Morgunblaðið - 16.03.2019, Side 14

14 FRÉTTIRInnlent
MORGUNBLAÐIÐ LAUGARDAGUR 16. MARS 2019
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Greiðsluáskorun
Innheimtumenn ríkissjóðs skora hér með á gjaldendur eftirtalinna
gjalda að gera skil nú þegar eða í síðasta lagi innan 15 daga
frá dagsetningu áskorunar þessarar:
Gjöldin eru: Staðgreiðsla tekjuskatts, útsvars og tryggingagjalds sem fallið hefur í eindaga til
og með 15. mars 2019, virðisaukaskattur sem fallið hefur í eindaga til og með 5. mars 2019 og
önnur gjaldfallin álögð gjöld og ógreiddar hækkanir er fallið hafa í eindaga til og með 15. mars
2019, á staðgreiðslu tekjuskatts, útsvars og tryggingagjalds, virðisaukaskatti, virðisaukaskatti
í tolli, vanskilum launagreiðenda á gjöldum í og utan staðgreiðslu, fjármagnstekjuskatti á
skilaskylda aðila, áfengisgjaldi, bifreiðagjaldi, úrvinnslugjaldi, olíugjaldi, kílómetragjaldi,
gistináttaskatti, fjársýsluskatti, vinnueftirlitsgjaldi, vörugjaldi af innlendri framleiðslu, vörugjaldi
af ökutækjum, eftirlitsgjöldum, árgjöldum, aðflutningsgjöldum, skilagjaldi á umbúðir,
fasteignagjöldum, skipulagsgjaldi, skipagjöldum, jarðarafgjaldi, sektum skattrannsóknarstjóra,
ofgreiddri uppbót á eftirlaun, eftirlitsgjaldi Fjármálaeftirlitsins, árgjaldi handhafa markaðsleyfis,
veiðigjaldi og álögðum þing- og sveitarsjóðsgjöldum, sem eru:
Tekjuskattur og útsvar ásamt álagi á ógreiddan tekjuskatt og útsvar, útvarpsgjald,
gjald í framkvæmdasjóð aldraðra, slysatryggingagjald vegna heimilisstarfa,
auðlegðarskattur og viðbótar auðlegðarskattur, fjármagnstekjuskattur ásamt álagi á
ógreiddan fjármagnstekjuskatt, ógreiddur tekjuskattur af reiknuðu endurgjaldi ásamt
álagi, búnaðargjald, sérstakur fjársýsluskattur, sérstakur skattur á fjármálafyrirtæki,
jöfnunargjald alþjónustu, ofgreiddar barnabætur og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðvum
gjaldanna ásamt dráttarvöxtum og öllum kostnaði, sem af innheimtu skuldarinnar kann að
leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir
gjaldanda. Fjárnámsgjald í ríkissjóð er allt að 25.000 kr. fyrir hvert fjárnám. Þinglýsingargjald
er 2.500 kr. auk útlagðs kostnaðar eftir atvikum. Eru gjaldendur hvattir til að gera full skil sem
fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald,
afdreginn fjármagnstekjuskatt, áfengisgjald, fjársýsluskatt, gistináttaskatt og virðisaukaskatt,
búast við því að starfsemi þeirra verði stöðvuð án frekari fyrirvara, þeir gjaldendur er skulda
bifreiðagjöld og kílómetragjald mega eiga von á að skráningarnúmer verði tekin af ökutækjum
þeirra án frekari fyrirvara og þeir gjaldendur sem skulda gjöld þar sem lögveð fylgir mega
búast við að send verði út sérstök greiðsluáskorun fyrir gjaldföllnum kröfum. Greiðsluáskorunin
hefur ekki áhrif á þessi innheimtuúrræði þannig að fyrrgreindur 15 daga frestur frá dagsetningu
áskorunar þessarar gildir ekki í þessum tilvikum.
Reykjavík, 16. mars 2019
Tollstjóri
Sýslumaðurinn á Vesturlandi
Sýslumaðurinn á Vestfjörðum
Sýslumaðurinn á Norðurlandi vestra
Sýslumaðurinn á Norðurlandi eystra
Sýslumaðurinn á Austurlandi
Sýslumaðurinn á Suðurlandi
Sýslumaðurinn í Vestmannaeyjum
Sýslumaðurinn á Suðurnesjum
Hrókurinn og Kalak bjóða til fagn-
aðarfundar með vinum frá Græn-
landi í dag, laugardag, kl. 14 í
Pakkhúsi Hróksins, Geirsgötu 11
við Reykjavíkurhöfn. Boðið verður
upp á tónlist, veitingar og fræðslu
um Grænland.
Þeir sem koma fram eru Steffen
Lynge, skákmeistari, tónlistar-
maður og lögreglumaður, Dines
Mikaelsen frá Tasiilaq, ásamt Fær-
eyingnum Birgi Hansen, og tveim-
ur unglingspiltum frá Tasiilaq,
Samuel Mikaelsen og Mikael Baj-
are. Sjana Rut Jóhannsdóttir, söng-
gyðja Hróksins, mun að auki gleða
gesti með lögum sínum og söng.
Við sama tækifæri verður haldin
sýning á teikningum barnanna í
Kulusuk, en þar voru Hróksliðar á
ferð fyrstu vikuna í mars.
Steffen Lynge hefur starfað víða
á Grænlandi. Hann tók þátt í fyrsta
alþjóðlega móti Hróksins í Qaqor-
toq 2003, og hefur síðan verið burð-
arás í starfi Hróksins þar í landi.
Dines er allt í senn veiðimaður,
listamaður og rithöfundur.
Hrókur Hrafn Jökulsson með Steffen Lynge, skákmeistara í Nuuk í fyrra.
Fagnaðarfundur
hjá Hróknum í dag
 Tónlist og fræðsla um Grænland
Snorri Másson
snorrim@mbl.is
„Við höfum engan áhuga á loftslags-
málum,“ sagði Guðni Elísson, pró-
fessor í bókmenntafræði við Háskóla
Íslands, í fyrirlestri á Hugvísinda-
þingi. „Ekki láta
það rugla ykkur
þegar kannanir
sýna að 70% Ís-
lendinga hafi
miklar áhyggjur
af loftslagsmál-
um. Við ættum
frekar að skoða
hvar það er í röð-
inni. Loftslags-
mál lenda alltaf í
6., 7., 8. eða 9. sæti af þeim atriðum
sem skipta fólk máli. Og ef málið er
komið þangað skiptir það ekki máli
lengur því fólk hugsar í raun bara
um fyrstu fimm hlutina,“ sagði hann.
Hann sagði vandann liggja í því að
umhverfisváin væri ekki farin að
brenna áþreifanlega á mannkyninu
og á meðan svo væri hefði fólk engan
áhuga á loftslagsmálum. Og þar lægi
hundurinn grafinn, enda vandamálið
raunverulegra en nokkru sinni fyrr.
Til merkis um það væri sú staðreynd
að ef Ísland hygðist standa við sína
skuldbindingu í Parísarsáttmálanum
ætti það koltvísýringskvóta til 2021.
Og þá þyrfti einfaldlega að skrúfa
frá.
Erindi Guðna bar þann lipra titil
Láttu myrkrið vera þinn bjölluturn
og sláðu stundirnar sjálfur: Ógn og
ógnarorðræða í loftslagsmálum.
Ógnarorðræðan var honum enda
hugleikin, hann sagði frjálshyggju-
menn bera ábyrgðina á því að yfir-
höfuð væri talað um „dómsdags-
spár“ í umræðu um loftslag.
Umhverfisverndarsinnar eru
eins og vatnsmelónur
Guðni sagði frjálshyggjumenn
hafa skorðað umræðuna í ramma
hagfelldan sínum hagsmunum strax
í árdaga umræðunnar um loftslags-
mál, ef ekki fyrr. „Frjálshyggju-
mennirnir voru farnir að vara við
dómsdagsspám í loftslagsmálum
löngu áður en græningjarnir og
náttúruverndarsinnarnir voru farnir
að hugsa um loftslagsbreytingar,“
sagði hann.
Þannig hafi þeir séð umræðuna
fyrir og skilgreint hana á sínum for-
sendum. „Lykilmenn í íslenskri
loftslagsumræðu voru farnir að vara
við alls konar hugmyndum í
tengslum við loftslagsmál strax í
upphafi 10. áratugarins,“ sagði
hann. „Þetta voru menn eins og
Andrés Magnússon og Hannes
Hólmsteinn Gissurarson. Ég get
ekki annað en borið djúpa virðingu
fyrir innsæi þessara einstaklinga,
vegna þess að þeir fóru í boltann áð-
ur en nokkur áttaði sig á því að við
værum að spila fótbolta,“ sagði
Guðni. „Þá var bara búið að afvopna
alla. Þá var búið að leggja línurnar í
orðræðunni.“
Í þessu samhengi nefndi hann
fræga líkingu: „Umhverfisverndar-
sinnar eru eins og vatnsmelónur,
grænir að utan og rauðir að innan.“
Guðni sagði fyrsta tilfelli þessarar
setningar vera hjá Hannesi Hólm-
steini í grein í DV árið 1993. „Ég
spurði Hannes einu sinni hvort þetta
kæmi frá honum og hann svaraði
hróðugur: Davíð Oddsson,“ sagði
Guðni.
Hann sagði að ásakanir frjáls-
hyggjumanna sem þessara á hendur
vísindamönnum, um að hafa uppi
dómsdagsspár um loftslagsmál,
hefðu á endanum leitt til þess að vís-
indamennirnir pössuðu sig „um of“.
Í því tilliti ítrekaði Guðni að vandinn
væri „aldrei ýktur“ af vísindamönn-
um, heldur væri nánast undantekn-
ingalaust dregið úr honum.
Guðni gerði greinarmun á dóms-
dagsspám og spám, í einföldum
skilningi þess orðs. Spá fælist í því
að meta gögn sem liggja fyrir og
álykta út frá þeim einhverja fram-
vindu. Að spá ekki alvarlegum af-
leiðingum breytinga á loftslagi væri
þannig „að fleygja út 150 árum af
grundvallaratriðum í vísindum“.
Vísindaleg spá gerir þannig, að
sögn Guðna, ráð fyrir eyðingu
heimsins eins og við þekkjum hann,
að öllu óbreyttu. Til þess að sporna
við þróuninni þurfi að reisa skorður
við vextinum sem heimsframleiðslan
er í. Þar verður dálæti mannlegs
samfélags á vexti, af hvaða gerð sem
er, vandamál, að sögn Guðna. „Hag-
vöxtur er meðal helstu stjórntækja
stjórnmálamanna. Nú verður spurn-
ingin sú: getum við komið jafnvægi á
vöxtinn nógu fljótt, svo ekki fari
illa?“
Frjálshyggjumenn
unnu orðræðuglímuna
 Vísindamenn tali niður vandann  Ísland á CO2 til 2021
Morgunblaðið/RAX
Grænland Guðni segir að frjálshyggjumenn hafi verið farnir að saka græn-
ingja um dómsdagsspár áður en þeir fóru einu sinni að ræða loftslagsmál.
Guðni Elísson
Í Morgunblaðinu
í hinn 5. mars sl.
birtist röng mynd
með aðsendu
greininni Dagur
heyrnar 2019 –
Mælum heyrnina
eftir Ingibjörgu
Hinriksdóttur og
Bryndísi Guð-
mundsdóttur.
Fyrir misskilning
birtist mynd af alnöfnu Bryndísar.
Mynd af réttum höfundi birtist hér
með og biðst Morgunblaðið velvirð-
ingar á mistökunum.
LEIÐRÉTT
Myndaruglingur
Bryndís
Guðmundsdóttir