Dagblaðið Vísir - DV - 05.04.2019, Blaðsíða 2

2 5. apríl 2019FRÉTTIR
1946 – Sovéski herinn bindur endi á
árslanga hersetu sína á dönsku eynni
Borgundarhólmi.
1986 – Þrjár manneskjur bíða bana í
sprengjutilræði á diskótekinu La Belle
í Vestur-Berlín í Þýskalandi. Diskótekið
var vinsæll viðkomustaður bandarískra
hermanna á þeim tíma.
1992 – Friðarsinnarnir Suada Dilber-
ovic og Olga Sucic eru skotnir til bana á
Vrbanja-brúnni í Sarajevo, höfuðborg
Bosníu og Hersegóvínu. Þau eru talin
fyrstu fórnarlömb Bosníustríðsins.
Á þessum degi,
5. apríl
1792 – George Washington Banda-
ríkjaforseti beitir neitunarvaldi og er það
í fyrsta skipti sem því er beitt þar í landi.
Síðustu orðin
„Ég sé svart ljós.“
– Rithöfundurinn Victor Hugo
(1802–1885)
V
íðines er töluvert afskekkt,
í nálægð við Álfsnes þar
sem Sorpa er með endur­
vinnslustöð, og í góðri fjar­
lægð frá Mosfellsheiði og Esju­
melum. En heimilismenn kvarta
ekki undan staðsetningunni. Fáir
þeirra eiga bíl en akstur er í boði
tvisvar á dag og allir hjálpast að
varðandi vistir og útréttingar.
Svanur Elíasson er á meðal
þekktustu íbúa Víðiness en hann
bjó um tíma í tjaldi í Laugardaln­
um. Svanur er ekki síst þakklátur
fyrir vistina í Víðinesi vegna þess
að þar getur hann verið með
hundana sína. Svanur á tvær blíð­
lyndar blendingstíkur sem tóku
blaðamanni og ljósmyndara DV af
mikilli gestrisni. Þess á milli börð­
ust þær um athygli eiganda síns og
eru báðar dálítið afbrýðisamar, að
hans sögn. „Þær eru eins og börn,
hvað þetta snertir,“ segir Svanur,
en tíkurnar eru mæðgur sem heita
Kleó og Jana.
Margir heimilismenn voru
heima við þegar DV bar að garði
og verður að segjast að það virð­
ist ríkja góður andi á staðnum.
Einn starfsmaður er í húsinu og er
hann með fasta búsetu. „Hér ríkir
góður andi og samhjálp er ríkjandi
meðal okkar,“ segir Svanur. Flestir
íbúanna eru miðaldra eða síðmið­
aldra karlmenn. Einn er í vinnu
en aðrir eru öryrkjar. Húsaleigan
er 50 þúsund krónur á mánuði en
flestir íbúanna eru með ráðstöf­
unartekjur um 200 þúsund krónur,
sumir minna og aðrir meira.
„Maður kemst af með því að lifa
spart,“ segir Sveinn og kvartar ekki.
Vistarverur eru þokkalegar
í Víðinesi og íbúar hafa ágæta
eldunaraðstöðu í eldhúsum. Bað­
herbergi og eldunaraðstaða eru
sameiginleg og hvort tveggja er
með ágætum.
Íbúarnir án leigusamnings og
framtíðin í fullkominni óvissu
„Það er fínt að vera hérna en það
sem við hérna í húsinu erum
óánægð með er skortur á fram­
tíðarlausn og óvissa um fram­
tíðina. Þetta átti bara að vera til
skamms tíma en sumir hafa verið
hérna í eitt og hálft ár og enginn
veit hvað tekur við. Hingað koma
fulltrúar frá velferðarsviði einu
sinni í viku en hafa engar fréttir að
færa okkur heldur segja okkur að
við séum í rauninni að gefa þeim
upplýsingar,“ segir Svanur.
Leigjendurnir skrifuðu flestir
undir tveggja mánaða samning á
sínum tíma en eru í dag án leigu­
samnings. Áform um framtíð Víði­
ness virðast í lausu lofti, sem og
framtíð íbúanna, sem eru uggandi
um sinn hag.
„Það hefur verið talað um að
einkaaðili taki yfir reksturinn á
þessu. Þá veit ég ekki hvað verð­
ur um okkur,“ segir Sigurjón Ás­
mundsson, öryrki sem bjó áður
í gistiskýli. „Þetta er miklu betra
en gistiskýlið,“ segir Sigurjón sem
er sáttur við að búa í Víðinesi – en
ósáttur við óvissuna.
„Við óttumst framtíðina,“ segir
Sigurjón.
Svanur tekur undir þetta. „Við
erum gleymdir hér og óttumst
framtíðina,“ segir hann.
„Það hefði líka verið gott að fá
lengri leigusamning svo við ætt­
um möguleika á húsaleigubótum,“
segir Sigurjón og Svanur er sam­
mála því.
Velferðarsvið staðfestir
óvissuna
DV sendi fyrirspurn á Regínu
Ásvaldsdóttur, sviðsstjóra vel­
ferðarsviðs Reykjavíkur, um málið
og barst svar um hæl:
„Upphaflega var Víðines hugs­
að sem hálfgert neyðarúrræði,
sem við settum á laggirnar til að
bjóða þeim sem voru á tjaldsvæð­
inu í Laugardal húsaskjól. Víði­
nes stóð þá tómt og við mátum
það betra en að fólk byggi í tjöld­
um og húsbílum, að minnsta kosti
hlýtt og vistlegt. Markmiðið var
að það yrði unnið áfram með við­
komandi einstaklingum í því að
finna varanlegt húsnæði. Mörg­
um leið hins vegar vel í Víðinesi,
húsnæðið er í eigu borgarinnar og
því var ákveðið að framlengja dvöl
einstaklinganna enda löng bið í
félagslegt húsnæði á vegum borg­
arinnar og annarra sveitarfélaga.
Velferðarráð hefur hins vegar ver­
ið í stefnumótun varðandi málefni
heimilislauss fólks og einstaklinga
í vímuefnavanda og er von á tillög­
um á fundi ráðsins þann 17. apríl
næstkomandi. Ein af tillögunum
er að auglýsa eftir rekstrar aðila að
Víðinesi og vera þar með áfanga­
heimili sem er þá fyrir fólk sem
hefur lokið áfengismeðferð.
Velferðarsvið mun vinna með
hverjum og einum einstaklingi
sem er í Víðinesi í dag að fram­
tíðarlausn, einhverjir gætu hugs­
anlega verið áfram og einhverjir
fara í annað húsnæði.“
Þegar DV benti í svarpósti við
þessu svari á að íbúarnir óttuð­
ust um sinn hag, þakkaði hún fyrir
upplýsingarnar og skrifaði jafn­
framt:
„Við þurfum greinilega að
bæta upplýsingagjöfina.“ Undir
þetta tekur Hrafnhildur Ósk
Ólafsdóttir, geðhjúkrunarfræðing­
ur og deildarstjóri á velferðarsviði.
„Við munum bæta upplýsingagjöf­
ina. Þeir einstaklingar sem fengu
boð um að flytja upp í Víðines á
sínum tíma voru ekki með mikl­
ar og flóknar þjónustuþarfir. Þrátt
fyrir það höfum við lagt mikið
upp úr því að þeim standi stuðn­
ingur til boða ef þeir þurfa. Því er
umsjónarmaður búsettur í Víði­
nesi. Auk þess hefur vettvangs­ og
ráðgjafateymi Reykjavíkurborgar
(VoR) komið og hitt íbúa í Víði­
nesi að lágmarki einu sinni í viku. Í
tengslum við mögulegt útboð hafa
ráðgjafar af þjónustumiðstöðvum
lagt áherslu á að vera í virku sam­
bandi við hvern íbúa til stuðnings
og ráðgjafar um framtíðarlausn­
ir ef til breytinga kemur. Við erum
að bíða eftir tillögum um framtíð
Víði ness. Þegar þær upplýsingar
liggja fyrir verður öllum málum
fundinn farvegur óski íbúar eftir
því.“ n
Ágúst Borgþór Sverrisson
agustb@dv.is
VIÐ ERUM GLEYMDIR HÉR
OG ÓTTUMST FRAMTÍÐINA
Snemma árs 2018 hóf
Reykjavíkurborg að
bjóða heimilislausu fólki
herbergi til leigu í hús-
næði í Víðinesi. Fólk sem
hafði vakið athygli fyrir
að búa í tjöldum, meðal
annars í Laugardal, var
á meðal leigutaka. Í dag
búa 11 manns í Víðinesi
og ræddi DV við tvo
þeirra á sólbjörtum degi í
byrjun apríl.
MYNDIR: HANNA/DV
Svanur (t.v.) og Sigurjón