Dagblaðið Vísir - DV - 07.06.2019, Blaðsíða 4

4 7. júní 2019FRÉTTIR
Gullöld miðaldra iðnaðarmanna að hefjast
S
varthöfði hefur tekið eft-
ir að sumir miðaldra karl-
menn ganga um bísperrt-
ir og skælbrosandi þessa
dagana. Þetta er þjóðfélagshóp-
ur sem hefur verið undirokaður í
áratugi, nefnilega stuðningsmenn
knattspyrnuliðsins Liverpool.
Betur þekktir sem Púlarar. Enda
var liðið þeirra að lyfta stærstu
mjólkurdollu Evrópu og allt virð-
ist á réttri leið hjá þeim.
Púlarar er vissulega réttnefni
því oft eru þetta menn sem vinna
strangheiðarleg störf. Iðnaðar-
menn, sjómenn, vörubílstjórar.
Þetta eru týpur sem seint verða
sakaðir um að fylgja tískustraum-
um eða að vera hip og kúl. Þegar
þessir menn voru ungir átti Liver-
pool sitt besta skeið. Titlarnir röð-
uðust inn, bæði innan og utan
landsteinana.
En svo skall tíundi áratugurinn
á og Liverpool hefur verið í með-
allagi. Unnið einstaka dollu af og
til en aldrei unnið úrvalsdeildina
og ekki nema í örfá skipti átt sjéns.
Lækkaði nú risið hjá þessum
þjóðfélagshópi og biturðin festist
í sessi með hverju vonbrigðaár-
inu á fætur öðru. „Næsta tímabil“
varð algengasta orðasamsetn-
ingin sem þeir notuðu. Þeir fóru
einnig að lifa á fornri frægð, líkt
og Fjölnismenn sem litu tárvot-
ir til þjóðveldisaldar á meðan
samtímamenn þeirra sultu í vist-
arbandi og börðust við sull og
berkla.
Svarthöfði hefur einnig tekið
eftir breytingum hjá öðrum þjóð-
félagshópum. Manjú-menn sjást
varla á götunum lengur. Þetta eru
aðeins yngri menn, alveg við það
að detta í miðöldrun. Fordekrað-
ir tappar sem voru óþolandi í tutt-
ugu ár. Þeir voru „glory-hunter-
ar“ síns tíma eins og Púlararnir.
Þeir tóku einnig ástfóstri við
Schumacher, Tiger Woods, Tyson
og Jordan. Þegar er byrjað að örla
á sömu hegðun hjá þessum hópi
og hjá Púlurum, það er að lifa á
fornri frægð og tala um „næsta
tímabil“, sem þeir gerðu svo mikið
grín að Púlurum fyrir áður.
Treflarnir, eða hipsterarn-
ir, hafa oftast stutt Arsenal, það
er þeir sem horfa á fótbolta yfir
höfuð. Þeir sem áður mærðu
Arsene Wenge og Thierry Henry
á meðan þeir svolgruðu í sig Café
Americano og hámuðu í sig Ci-
abatta með eggaldin, hafa nú að
mestu hætt að ræða enska bolt-
ann. Nýjasta platan með Belle &
Sebastian er sársaukaminna um-
ræðuefni fyrir þá.
Stuðningsmenn Chelsea eru
margir hverjir ljóshærðir banka-
starfsmenn sem aldrei höfðu
horft á enska boltann áður en Eið-
ur og Abramovich komu þangað.
Gengi liðsins skiptir þá litlu enda
hafa þeir hvort eð er meiri áhuga
á crossfit og cyclothon en að sitja
á sveittri fótboltakrá.
City-menn geta góðu gengi
fagnað en þeir eru reyndar sjald-
gæfari en himbrimar. Lífið breyt-
ist heldur ekkert hjá þeim sem
völdu sér þá ógæfu að halda með
miðlungsgóðum og lélegum lið-
um. Til að mynda sér ekkert fyrir
endann á hinu endalausa svart-
nætti hvítklæddra Leeds-ara.
Að halda með liði í enska bolt-
anum er ákvörðun fyrir lífstíð.
Svarthöfði hvetur því lesendur
sína til að velja vel. n
Svarthöfði
Það er
staðreynd að…
Á hebresku þýðir amen sannleikur.
Hvísl reynir meira á raddböndin en
venjulegt tal.
Hákarlar eru einu fiskarnir sem geta
deplað báðum augum samtímis.
Að meðaltali eru 333 blöð í hverri
klósettrúllu.
Norskar kleinur kallast fattigmann,
sem þýðir fátæklingur.
Hver er
hann
n Fjöllistamaður,
fæddur árið 1976.
n Var í hljómsveitinni
Trabant.
n Er bróðursonur Guð-
mundar Arnar Ragnarssonar
predikara á Ómega.
n Kallaði sig Rassa Prump á yngri
árum.
n Verk hans prýðir nú framhlið
Metropolitan-safnsins í New York.
SVAR: RAGNAR KJARTANSSON
YFIRHEYRSLAN
Þórður Helgi Þórðarsson, útvarpsmaður á RÚV og plötusnúður,
fagnaði nýverið fimmtugsafmæli. Doddi, eins og hann er ávallt
kallaður, hefur einnig komið fram sem tónlistarmaðurinn Love
Guru, en hann gaf út lagið Lífið er ljúft, í lok maí og framundan
er plata og remixplata. DV tók Dodda í yfirheyrslu.
Hjúskaparstaða og börn?
Trúlofaður, tvær stelpur og einn strákur.
Hvað ætlaðir þú að verða
þegar þú varst krakki?
Eftir að draumurinn um að verða kábóji
hvarf þá var það væntanlega útvarps-
maður og poppstjarna.
Skemmtilegast að gera?
Hanga með vinum og fjölskyldu.
En leiðinlegast?
Flytja, ég mun aldrei á ævinni flytja aftur.
Býrðu yfir einhverjum leynd-
um hæfileikum?
Er ekki viss um að ég búi yfir einhverjum
opinberum hæfileikum, jú ég get klappað
með annarri hendi! Það er geggjað.
Versta ráð sem þú hefur
fengið?
Aldrei kaupa þér húsnæði, leigðu bara.
Hver er fyrsta minningin þín?
Að detta úr rennibraut, smakka besta ís
í heimi og sleikja diskinn eftir að pabbi
eldaði spagetti þegar ég var fjögurra ára,
gerðist allt á Mallorka.
Hvað er það erfiðasta sem þú
hefur gert?
Flytja að heiman úr örygginu hjá ömmu og
afa í verbúð á Súðavík, verulegur skellur.
Nei ég var ekki 14 ára, ég var 20 ára gamall,
skíthræddur við lífið.
En mest gefandi?
Þegar ég geri einhverja sérþætti í útvarp-
inu og fólk bankar á mig yfir sig hrifið,
love it.
Hver myndi skrifa ævisögu
þína?
Það þyrfti að vera einhver skemmtilegur
því ekki er hún skemmtileg, ég held að Sóli
Hólm sé byrjaður á henni.
Hefur þú fallið á prófi?
Jebb, í dönsku og samfélagsfræði á sam-
ræmdu prófunum sem var mikill skellur
því ég var veikur þegar samfélagsfræði-
prófið var tekið og ég fékk ekki að taka
veikindapróf, ég hefði fengið 11!
Uppáhaldshljómsveit og af
hverju?
Það hefur alltaf verið Depeche Mode þrátt
fyrir að síðustu plötur hafi verið leiðin-
legar. Þeir komu inn í mitt líf á réttum tíma
með skrítin hljóð og svo fannst mér svo
töff að þeir spiluðu bara á hljómborð, ég
vissi ekki einu sinni hvað svuntu-
þeysir var. Ég var 12 ára.
Stærsta stund þín í
lífinu?
Það eru bara klisjurnar,
fæðing barnanna minna,
að flytja í draumahúsið.
Þegar ég sá Depeche
Mode loksins á
tónleikum.
Ertu trúað-
ur eða trúir
þú á æðri
mátt?
Nei.
Mann-
kostir
þínir?
Það verða
aðrir að
svara því.
En lestir?
Ég vil helst ekki að aðrir svari því.
Best að vera útvarpsmað-
ur, plötusnúður eða Love
Guru?
Að vera útvarpsmaður er yndis, hitt
er minna yndis.
Eitthvað að lokum?
Dansaðu fíflið þitt, dansaðu !
„Að halda
með liði í
enska boltanum
er ákvörðun fyrir
lífstíð
Þórður Helgi Þórðarson