Morgunblaðið - 13.04.2019, Qupperneq 41

ÍÞRÓTTIR 41
MORGUNBLAÐIÐ LAUGARDAGUR 13. APRÍL 2019
VANDAÐUR VEISLUBÚNAÐUR FYRIR
FERMINGAR
fastus.is
Hnífar, bretti, leirtau, glös, hitapottar, lampar, fatnaður, hitaborð,
hitakassar og trillur o.fl.
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is
 Körfuknattleiksmaðurinn Brynjar
Þór Björnsson hefur rift samningi sín-
um við Tindastól en þetta kom fram í
tilkynningu frá félaginu í gær. Brynjar
Þór gekk til liðs við Tindstól frá KR
síðasta sumar en hann yfirgefur félag-
ið af persónulegum ástæðum. Brynjar,
sem er áttfaldur Íslandsmeistari með
KR, tjáði mbl.is í gær að hann væri að
flytja aftur til Reykjavíkur. KR sé fyrsti
kostur hjá honum í stöðunni en hann
útiloki ekki önnur lið sem staðsett eru
á höfuðborgarsvæðinu.
 Førde, liðið sem Hilmar Guð-
laugsson þjálfar í norsku B-deildinni í
handknattleik, hafnaði í 7. sæti deild-
arinnar en keppni lauk í fyrrakvöld.
Førde hélt þar með sæti sínu í deild-
inni annað árið í röð. Hilmar tók við
þjálfun Førde á síðasta sumri af
Kristni Guðmundssyni sem nú er ann-
ar þjálfari karlaliðs ÍBV.
 Lionel Messi, fyrirliði Barcelona,
fékk þungt högg á andlitið frá Chris
Smalling þegar Barcelona og Man-
chester United áttust við í átta liða úr-
slitum Meistaradeildarinnar. Messi
þurfti að fá aðhlynningu en töluvert
blæddi úr nefi Argentínumannsins og
eftir leikinn óttuðust menn að hann
hefði nef-
brotnað.
Messi fór í
myndatöku á
fimmtudag og
þar kom í ljós
að nefið er
óbrotið.
Eitt
ogannað
og voru ÍR-ingar harðir í vörninni, án
þess að vera grófir.
Borche Ilevski, þjálfari ÍR, á svo
mikið hrós skilið, en hann teiknaði
upp nokkur glæsileg leikkerfi á æsi-
spennandi lokamínútum. Þau héldu
hans liði inni í leiknum.
Kevin Capers átti glæsilegan leik
fyrir ÍR, en Bandaríkjamaðurinn er
ólíkindatól. Hann pirraðist er Annti
Kanervo braut á honum í fyrri hálf-
leik og ýtti hann Finnanum frá sér,
löngu eftir að flautað var. Hann fékk
tiltal frá dómurum leiksins og var svo
tekinn af velli af Ilevski. Hann fékk
orð í eyra frá þjálfarateyminu og eftir
það fór orka hans í að spila körfubolta
og ekki almenna vitleysu. Þjálf-
arateymið las aðstæður gríðarlega
vel og greiddi úr flækju.
ÍR er nú aðeins einum sigri frá því
að komast í úrslitaeinvígið gegn KR
eða Þór Þorlákshöfn og eru tvöfaldir
meistarar Stjörnunnar með bakið
upp við vegg. Það er erfitt að spá
hvernig fjórði leikur einvígisins fer á
mánudaginn kemur. ÍR hefur sýnt
gríðarlegan hug í úrslitakeppninni og
gefst aldrei upp. Stjarnan verður hins
vegar að vinna og mæta Stjörnumenn
væntanlega dýrvitlausir til leiks.
ÍR lét Stjörnuna spila sinn leik
 ÍR einum sigri frá úrslitaeinvíginu
 Stjarnan skoraði ekki í framlengingu
Morgunblaðið/Eggert
Útisigur Kevin Capers hefur stolið senunni í rimmu Stjörnunnar og ÍR .
Í GARÐABÆ
Jóhann Ingi Hafþórsson
johanningi@mbl.is
ÍR er komið í 2:1-forystu í einvíginu
gegn Stjörnunni í undanúrslitum Ís-
landsmóts karla í körfubolta eftir
68:62-útisigur í framlengdum leik í
gærkvöldi.
Staðan eftir venjulegan leiktíma
var 62:62 og skoraði Stjarnan ekki
eitt einasta stig í framlengingunni.
Það kom ekki sérstaklega á óvart,
miðað við gang leiksins. Bæði lið áttu
afar erfitt með að skora og hittu illa.
Stjarnan virtist hins vegar ætla að
tryggja sér sigurinn með góðri byrj-
un í fjórða leikhluta, en ÍR-ingar
neituðu að gefast upp og náðu að
jafna. Liðin skiptust svo á að vera í
forystu á spennandi lokamínútum.
Gæðin í leiknum voru yfirhöfuð
ekki sérstaklega mikil, en það hent-
aði ÍR-ingum vel. Leikmannahópur
Stjörnunnar er sterkari og er meiri
breidd hjá deildar- og bikarmeist-
urunum. ÍR-ingum tókst hins vegar
að láta Stjörnuna spila sinn leik. Í
staðinn fyrir glæsileg tilþrif þurftu
liðin að hafa fyrir hverju einasta stigi
Martin Hermannsson, landsliðs-
maður í körfuknattleik, mun spila
hreinan úrslitaleik um sigur í Evr-
ópukeppninni, Eurocup, eftir sigur
Alba Berlín á spænska liðinu Val-
encia í hinni glæsilegu Mercedes
Benz-höll í Berlín í gærkvöldi.
Framlengja þurfti en Berlínar-
liðið sigraði 95:92 og jafnaði þar
með 1:1 en Valencia vann fyrsta
leikinn á Spáni 89:75.
Spænska liðið á heimaleikjarétt-
inn og verður oddaleikurinn í Val-
encia. Landsliðsmiðherjinn
Tryggvi Snær Hlinason er fé-
lagsbundinn Valencia en var lán-
aður í vetur til Monbus Obradoiro.
Martin lét ekki sitt eftir liggja
frekar en fyrri daginn en frammi-
staða hans hefur verið mjög góð á
hans fyrsta tímabili hjá Alba. Mart-
in skoraði 14 stig, gaf 6 stoðsend-
ingar og tók 4 fráköst.
Með því að leika til úrslita í Evr-
ópukeppni félagsliða í körfuknatt-
leik fetar Martin í fótspor Jóns Arn-
órs Stefánssonar. Helena
Sverrisdóttir komst í undanúrslit
Euroleague með Good Angels Ko-
sice árið 2013. kris@mbl.is
Alba nældi í oddaleik
Ljósmynd/FIBA
Úrslit Martin Hermannsson verst leikmanni Valencia.
MG-höllin, undanúrslit karla, þriðji
leikur, föstudag 12. apríl 2019.
Gangur leiksins: 4:3, 8:5, 15:10,
20:12, 22:17, 26:19, 28:22, 32:30,
32:32, 34:36, 36:38, 43:45, 49:45,
53:48, 55:53, 62:62, 62:68.
Stjarnan: Brandon Rozzell 15/6 frá-
köst/5 stoðsendingar, Hlynur Bær-
ingsson 12/10 fráköst, Antti Kanervo
12/6 fráköst, Filip Kramer 8/6 frá-
köst, Collin Pryor 6, Ægir Steinarsson
5/11 fráköst/7 stoðsendingar, Tómas
Stjarnan – ÍR 62:68
Hilmarsson 4/8 fráköst.
Fráköst: 36 í vörn, 13 í sókn.
ÍR: Kevin Capers 30/5 fráköst/5
stoðsendingar/5 stolnir, Matthías
Sigurðarson 13/6 fráköst/5 stoð-
sendingar, Sigurkarl Jóhannesson
8/6 fráköst, Trausti Eiríksson 7/6 frá-
köst, Sigurður Þorsteinsson 6/14 frá-
köst, Gerald Robinson 4/7 fráköst.
Fráköst: 39 í vörn, 5 í sókn.
Áhorfendur: 1.000.
 Staðan er 2:1 fyrir ÍR.
KA jafnaði metin gegn HK í úr-
slitaeinvíginu um Íslandsmeist-
aratitil karla í blaki á Akureyri í
gærkvöld en KA vann leikinn 3:0.
Jafnfræði var með liðunum í fyrstu
hrinunni en KA vann 25:22 og þá
næstu 25:21. Í þriðju hrinu var mik-
il spenna en svo fór að lokum að KA
vann 25:23-sigur. Miguel Castrillo
var frábær í liði KA og skoraði 23
stig og Stefan Hidalgo skoraði 11
stig. Benedikt Baldur Tryggvason
var stigahæstur hjá HK með 10 stig
og Theódór Óskar Þorvaldsson
skoraði 7 stig. Staðan er því jöfn í
einvíginu, 1:1, en liðin mætast aftur
á morgun á Akureyri. Vinna þarf
þrjá leiki til þess að tryggja sér Ís-
landsmeistaratitilinn.
Allt galopið
hjá KA og HK
Morgunblaðið/Eggert
1:1 KA jafnaði metin í gær en liðin
mætast aftur á Akureyri í dag.