-
nýjað.
6 FRÉTTIRInnlent
MORGUNBLAÐIÐ LAUGARDAGUR 16. MARS 2019
sp
ör
eh
f.
Sumar 7
Eire, eyjan græna Írland, býður upp á svo ótal margt sem
gleður; fallegt landslag, áhugaverða sögu, söngva, sagnir
og skemmtilegt kráarlíf. Við ökum hinn margfræga Kerry
hring þar sem verða á vegi okkar litskrúðug sjávarþorp,
skoðum viskíverksmiðju í Midleton, stöldrum við í miðbæ
Cork og ljúkum svo ferðinni í hinni líflegu Dublin.
9. - 16. júní
Fararstjóri: Jón Baldvin Halldórsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 199.900 kr. á mann í tvíbýli.
Mjög mikið innifalið!
Írland - eyjan græna
„Það eru graf-
alvarleg tíðindi
sem hafa borist í
gegnum fréttir af
heilsuspillandi
rakaskemmdum í
húsnæði sem
heyrir undir
skóla- og frí-
stundasvið
Reykjavíkur. Það
vekur einnig
óhug að slíkum tilfellum hefur fjölg-
að nokkuð að undanförnu – rétt eins
og einhvers konar myglufaraldur sé
í uppsiglingu á þeim stöðum sem
mygla ætti einna síst að fá að grass-
era,“ segir í bókun sem fulltrúar
Sjálfstæðisflokks í umhverfis- og
heilbrigðisráði lögðu fram í gær á
sérstökum aukafundi sem haldinn
var vegna umfjöllunar um myglu-
og rakavandamál í byggingum á
vegum Reykjavíkurborgar að und-
anförnu.
Voru það fulltrúar Sjálfstæðis-
flokks og fulltrúi Miðflokks sem
óskuðu eftir þessum fundi og var
slæmt ástand Fossvogsskóla meðal
annars tilefni fundarins, en alls er
vitað um slæmt ástand í fjórum
skólum og þremur til fjórum frí-
stundamiðstöðvum.
„Langvarandi fjársvelti meirihlut-
ans í Reykjavík hvað snýr að við-
haldi á húseignum borgarinnar er
nú að birtast í þeirri myrku mynd
sem nú blasir við. Þetta ástand er
afleiðing af uppsöfnuðum viðhalds-
skorti og rangri forgangsröðun í
stjórn borgarinnar. Ljóst er að end-
urskoða þarf alla verklagsþætti og
verkferla er varða úttektir á skóla-
húsnæði og setja fram raunhæfa
áætlun um endurbætur og viðhald.
Ljóst er að fara þarf í allsherjar-
úttekt á skólahúsnæði í borginni í
ljósi þeirra tilvika sem komin eru
upp. Fulltrúar Sjálfstæðisflokks
hafa nú þegar lagt fram tillögu þess
efnis í borgarráði,“ segir enn fremur
í bókun sjálfstæðismanna í umhverf-
is- og heilbrigðisráði. khj@mbl.is
Mygla sögð
afleiðing
sveltistefnu
Ráðhús Mygla er
víða í Reykjavík.
 Vilja úttekt á öllum
skólahúsum í RVK