Morgunblaðið - 13.04.2019, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 13. APRÍL 2019
*F
or
se
nd
ur
áb
yr
gð
ar
er
u
re
gl
ul
eg
t
þj
ón
us
tu
ef
tir
lit
se
m
ka
up
an
di
be
r
ko
st
na
ð
af
.L
es
tu
m
ei
ra
um
áb
yr
gð
in
a
á
w
w
w
.k
ia
.c
om
/a
by
rg
d.
*G
re
id
d
he
ild
ar
fjá
rh
æ
ð
á
7
ár
um
er
5.
38
3.
13
9
kr
.Á
rle
g
hl
ut
fa
lls
ta
la
ko
st
na
ða
r
er
9,
19
% Fylgdu
straumnum
36.777 kr.M.v. 50% innborgun eða bíl í uppítökuog lán til 84 mánaða. Vextir 7,7 %.
Afborgun á mánuði:
ASKJA · Krókhálsi 11–13 · 110 Reykjavík · 590 2100 · askja.is
Viðurkenndur sölu- og þjónustuaðili Kia á Íslandi.
Fylgdu okkur á Facebook.
facebook.com/kiamotorsisland
Fjölhæfur fjölskyldubíll með allt að 64 km rafdrægni
Nýr Kia Optima Plug-in Hybrid er vel búinn og umhverfismildur fjölskyldubíll. Hann hefur 440 lítra farangursrými
og er því afar rúmgóður, með allt að 64 km rafdrægni og yfir 1.000 km heildardrægni á eldsneyti og rafmagni.
Optima PHEV er bæði fáanlegur í Sportswagon og Sedan útgáfu.
Komdu og reynsluaktu Kia Optima PHEV. Við tökum vel á móti þér.
4.590.777 kr.
Optima PHEV EX á verði frá:
Ágúst Ingi Jónsson
aij@mbl.is
„Síaukin skattheimta og gjaldtaka
undanfarinna ára og hækkandi
rekstrarkostnaður eru farin að taka
verulega í hjá mörgum sjávar-
útvegsfyrirtækjum,“ sagði Jens
Garðar Helgason, formaður Sam-
taka fyrirtækja í sjávarútvegi, á að-
alfundi samtakanna í gær.
Hann sagði að hallað hefði undan
fæti undanfarin misseri hvað varð-
aði samkeppnishæfni á alþjóðlegum
markaði og benti m.a. á að þrír af
stærstu stjórnmálaflokkum Noregs
hefðu allir ályktað gegn aukinni
gjaldtöku á hefðbundinn sjávar-
útveg og fiskeldi.
Jens Garðar rifjaði upp hvatningu
Ólafs Thors, forsætisráðherra, í ára-
mótaávarpi 1945 og sagði síðan:
„Sem eyþjóð við heimskautsbaug
höfum við þurft að treysta afkomu
okkar á viðskipti við aðrar þjóðir.
Engum dyrum var lokað og við átt-
um farsæl viðskipti við þjóðir þvert
á landamæri, köld stríð eða aðrar
pólitískar stefnur. Heimsvalda-
pólitík stoppaði okkur ekki í að auka
hagsæld og velferð – Íslendingar
byggðu brýr til þeirra þjóða sem
vildu eiga við okkur viðskipti.
Stjórnmálamenn dagsins í dag
verða einnig að hafa það hugfast að
enn þann dag í dag byggjum við vel-
ferðarsamfélag okkar á sömu for-
sendum. Frjálsum og óheftum við-
skiptum.“
Greinin að slíta barnsskónum
Hann sagði íslensk stjórnvöld
hafa það í hendi sér að auka hér út-
flutningsverðmæti á sjávarafurðum
um 100 milljarða á næstu árum eða
sem nemur sömu útflutnings-
verðmætum og þorskstofninn gefur
af sér í dag. Norðmenn, Færeyingar
og Skotar hefðu nú þegar nýtt sér
sama sóknarfæri og byggt upp öfl-
ugan fiskeldisiðnað í sínum löndum.
Hér væri komin viðbót við íslenskan
sjávarútveg sem ekki hefði þegið
eða beðið um neina uppbyggingar-
samninga eða aðrar fyrirgreiðslur af
hendi ríkisvaldsins heldur verið að
byggja upp þekkingarsækinn iðnað
á landsbyggðinni.
„Því verð ég að lýsa yfir miklum
vonbrigðum með að nú liggi fyrir
Alþingi frumvarp um auðlindagjald
af sjókvíaeldi þegar það liggur fyrir
að greinin er rétt að slíta barns-
skónum, er í uppbyggingarfasa og
ekki eitt fyrirtæki í sjókvíaeldi er
ennþá farið að skila hagnaði. Hér er
nýr akur, sem getur gefið ríkulega
af sér til framtíðar,“ sagði Jens
Garðar.
Markmiði náð
Kristján Þór Júlíusson, sjávar-
útvegsráðherra, sagði í ávarpi sínu á
fundinum að hann teldi að með nýj-
um lögum um veiðigjald hefði það
markmið náðst að greiðsla gjaldsins
tæki tillit til afkomu fyrirtækja eins
og hún væri á hverjum tíma og að
gjaldið væri einfalt, stöðugt og
fyrirsjáanlegt.
„Hvað sem öllu þessu líður verður
stóra þrætueplið í allri þessari um-
ræðu þó alltaf það sama. Hversu
stóran hluta á ríkið að taka til sín?
Ég veiti því sjónarmiði – að það
gjald sem var lögfest sé of hátt –
fullan skilning. Á sama tíma tel ég
þó augljóst að núverandi gjaldtaka
sé á allan hátt betri en það sem áður
var og efast um að nokkur myndi
vilja snúa til baka,“ sagði Kristján.
Hann sagði einnig að það skyti á
margan hátt skökku við að á sama
tíma og stjórnvöld hvetji til þess að
íslenskur sjávarútvegur ráðist í fjár-
festingar á umhverfisvænni skipum
sé lagt sérstakt gjald á þessar sömu
fjárfestingar sem ekki þekkist í
rekstrarumhverfi erlendra sam-
keppnisaðila.
„Hér er ég að vísa til þess stimp-
ilgjalds sem greiða ber við eigna-
tilfærslur fyrir skip yfir 5 brúttó-
tonnum. Þessa gjaldtöku þarf að
endurskoða enda myndi það fela í
sér hvata fyrir íslenskan sjávar-
útveg til að hraða enn frekar endur-
nýjun fiskiskipaflotans og þannig
stuðla að loftslagsvænni sjávar-
útvegi. Það er öllum til hagsbóta.“
Skattar og gjöld farin
að taka verulega í
 Frjáls og óheft viðskipti grundvöllur velferðarsamfélagsins
Morgunblaðið/Sigurður Bogi
Útgerð Jens Garðar Helgason, formaður SFS, og Kristján Þór Júlíusson.
Kristján H. Johannessen
khj@mbl.is
„Við höfum mjög lengi haft af því
áhyggjur að grunnskólanemendur
séu í skipulögðu starfi eða vinnu allt
frá því þau eru lítil. Þetta er sem
dæmi afleiðing af þeirri umræðu
sem snýr að löngum vistunartíma
barna í leikskólum. Og í framhaldi
af því eru yngstu börnin í grunn-
skólum flest hver í lengdri viðveru.
Þau eru því flest með skóladag frá
átta til fimm, en síðan bætast tóm-
stundir, íþróttaiðkun og tónlist, of-
an á þetta og langt fram á kvöld.“
Þetta segir Þorgerður Laufey
Diðriksdóttir, formaður Félags
grunnskólakennara, en sl. fimmtu-
dag greindi Morgunblaðið m.a. frá
því að vinnuvika nemenda í
Menntaskólanum við Hamrahlíð
væri á milli 40 og 50 klukkustundir.
Er það að teknu tilliti til mætingar í
kennslustundir, heimanáms, laun-
aðrar vinnu og skipulagðra æfinga
vegna tónlistarnáms, íþróttaiðkunar
o.fl.
„Það sem síðan gerist í elstu
bekkjum grunnskóla er að börnin
fara að draga úr tómstundum og
fara þess í stað að vinna með skóla
á kvöldin og um helgar. Þetta mikla
vinnuálag á íslensk börn og ung-
menni er vel þekkt og heldur áfram
inn í framhaldsskólann,“ segir Þor-
gerður Laufey og bætir við: „Ís-
lensk ungmenni vinna mikið í dag
sem áður, en kannski hefur það
breyst úr því að vera einungis laun-
uð vinna og farið meira í tónlistar-
og íþróttanám enda höfum við náð
framúrskarandi árangri í þessum
greinum sem eru utan við hið hefð-
bundna skólastarf.“
Opna þarf umræðu um álag
Þorgerður Laufey bendir á að
mörg þessara barna standi sig vel í
bæði námi og áhugamálum. Engu
að síður sé þörf á að fylgjast með
álagi á börn með tilliti til aukins
kvíða.
„Þessar miklu kröfur um að
standa sig koma auðvitað einhvers
staðar fram. Við þurfum að fara að
opna á umræðuna um álag og þá
einkum hvenær toppnum er náð.“
Morgunblaðið/Hari
Grunnskóli „Við þurfum að fara að opna á umræðuna um álag og þá eink-
um hvenær toppnum er náð,“ segir formaður Félags grunnskólakennara.
Vinnuálag vel
þekkt hjá börnum
Upptekin ungmenni
» Vinnuvika nemenda í
Menntaskólanum við Hamra-
hlíð er á milli 40 og 50 klst.
» Íslensk ungmenni hafa lengi
verið þekkt fyrir að vinna mikið
með námi sínu.
» Auknu álagi fylgir hættan á
auknum kvíða og því er þörf á
að opna umræðu um álag.